Anzaakaa 1:11 - ICIGHAN BIBILO

¹¹ Aluer vea kaa er: Va sé za kegh sha u haan awambe inya, se dugh ashe ken myer sha or ishôôgh, ikerave kpaa ngi ga;

Anzaakaa 1:11 Iomraidhean Croise

Upasalmi 17:12

Ngu er begha u i sar un pe tusen nahan, bee er ka gumbegha u keghen ken ajiir a iuvugh yô.

Upasalmi 35:7

Gadia lu sha ityôikaa ga, ve gba wan kper a mo tsô; shi lu sha ityôikaa kpaa ga, ve gba timen uma wam ihungwa tsô.

Upasalmi 56:6

Ve zua imôngo, ve yer, ve ver ishima sha zende wam, kape ve meen uma wam la.

Anzaakaa 1:16

Gadia angahar a ve nga ze ayem sha u za eren ifer, mba eren fefa sha u za haan awambe inya.

Anzaakaa 1:18

kpa mban yô, ka awambe ve ayol a ve je ve keghen ye, mba dughun ashe ken myer sha uma ve ayol a ve.

Anzaakaa 12:6

Kwaghôron u aferaior ka u gban gwe sha u za haan awambe inya, kpa zwa u mbaperapera yô, ua yima ve.

Anzaakaa 24:15

We orifer ne, de gbe mee sha ya u orperapera ga, man shi de vihin ijiir na i teman kpaa ga.

Anzaakaa 29:24

Hanma or u nan nyer nongo a ormbaiv yô, ka uma u nan je nan ker un ihom ye, ka nan ungwa mbum, kpa nan bugh zwa ga.

Anzaakaa 30:14

Kov ngu u anyi a ve a lu usanker yô, man anyi a ve a ken azegher kpaa ka ahô je, sha u vea ya mbaatsanev shin tar kera, kua mbaibanave ken ior kpaa yô.

Yeremia 11:19

Kpa mo m lu er waniyôngo u sulan or yô, u i ze a mi hen ijiir i sôngon un yô; m kera fa er ve we kwaghbo ishima a mo nahan ga, er: Sé tim nen kon kua atam a u, man shi sé paa un sha tar u mbaumav kera, i̱ de kera umbur iti na ga.

Yeremia 5:26

Gadia ken ior Av i zua a aferaior; mba meen er mbakôroninyon ka ve meen ve ngurum inya nahan; ve hôn to, ve kôr ior.

Mika 7:2

Ormimi saa ishe hen tar kera, man orperapera kera ngu ken ior ga; ve cii mba yeren, keghen u haan awambe inya; hanma or nan ngu nôngon u kôron anngô u nan ken kper.

YOHANE 15:25

Kpa i er kwagh ne sha er kwagh u i nger ken atindi a ve la, a̱ kure sha mi vough er: Ve kôrom ihom lu sha ityôikaa ga.

Aerenakaa A Mbaapostoli 23:15

Nahan yô, ne kua mkohol u Mbayuda, za kaa nen torutya u tamen, a̱ va a na hen ven, i̱ bee er ne soo u shi seer timen sha kwagh na vighe vighe yô, man se di yô, sé kegh iyol, sé wua un er una lu a ar heen je ga yô.

Aerenakaa A Mbaapostoli 25:3

ve sôn un er, a̱ er ve kwagh u doon ne, a̱ tindi i̱ za kua a na i̱ va a na hen Yerusalem; ve yô, ve wa ken ishima er vea kegh sha gbenda vea wua un.