Anzaakaa 11:4 - ICIGHAN BIBILO

⁴ Inyaregh ki lu a inja sha iyange i ishima i vihin la ga, kpa perapera yô, ka a yima ken ku.

Anzaakaa 11:4 Iomraidhean Croise

Genese 7:1

Shi TER kaa a Noa er: We a ya wou cii, nyôr nen ken tso; gadia ka we, M nenge u lu orperapera sha ishigh Yagh ken kov ne ye.

Yobu 20:28

Akaa a ken ya u nan á kura a kera, á kar a mi kera sha iyange i iyugh Na.

Anzaakaa 10:2

Inyaregh ki iferegh ki a ma inja ga, kpa perapera yô, ka a yima ken ku.

Anzaakaa 12:28

Sha gbenda u perapera uma ngu, kpa gbenda u ifer yô, u ver ishigh ken ku.

Anzaakaa 6:34

Gadia iwuhe ka ishima i vihin i or je, nan de kwagh la, sha iyange i oron iyev mayange ga,

Yesaia 10:3

Né er nan sha iyange i oron iyeve, man sha mtim u una due ca laa? Ka an je né za gba nan ikumu? Man ka han né undu inyaregh yeneghe?

Esekiel 14:14

shin er ior mba utar mban: Noa man Daniel man Yobu vea lu ken u kpaa, ka ve tseegh ma ve yem uma ve sha perapera ve ye, kape Ter AÔNDO A kaa ne.

Esekiel 7:19

Vea haa azurfa ve sha igbenda i ken gar, man zenaria ve kpaa una hingir er kwagh u hôngorough nahan; azurfa ve man zenaria ve vea fatyô u yiman ve sha iyange i iyugh i TER la ga; uma ve una ide sha mi ga, man vea iv iyav vev sha mi kpaa ga, gadia lu kwagh u nan ve gbev mbu nôngon sha u eren ifer la.

Sefania 1:18

Azurfa ve shin zenaria ve, vea fatyô u yiman ve sha iyange i iyugh i TER ga; kpa sha usu u iwuhe Na la, tar cii ua hia kera; gadia Una va a mtim, ka mkur u cieryol je, sha mba ve tem ken tar cii.

Mateu 16:26

Gadia aluer or á zua a tar cii, kpa uma u nan una gema á saa nan yô, á doo nan sha nyi? Shin ka nyi kwagh man or nana na sha u paan uma u nan sha mini?

Luka 12:20

Kpa Aôndo kaa a na er: We ibumeor ne! Ka nyian tugh je i lu keren uma wou hen we ye; nahan akaa a u kohol ne yô, aa hingir a ana?

Mbaromanu 5:17

Aluer ka sha tindi u peren u or môm la man ku u tem tor, i lu sha or môm la yô, ve mba ve ngohol mrumun u sha mhôôn u ngeen yum la man iwua i ishô i nan i ngeen yum la yô, vea hemba lun uma shi vea hemba yan tor sha Or môm, ka Yesu Kristu je la.

1 Timoteu 4:8

Gadia u karen iyol, i̱ taver la tseegh yô, wa ngun a inja kpeghee, kpa u civir Aôndo yô, ngu a inja sha akaa cii gadia ngu a ityendezwa sha uma u hegen ne kua uma u a lu van la kpaa.