Anzaakaa 20:3 - ICIGHAN BIBILO

³ Or u nan palegh num yô, ka kwagh u icivirigh je, kpa hanma ibumeor yô, nan ngu keren num.

Anzaakaa 20:3 Iomraidhean Croise

Genese 13:7

Tsô mbakuranilev mba Aberam man mba Loti mough num ayol a ve. Sha ayange la, Mbakanaan kua Mbaperishi lu ken tar la.

Genese 13:8

Tsô Aberam kaa a Loti er: Ayôôso a̱ de luun mo a we ga, man hen atô u mbakuranilev av a mba ou kpaa ga, gadia se mba anmgbianev je.

2 Utor 14:9

Kpa Yoashi tor u Iserael tindi loho hen Amashia tor u Yuda a kaa er: Saa u sha Lebanon tindi loho hen Sedar u sha Lebanon a kaa er: Na wan wam, wan wou u kwase a̱ er: kpa ishôso i sha Lebanon va kar ndyar saa la.

Anzaakaa 14:17

Or u nan nyoon ishima fefa yô, nana er kwagh sha ibume; or u ayomough yô, mba vende nan.

Anzaakaa 14:29

Or u nan yugh fefa ga yô, nan ngu a mkav u vesen, kpa or u nyoon ishima gagh yô, ka nan kende a ibumegh sha.

Anzaakaa 16:32

Or u nan nyoon ishima fefa ga yô, nan hemba or u ageegh; u nan ker iyol i nan tsaha kpaa, nan hemba or u a ngohol gar sha utya yô.

Anzaakaa 17:14

Mhii u num yô, ngu er ka a na mngerem ian ma a ande yô, nahan yô, de anyimanaikaa, je er a lu a hingir num ga la.

Anzaakaa 18:6

Ityumbuzwaagh i ibumeor ka i va a ayôôso, zwa u nan kpaa u keren gbidiv.

Anzaakaa 19:11

Kwaghfan u or ka a na nan yuwen fefa ga, u den or kwaghbo, ka nan kwagh u icivirigh je.

Anzaakaa 21:24

Or u gengese iyol man or u iceenegh iti i nan yô, ka orpuunakaa je, ka sha imanger i iyolgengese i nan nan eren kwagh ye.

Anzaakaa 26:17

Or u ishima i vihi nan sha num u u lu u nan ga yô, nan ngu er or u nan ker iwa i i lu karen sha ato a i nahan.

Mbaefese 4:32

Kpa lu nen sar sar ayol a en, zungwen nen mhôônom, de nen ayol a en kwaghbo, er Aôndo kpaa A de ne ken Kristu nahan.

Yakobu 3:14

Kpa aluer nea lu a iwuhe i yuan ken ishima shin u wan kwagh wen ayol a en iko tseegh yô, de te nen ihagh ga, shi de eren nen aie sha kwagh u mimi kpaa ga.

Yakobu 4:1

Ka han man ityav mbi dugh ken a vene? Man shi ka han man iniumsuwen kpaa i dugh hen a vene? Kera ka sha asaren a en a a lu nôngon num ken alegh a en la gaa?