Amoshi 9:4 - ICIGHAN BIBILO

⁴ Shin vea yem uikangen sha ishigh ki mbaihomov vev kpaa, shi Me kaa sanker her una wua ve; Me ver ashe sha a ve sha u eren ve kwagh u bo, á kera lu kwagh u dedoo ga.

Amoshi 9:4 Iomraidhean Croise

Genese 44:21

Tsô u kaa ikpan you wer: Va nen a na her a mo, m̱ nenge a na sha ashe am.

2 Kroniku 16:9

Gadia ashe a TER nga jingen sha akaa a sha won cii, sha u Una pase agee Na hen mba asema a ve a lu jighilaa her a Na yô. Sha kwagh ne yô, u er ibumekwagh; gadia hii hegen je ityav mbia za u iyol.

Upasalmi 34:17

Ve yila; TER ungwa ve, A dugh ve ken atsan a ve cii.

Ekesodu 14:24

Tsô ka kom sha mkorutu u sha use la yô, TER lu ken usu u lun er ityôgh la, kua ken ibeenegh kila, lu kenger ikumutya i Mbaigipiti; tsô A haa ikumutya i Mbaigipiti anzughul.

Yeremia 12:12

Agungu a penem penem a ken mkôngo cii, mbatiminakaa unde sha a; gadia sanker u TER ngu wuan, hii ken vegher u tar ne zan zan ar vegher u keela; ma or u uma u zuan a bem nan kera ngu ga.

Yeremia 21:10

Gadia M gema ishigh M ver sha gar ne, ka sha u eren un kwagh u vihin, ka kwagh u dedoo ga, kape TER A kaa ne: á gema un á na sha ikev i tor u Babilon, una nande un sha usu.

Yeremia 24:6

Gadia Me ver ashe Am sha a ve sha u eren a ve dedoo, shi Me hide a ve hen tar ne; Me maa ve, Me yôhôl ve ga; Me môôr ve, Me wuhe ve ga.

Yeremia 39:12

Kua a na, ver ishima sha a na dedoo, de eren un ma kwaghvihin ga; ka kwagh u una kaa u la, er un ye.

Yeremia 39:16

Za, za ôr kwagh a Ebedi-meleki, Oretiopia la, wer: TER u akum a Sha, Aôndo u Iserael, ngu kaan nahan er: Nenge, Me er akaa a M ter sha gar ne, ka a bo, ka a dedoo ga, aa va er sha ashe ou sha iyange shon la.

Yeremia 44:11

Nahan yô, TER u akum a Sha, Aôndo u Iserael, ngu kaan nahan er: Nenge, M gema ishigh M ver sha aven ka sha u eren ne kwagh u vihin, ka sha u timin Yuda cii kera.

Esekiel 5:12

Kwe wou u môm ken ikwe itiar ua kpe bouange, man ijen ia wua ve ker atô wou; shi kwe wou ugen ken ikwe itiar á wua u sha sanker, á ningir á tser, shi kwe ugen ken ikwe itiar Me sambe u sha ahumbe hanma ian cii, man shi Me tsuwa sanker ken ijime ve.

Esekiel 5:2

nande tihi u môm ken atihi atar sha usu ken atô gar, zum u ayange a mkase u sha utya la aa bee kera yô; man shi tôô tihi ugen ken atihi atar la, gber i sha sanker ningir tser; man tihi môm ugen u sha utar la, tsenda i sha ahumbe, man Me tsuwa sanker ken ijime ve.

Levitiku 17:10

Hanma or u hen ya u Iserael shin u hen ushirmbaiorov mba ve nyer a nyôr ve yô, u nan ye ma awambe yô, Me kera saan ishigh a u nan ye awambe la ga, Me dugh nan ken nongo u nan kera.

Levitiku 26:33

Me sambe ne ken akuraior, Me tsuwa sanker Me tôv ne ijime, tar wen ua hingir ikôngough gbilin, agar a en kpaa aa hingir atse.

Amoshi 9:8

Yô, nenge, ashe a Ter AÔNDO nga sha tartor u bo la, Me tim u sha tar kera; saa ya u Yakob tseegh Me tim un ci ca ga ye, ka ape TER A kaa ne.

Sekaria 8:10

Gadia er ayange la lu a kuma ga yô, injar lu sha ci u or, shin sha ci u zendenya kpaa ga; man shi or u nyôron shin u duen lu a mwar ga sha ci u orihom; gadia M sende ior ityough cii, hanma or nan lu ihom a or u wan ndor a nan.