Amoshi 8:13 - ICIGHAN BIBILO

¹³ Sha iyange la anuunaukase a doon ashe man mbayevikaior vea hume sha ci u imura.

Amoshi 8:13 Iomraidhean Croise

Upasalmi 63:1

Aôndo, ka We U lu Aôndo wam ye, m ngu keren We, U sarem ken ishima er imurakôron nahan; U sar iyol yam tsung, ken tar u ombor u tseghe tseghe, ape mngerem ma lu ga yô.

Yesaia 40:30

Shin er mbayevikaior je kpaa iyol i kpe ve, ve ver nahan, man mbaageev kpaa ve lu nôngon gbev je,

Yesaia 9:17

Ka nahan man Ter Una kera ember ikaior ve ga, man shi Una zungwe ancôgholov vev kua kasev vev mba côgholov mhôônom kpaa ga ye, gadia hanmô ve ka dangor man u eren ifer tsô, hanma zwa kpaa ngu ôron iferkwagh. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yeremia 48:18

Hungwa sha iengem you la, we wankwase u u tem sha Dibon, tema hen inya i tseghe tseghe; gadia or u a tim Moabi la va ta num sha a we, a tim ayouautya ou a taver.

Ukwelegh 1:18

TER ka u perapera je, gadia m hendan a imo Na; shi ungwa nen, ne ior cii, nenge nen ican yam; anuunaukase am man ikaior yam, i yem a ve uikangen.

Ukwelegh 2:10

Mbatamen mba wankwase u Shion shar inya, mba ving, ve haa inya sha ityouv vev, ve ta akondo uya. Anuunaukase a Yerusalem wa ityouv inya.

Ukwelegh 2:21

Kwaor man ortamen mba yaven hen inya sha igbenda; anuunaukase am man mbayevikaior av kpe ku sha sanker; U wua ve sha iyange i iyugh You; U sôngo ve, U zungwe mhôônom ga.

Hosea 2:3

gayô, Me kura un akondo una hingir idyelegh una tile er sha iyange i i mar un la nahan; man Me er un una hingir er desereti nahan, Me gema un una hingir er tar u ombor yô, Me wua un sha imura.

Hosea 2:5

Gadia ngô ve er ijimba; wen u a we iyav vev la kpaa, a er kwagh u kunya; gadia a kaa er: Me za hen mba m doo ve ishima, mba ve nem kwaghyan wam man mngerem man ul man mou man mkurem man kwaghman kpaa.

Sekaria 9:17

Mdoom vem gba ikôr, mdooashe ve kpaa vese gande! Samuyia ua er mbayevikaior man wain u he kpaa una er mbayevkasev vea gume.

Duteronomi 32:25

Ken won yô, sanker una wuan kera, ken ayou yô, mciem maa tan iyol; á tim anyekwaor man iniunkwase, man wanikundan kua ormendenivu kpaa.