Anzaakaa 1:9 - ICIGHAN BIBILO

⁹ Gadia vea hingir we kwagh u hweegh sha icul, kua mshirim sha mon wou kpaa.

Anzaakaa 1:9 Iomraidhean Croise

Genese 41:42

Tsô Farao tsuwa kunya na ken uwe, u i ver ikav sha mi la, wa Yosev ken uwe, a haa un akondo a dedoo a pupuu iyol, shi a har un shirigh ku zenaria sha mon kpaa;

Upasalmi 73:6

Ka nahan man iyolgengese i har ve sha mon er ishiligh nahan ye, ipila cir ve iyol er ka ikondo nahan.

Anzaakaa 3:22

ka nahan man vea hingir uma ken jijingi wou, man kwagh u hweegh sha mon wou kpaa ye.

Anzaakaa 3:3

Erdoo man mimi ve̱ de undun we ga, har ve sha mon wou, nger ve sha kpande u ishima you,

Anzaakaa 4:9

Una kange u kwagh u hweegh sha icul, una na u idyer i tor i icivirigh je.

I Solomon 1:10

Ahenge a ou doo tsung a asa a dedoo sha mi, man mon wou kpaa a ikor i asa a dedoo.

I Solomon 4:9

U ngohol mo ishima anngômkwase, kwasehe, u ngohol mo ishima sha mkenger u ashe ou kwa môm, sha gbaashaa môm u sha mon wou la.

Yesaia 3:19

man inyarev mbi ken ato man mbi sha ave, kua akondo a yisan ishigh la kpaa,

Yeremia 35:8

Se kpaa se wa imo i Yonadabi wan u Rekabi, ter wase la iko, sha akaa a a kaa se cii, se kera ma wain ga, sha ayange ase cii, se a kasev asev man ônov asev mba nomso kua mba kasev kpaa,

Esekiel 16:11

M er u hwe anza kposo kposo, M wa u ahye sha ave man ishirigh sha mon.

Daniel 5:16

Kpa m ungwa mer, we yô, u fatyô u pasen akaa, man u been akpelan; hegen yô, aluer ú fatyô u ôron ingeren la, man u pasen mo inja i i kpa yô, á haa u akondo a nyian dindee, á har u ishiligh ku zenaria sha mon kpaa, ú lu tor u sha utar ken tartor.

Daniel 5:29

Tsô Beleshasar na zwa, nahan ve haa Daniel akondo a nyian dindee man ve har un ishiligh ku zenaria sha mon, man ve yôô kwagh na er una lu tor u sha utar ken tartor.

Daniel 5:7

Tsô tor genger imo er, i̱ nyôr a mbaasorov man Mbakaldi man mbatsenganôron akaa. Tor ôr kwagh kaa a mbafankwagh mba Babilon er: Or u nana ôr ingeren nen man nana pasem inja i i kpaa yô, á haa nan akondo a nyian dindee iyol, á har nan ishiligh ku zenaria sha mon, nana lu tor u sha utar ken tartor la.