Anzaakaa 14:3 - ICIGHAN BIBILO

³ Ken zwa u ibumeor yô, akpa ngu sha ci u mgengeseyol u nan la, kpa ityumbujôôgh i mbaperapera ia kura ve.

Anzaakaa 14:3 Iomraidhean Croise

Yobu 5:21

Á yer u sha ifan i nombor la; man shi ú cian mtim zum u una va la kpaa ga.

Upasalmi 12:3

TER A̱ tim ityumbuzwaagh i nyohon la cii, kua shi nombor u u te ihagh la kpaa;

Upasalmi 31:18

Ityumbujôôgh i aiegh i̱ huan, i mba ve teren mbaperapera sha dang a iyolgengese man ilyaha.

Upasalmi 57:4

Uma wam ngu hen atô u ubegha, m ngu yaven hen atô u mba usu u lu hian ve la; ka ônov mba iorov mba anyi a ve a lu awange man avaan, nombor ve kpaa u lu sanker u esen yô.

Anzaakaa 12:6

Kwaghôron u aferaior ka u gban gwe sha u za haan awambe inya, kpa zwa u mbaperapera yô, ua yima ve.

Anzaakaa 13:3

Or u nan kor zwa u nan yô, ka uma u nan nan kor ye; kpa u nan gbanger zwa u nan yô, nana zua a mtim.

Anzaakaa 14:4

Henpe abua a lu ga yô, kpese ka u lu wanger wanger, kpa sha agee a bua a kahan sule yô, mtser ka a lu kpishi.

Anzaakaa 18:6

Ityumbuzwaagh i ibumeor ka i va a ayôôso, zwa u nan kpaa u keren gbidiv.

Anzaakaa 18:7

Zwa u ibumeor ka mtim u nan je, ityumbuzwaagh i nan kpaa ka ihônon i uma u nan je.

Anzaakaa 21:24

Or u gengese iyol man or u iceenegh iti i nan yô, ka orpuunakaa je, ka sha imanger i iyolgengese i nan nan eren kwagh ye.

Anzaakaa 22:8

Or u nan lee ifer yô, nana sunda bocan, man gbough ku iyugh i nan la, kua saa ishe.

Anzaakaa 28:25

Or u nan lu a ishima i yan mtsera yum yô, ka nan naan num, kpa or u nan suur sha TER yô, á kpe nan iyol.

Daniel 7:20

man sha kwagh u akor pue a a lu sha ityough ki i, man korough kugenegh ku ku due sha man agen atar gba sha ishigh ki ku la; ka korough ku ku lu ashe man zwa u ôron uzegembaakaav, ku ku lu er ku hemba kehen a akar a ku la.

2 Peteru 2:18

Gadia ka sha u ôron ugbilinmbaakaav sha iyolgengese man sha asaren a iyolough man ijimba i eren ve meen ior mba ve sember duen ken mba ve lu ken mtsum la, ye.

Mpase U Yohane 12:11

Ve yô, ve hemba un sha awambe a Waniyôngo man shi sha kwaghôron u shiada ve man uma ve kpaa doo ve ishima ga zan zan ar ken ku je.

Mpase U Yohane 3:10

Er u kor kwaghôron u ishimawan Yam yô, Mo kpaa Me kura u shighe u imeen i i lu van sha tar cii sha u karen mba ve tem sha tar yô.

1 Samuel 2:3

De kera shi seer u ôron kwagh sha imanger ga; kwaghôron u iceenegh kpaa a̱ de dugh ken zwa wen ga; gadia TER ka Aôndo u fan kwagh dedoo je, ka Un je A karen aeren ye.