Amoshi 8:9 - ICIGHAN BIBILO

⁹ Tsô sha iyange la, kape Ter AÔNDO A kaa ne: Me er iyange ia mire iyange sha tembe, Me wa tar ime atetan.

Amoshi 8:9 Iomraidhean Croise

Yobu 5:14

Atetan kpaa ka ve ya kapa a ime; iyange sha tembe kpaa ka ve peven a pev er ka tugh nahan.

Yesaia 13:10

Gadia asan a Sha man uzegembaiwangerev mba Shaav vea kera na iwanger ga, iyange ia wa ime sha mdugh u i, uwer kpaa ua kera ta iwanger ga.

Yeremia 13:16

Na nen TER, Aôndo wen, icivir, er A lu a er ime i wa ga ne, man er ne lu a ta angahar kera sha iwo i wan ime la ga ne, man er ne lu keren iwanger yô, A gema i i hingir mure u kuugh man shi angôghime.

Yeremia 15:9

U a mar utaankaruhar la, ngu uren; a kpe, iyange na mire er iyange i lu her je yô; a va ahenge, a̱ hingir tumbuluu; man Me gema asande a ve a a shi her me na sanker sha ishigh ki mbaihomov vev, kape TER A kaa ne.

Esekiel 32:7

Zum u Me pir u la, Me cir Sha, Me na asan a na a̱ wa ime; Me cir iyange sha ibeen, uwer kpaa ua kera na iwanger i u ga.

Amoshi 4:13

Gadia nenge Wen u A er iwo man A gbe ahumbe, man A pasen or mhen u ken ishima i nan, Wen u A gem sev mbu hingir ime, u A zenden sha ajiir a taven a sha tar la, TER, Aôndo u akum a Sha, ka iti Na je la.

Amoshi 5:8

Un u A gbe Ancôgholov man Anyamaiwa, u A gem angôghime hingir sev, u A gem tetan a we ime a hingir tugh; Un u ka A yila mngerem ma zegemnger, A haa ma sha tar la; TER, ka iti Na je la;

Mika 3:6

Nahan yô, á hingir tugh her a ven, né kera lu a mpase ga, á hingir ime her a ven, né kera tsengafan kwagh ga; iyange ia mire uprofeti, sev kpaa mbua hingir ve ime.

Sekaria 14:7

Á lu iyange i môm i TER A fe i yô; á lu atetan ga, á lu tugh kpaa ga; kpa á va hingir aikighe yô, iwanger ia lu.

Mateu 24:29

Kpa fese je, ken masejime u ican i her ayange la yô, iyange ia wa ime, uwer kpaa ua kera wanger ga; asan aa osough sha kwavaôndo man agee a a lu sha kwavaôndo la aa tenger.

Mateu 27:45

Hii iyange sha tembe zan zan ahwa atar atetan yô, ime wa tser tar.

Marku 15:33

Iyange i kom sha tembe yô, ime wa tser tar cii zan zan ahwa atar atetan.

Luka 23:44

Tsô ka kom er iyange sha tembe nahan yô, ime wa tser tar cii zan zan ahwa atar atetan;

Mpase U Yohane 6:12

Man zum u A bugh ikav i sha ataratar la, m ver ashe yô, nenge, tar tenger kpen kpen, iyange hingir il er ibashôhô u lun shuwa shuwa nahan, uwer jimin cii hingir er ka awambe nahan.

Mpase U Yohane 8:12

Ortyom u Sha u sha unyiin la kpaa tôngo tsô i vihi tiôn môm u ken atôôn atar a iyange, man shi tiôn môm u ken atôôn atar a a uweregh man shi tiôn môm u ken atôôn atar a asan kpaa, nahan tiôn môm u ken atôôn atar iwanger ve la gema wa ime, tiôn môm u ken atôôn atar a sev kera wanger ga, tugh kpaa nahan.