Amoshi 9:10 - ICIGHAN BIBILO

¹⁰ Á wua mbaasorabo mba ken ior Av cii sha sanker, ve mba ve kaan er: Kwagh u bo una tser se ga, una kohol se kpaa ga.

Amoshi 9:10 Iomraidhean Croise

Upasalmi 10:11

Ken ishima na yô, ngu a kaa er: Hungul Aôndo ve, A yer ishigh Nagh, Una nenge a min mayange ga.

Orpasenkwagh 8:11

Ka er i kur ijirôron i sha tom u ifer fefa ga yô, man ishima i ônov mba iorov i taver sha u eren ifer nahan ye.

Yesaia 33:14

Mbaeren asorabo ken Shion mba cian; mba ve we Aôndo iko ga la, akarkase gbidye ve iyol. Ka anti wase nana fatyô u teman a usu u hian imôngo? Ka anti wase nana fatyô u teman a icôronmhie imôngoo?

Yesaia 5:19

mba ve kaan er: A̱ er ase fefa, A̱ torough a tom, Na, sé nenge; awashima u Icighan u Iserael la, a̱ nangem, a̱ va, sha u se̱ fa un yô!

Yesaia 56:12

Va nen (kape ve kaa la) me za va a wain, sé ma msôrom ma yuwan sé ide nen; kper kpaa á lu er nyian nahan, á lu iyange i vesen je, á gande.

Yeremia 18:18

Tsô ve kaa er: Va, sé hen nen kwagh u sé er Yeremia yô; gadia atindiakaa aa bee hen pristi ga, mhen kpaa una bee hen orfankwagh ga, kwaghôron kpaa una bee hen profeti ga. Va, sé za vihi nen un sha nombor; sé kera ver nen ishima sha ma kwaghôron na môm môm ga.

Yeremia 23:17

Mba zeren kaan a mbalahan Mo mbala er: TER kaa er: nea lu a bem; man hanma or u nan zenden sha mcighir u ishima i nan, ve kaa a nan er: Ma kwaghbo una tser u ga.

Yeremia 29:32

nahan yô, TER ngu kaan nahan er: Nenge, Me tsaha Shemaia Ornehelam kua tsombor na; una lu a ma or u nana tema ken ior mban ga, man shi una nenge a kwagh u dedoo u Mea er a ior Av kpaa ga, kape Ter A kaa ne gadia a tese er i̱ hendan kwagh a Ter.

Esekiel 20:38

man Me yegher mbahendan kwagh ker atô wen kera kua Mbaperen atindi a Am kpaa; Me due a ve ken tar u ve lu shir ker la, kpa vea nyôr ken tar u Iserael ga, man nea fa er Mo M lu TER ye.

Amoshi 6:1

Kwagh á tser ve mba ve tem ken Shion ve hee iyol inya, man mba ve tem sha uwo u Samaria bem bem, ashagbaior a ken nongo u hemban ken akuraior cii, ka ve mba ya u Iserael a ve her a ve la!

Amoshi 6:3

Ne mba ne kper a iyange i bo ken hemen ca, man ne kporom a ikônough ki torough ki iperagh ikua ne!

Amoshi 9:8

Yô, nenge, ashe a Ter AÔNDO nga sha tartor u bo la, Me tim u sha tar kera; saa ya u Yakob tseegh Me tim un ci ca ga ye, ka ape TER A kaa ne.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Sekaria 1:6

Kpa akaaôron Am man akaawan a Am, a M wa mbatomov Av, uprofeti la yô, a kôr uter enev gaa? Nahan ve gema asema ve kaa er: Er TER u akum a Sha A we ishima u eren a vese sha inja i igbenda yase man sha inja i aeren a ase la yô, kape A er a vese je la.

Malaki 3:15

Hegen yô, se mba yilan mbagengeseyol ser: Mba i saan ve iyol; mbaeren iferkwagh mba maan ve a maa tseegh ga, ka ve kar Aôndo nahan kpaa ve war.

Malaki 4:1

Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.