Amoshi 8:8 - ICIGHAN BIBILO

⁸ Tar ua kera tenger sha kwagh ne ga, man hanma or u nan tem ken u kpaa nana kera zungwe gaa? Een, u cii ua mough sha, er ifi u Nil nahan; á tenger u shi ua songor er ifi u Igipiti nahan.

Amoshi 8:8 Iomraidhean Croise

Upasalmi 18:7

Tsô tar tenger, er ngigh ngigh, amagh a iwoogh kpaa tenger, i tenger a sha ci u A yugh yô.

Yesaia 5:25

Ka nahan man iyugh i TER i kende sha ior Nav ye, man shi A naregh uwegh Nagh sha u eren num a ve; A tsaha ve, iwo kpaa tenger, man akom a ve hingir er ihôghonov nahan ker atô u akômaigbinda. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yeremia 12:4

Ka hanma iyange je man tar ua de u uren, man ahu a shin tar cii aa de u usene? Sha ci u kwaghbo u mba ve tem ken u la, ishôso ngi timin kua inyon kpaa, sha ci u ve kaan er: Una nenge mkur wase ga, yô.

Yeremia 46:7

Ka anti or nan moron iyol er ifi u Nil, u mngerem nam ma hor er uifi nahana?

Yeremia 46:8

Igipiti ngu moron iyol er ifi u Nil nahan man mngerem nam ma hor er uifi nahan; ngu kaan er: Me mor, me cir tar cii me tim agar kua mba ve tem ken a cii!

Yeremia 51:29

Nahan tar ngu tenger, ngu zômon iyol sha mnyoon; gadia awashima u TER sha Babilon la ngu her taveraa sha u geman tar u Babilon u̱ hingir ice, ma or nana kera tema ker ga.

Daniel 9:26

Ken masejime u ulahadi akunduatar kar uhar la, á gber u i shigh Un mkurem la kera, Una lu a ma ibo ga; ior mba tor u una va la, vea hembe gar man icighanjiir la; mkur na una lu sha avenge a saren, man zan zan mkur kpaa ityav mbia lu; mbamtim vea lu kpee je.

Hosea 10:5

Ishima ngi nyian mbateman ken Samaria sha ci u wanbua u Bete-aven; gadia ior nav vea zungwen un, man upristi nav kpaa, mba ve lu ember un sha ci u icivir na la, vea zungwe, gadia i kar her a na kera.

Hosea 4:3

Ka nahan man tar u lu uren man mba ve tem ken u cii ve lu usen ye: inyamtoho kua inyon i purugh sha, een, ishu i shin zegemnger kpaa, á kar a i kera.

Amoshi 8:10

Me gema uiniongo enev vea hingir ijungwen, atsam a en cii kpaa aa hingir kwelegh; Me na hanma or nana lu a ikondo uya man hanma ityough kia kpul; Me na ia hingir er ka mliam ma vaan wannomso u môm môm nahan, man mkur u i kpaa er ka sha iyange i vihin ishima tsung nahan.

Amoshi 9:5

Gadia Ter AÔNDO u akum a Sha, ka Un u ka A bende a tar ve, u sough ne, man mba ve tem sha mi cii ve zungwe; u cii, u mough er ifi u Nil nahan, shi u songor er ifi u Igipiti nahan;

Nahum 1:8

Sha mngerem ma saren avenge Una tim ijiir na kera cii, man Una tôv mbaihomov Nav, Una haa ve ken ime.

Mateu 24:30

Tsô zum la ikav i Wan u or ia due sha aôndo. Zum la akuraior a sha won cii aa ta ave sha vanger, man aa nenge a Wan u or Una lu van sha abeen a sha kwavaôndo a agee a vesen kua iengem kpaa.