Anzaakaa 10:4 - ICIGHAN BIBILO

⁴ Or u nan eren tom sha uhwe yô, nana gba ican, kpa uwegh ku mbataverasema yô, ka ku kohol inyaregh.

Anzaakaa 10:4 Iomraidhean Croise

Genese 26:32

Sha iyange shon la je, mbatomov mba Isaka va, va ôr un kwagh u ijôr i ve dugh yô, ve kaa a na er: Se zua a mngerem shimi.

Anzaakaa 10:5

U nan kohol iyiav fam yô, ka wan u fan kwagh, kpa u nan yav sha shighe u sundan la, ka wan u van a kunya je la.

Anzaakaa 11:24

Orgen ka or u nan akaa a nan kera nahan kpaa akaa a nan a seer a seer; man ugen di yô, ka nan kusu, i kar ikaa inya, nahan kpaa nan hingir oribanave.

Anzaakaa 12:24

Uwegh ku or u veren ishima sha kwagh kua ya tor, kpa or u eren hwev yô, á kighir nan sha tom.

Anzaakaa 12:27

Oruhwe nan zua a inyam sha ikôl i yaren i nan ga; kpa ishima i tiaver yô, ka kwaghinjaa u or.

Anzaakaa 13:4

Uma u oruhwe, kwagh ka a sar un, kpa a zua a kwagh ga, kpa uma u mbatavershima yô, una mgbough a akaa.

Anzaakaa 18:9

Or u nan lu hwev sha tom u nan je yô, nan ngu anmgbian u or u timin a tim ior.

Anzaakaa 19:15

Hwev ka mbu na or nan yav kputu, oruhwe kpaa, ijen ia kôr nan.

Anzaakaa 19:24

Oruhwe ka nan za uwegh ku nan shin ijôndo, kpa nan hide a ku sha zwa u nan ga.

Anzaakaa 20:13

Mnyam ma de doon we ishima ga, sha er ú gba ican ga yô, bugh ashe ou, ka nahan man ú lu a kwaghyan á kuma u gbing ye.

Anzaakaa 20:4

Oruhwe venda u kahan sule sha wangernyom, nahan nana ker kwaghyan fam shio.

Anzaakaa 21:5

Mbamhen mba ortseenshima, ka sha u kwagh ma a ngee yô, kpa hanma or u nan tolough kwagh yum yô, ka ken ibanave nan lu zan ye.

Orpasenkwagh 10:18

Sha hwev yô, hav ka mbu piin; man ka sha uwer u gban, iyou ka i nôô ura ye.

YOHANE 6:27

De kera eren nen tom sha ci u kwaghyan u a saan ishe ga, kpa i̱ lu sha ci u kwaghyan u a lu zan zan uma u tsôron, u Wan u or Una na ne yô, gadia Aôndo Ter, ver ikav sha a Na.

1 Mbakorinte 15:58

Nahan yô, ne anmgbianev av mba doon mo ishima, tile nen dông, de kpoghol nen ga, eren nen tom u Ter ngegh je sha hanma shighe cii, gadia ne fa, ken Ter yô, tom wen ngu gbilin ga.