Anzaakaa 1:5 - ICIGHAN BIBILO

⁵ Sha u orfankwagh nana̱ ungwa nana̱ seer mhen, orkavenkwagh kpaa nana̱ ar sha mbamhen mba mimi;

Anzaakaa 1:5 Iomraidhean Croise

2 Kroniku 25:16

Tsô, ngur ôron kwagh a na yô, tor kaa a na er: Se ver u or u henen kwagh a toro? Kighir je; i̱ wua u keng, ka nyi? Tsô profeti la kighir je, kaa er: M fa Aôndo vande veren ishima sha u timin we, sha ci u u er kwagh ne, man shi sha ci u u kera ver ato sha kwaghôron wam kpaa ga yô.

Yobu 34:10

Yô, ver nen ase ato her a mo, ne ior mba kaven kwagh; Aôndo Una er iferkwagh mayange ga, Uhembanagee kpaa Una er kpe ga.

Yobu 34:16

Aluer u ngu a mkav yô, ungwa kwagh ne; Ver ato sha imo i kwaghôron wam.

Yobu 34:2

Ungwa nen ase akaaôron am, ne ior mba fan kwagh; ver nen ato her a mo, ne mba ne lu a mfe.

Yobu 34:34

Mbakavenkwagh vea kaam, kua orfankwagh u nan ver ato her a mo yô, kpaa er:

Anzaakaa 12:1

Or u tsaha u doo nan yô, ka mfe a doo nan ye, kpa u nan vende myange yô, nan lan kwagh.

Anzaakaa 14:6

Orpuunakaa ka nan ker kwaghfan, kpa nan zua a mi ga, kpa or u nan lu a mkav yô, mfe ngu nan ican ga.

Anzaakaa 18:15

Ishima i orkavenkwagh ka i zua a mfe, ato a orfankwagh kpaa nga keren mfe.

Anzaakaa 19:25

Gbidye orpuunakaa, tsô orlanenkwagh nana hen u eren kwagh sha inja, yange or u nan lu a mkav, tsô nana seer mfe.

Anzaakaa 21:11

Zum u ka a tsaha orpuunakaa yô, orlanenkwagh nan hen kwaghfan, zum u ka a tese orfankwagh yô, nan ngohol mfe.

Anzaakaa 8:33

Ungwan nen ityesen, lu nen mbafankwagh, de vende nen i ga.

Anzaakaa 9:8

De yangen orpuunakaa ga, sha er nana̱ de ker u ihom ga yô; yange orfankwagh, tsô ú doo nan ishima.

Anzaakaa 9:9

Tese orfankwagh kwagh, tsô nana seer kwaghfan; tese orperapera, tsô nana seer mhen.

Orpasenkwagh 9:11

M shi m gema, m nenge shin tar, ayem a gban ka or u fefa nan hembe ga, ityav kpaa ka or u taver nan hembe ga, kwaghyan kpaa ngu sha ci u mbafankwagh ga, inyaregh kpaa ki sha ci u mbakavenkwagh ga, icivir kpaa ngi sha ci u mbahemban fan kwagh ga; gadia shighe man aikôr mba ve sha gbenda ve cii.

1 Mbakorinte 10:15

M ngu ôron kwagh er ka i ôr a mbakavenkwagh yô. Kar nen kwagh u m kaan ne ne:

Duteronomi 4:6

Waan nen a iko, eren nen sha a; gadia ka kwaghfan wen man mkav wen je la, sha ashe a akuraior a á va ungwa akaawan ne cii man aa kaa er: Mimi je zegeikurior ne ka ior i fan kwagh man i kaven kwagh kpaa.