Amoshi 8:2 - ICIGHAN BIBILO

² Tsô A kaa er: Amoshi, ka nyi u nenge a mi? M kaa mer: Ka ikese i atamaikon a inyom. Tsô TER shi kaa a mo er: Mkur va sha ior Av Iserael; kera den Yam ve je ga.

Amoshi 8:2 Iomraidhean Croise

Genese 6:13

Aôndo kaa a Noa er: Mkur u uumace cii va sha ishigh Yagh ve; gadia ve iv a apera sha tar; nenge, timin Yam ve a tar imôngo ne.

Yesaia 28:4

man imondon u usen kera u mdooashe na u tsung la, u a lu sha ityough ki pev u doon sule la, una hingir er ka ityamegh ki tur ki ki vie fefa er shighe lu a kuma ga yô; or nana nenge a ki, tsô er ki lu nan sha uwe la, maa nana ya ki je.

Yeremia 40:10

Kpa mo yô, nenge me tema hen Misepa sha u tilen sha ishigh ki Mbakaldi, mba vea va her a vese yô; kpa ne yô, kohol nen zar u wain, man atam a ikon sha wangernyom, man mkurem, koso nen ken atum a en, man tema nen ken agar a en a ne ngohol a yô.

Yeremia 5:31

uprofeti mba ôron kwagh sha aie, upristi kpaa mba eren tahav sha ityesen ve, ior Av kpaa doo ve er i lu nahan; tsô nea er nan sha mkuru?

Ukwelegh 4:18

Ve tôv se angahar zan zan je se kera fatyô u karen sha ityembe i gar wase ga; mkur wase mgbôghom, ayange ase iv, mkur wase va ve.

Esekiel 12:23

Nahan yô, kaa a ver wer: Ter AÔNDO ngu kaan nahan er: Me na injakwagh i i lu ôron ne ia bee, man vea kera ôr kwagh sha mi er ka injakwagh nahan ken Iserael ga; kpa kaa a ve wer: Ayange mgbôghom, kua mkur u hanma mpase kpaa.

Esekiel 29:8

Nahan yô, Ter AÔNDO ngu kaan nahan er: Nenge, Me va a sanker sha a we, man Me tim or man zendenya ken a we kera cii.

Esekiel 3:10

A shi A kaa a mo er: Wan u or, akaaôron Am a Me ôr u cii, ngohol a ken ishima you, man ungwa a sha ato ou kpaa.

Esekiel 3:7

Kpa ya u Iserael yô, una ver ato her a we ga; gadia ve rumun u veren ato her a Mo ga; gadia ya u Iserael cii ka mbatavertyough man mbakehenasema kpaa.

Esekiel 7:6

mkur va, mkur va ve, a nder sha a we; nenge, ngu van.

Esekiel 8:12

Tsô A kaa a mo er: Wan u or, u nenge kwagh u mbatamen mba ya u Iserael ve lu eren ken ime, hanma or ken iyou i ieev mbi nan la kpa? Gadia mba kaan er: TER ngu nengen a vese ga; TER undu tar ne.

Esekiel 8:17

Tsô A kaa a mo er: U nenge kwagh ne kpa, we wan u or? Ka ya u Yuda kwagh u kiriki er ve er akaa a ndôhôrshima a ve lu eren heen nee? Gadia ve iv tar ne sha ipila, man shi ve gema kpaa sha u vea bamem yô; man nenge, ve ver gbaakon sha ihinga ve.

Esekiel 8:6

Tsô A kaa a mo er: Wan u or, u ngu nengen kwagh u ve eren kpa; ka akaa a ndôhôrshima a vesen a ya u Iserael a lu eren heen ne, sha u M̱ pav a ijiir Yam i tseghan, M̱ yem ca. Kpa ú shi ú va nenge akaa a ndôhôrshima a vesen agen.

Hosea 9:7

Ayange a mtsaha kuma ve, ayange a oron iyev va ve; Iserael una fa kwagh ne; profeti ka ibumeor, or u lun a jijingi ka orihundu, sha ci u mngee u ifer you man sha ci u ihom kpaa i vese yô.

Amoshi 7:8

TER shi kaa a mo er: Amoshi, ka nyi u nenge a mini? M kaa mer: Ka kor u sôron kwagh a mi. Nahan Ter kaa er: Nenge, veren Yam kor u sôron kwagh a mi ken atô u ior Av, Iserael; kera den Yam ve je ga;

Amoshi 8:1

Ter AÔNDO tesem nahan: yô, nenge, ikese i atamaikon a inyom.

Mika 7:1

Kpe ahii! Gadia m hingir er shighe u i vande kohol atam a ikon a fam kera, er twar u yaren sha atam a ikon i wain nahan; sumegh ku atam a wain ku yan, kera ku ga, shin ityamegh ki tur ki tsutswa ki ki sarem yum la kpaa ki ga.

Sekaria 5:2

A kaa a mo er: Ka nyi u nenge a mi? M gema m kaa a na mer: M nenge a ihurenruamabera u purugh a purugh, ilihen na ngi aseva ikundu, igbanger na, aseva pue.