Amoshi 8:10 - ICIGHAN BIBILO

¹⁰ Me gema uiniongo enev vea hingir ijungwen, atsam a en cii kpaa aa hingir kwelegh; Me na hanma or nana lu a ikondo uya man hanma ityough kia kpul; Me na ia hingir er ka mliam ma vaan wannomso u môm môm nahan, man mkur u i kpaa er ka sha iyange i vihin ishima tsung nahan.

Amoshi 8:10 Iomraidhean Croise

Genese 21:16

Tsô a kar a za tema ca er ikeren i ivaan yô; gadia a kaa er: Me nenge ku u wan ne ga. A za tema ken hemen kpuaa, a hembe mliam a gba vaan.

Yobu 20:23

Sha u ivin iyav mbu nan yô, Aôndo Una haa nan iyugh Na i vihin, Una nôô i sha a nan, ia hingir kwaghyan u nan.

Yobu 3:5

Ime man mure u kuugh ve̱ kôr i i̱ hingir kwagh ve je; abeen a̱ cir i; hanma kwagh u a ne iyange i we ime yô, a̱ ta i mciem iyol.

Yobu 30:31

Ka nahan man molo wam a hingir kwelegh, imar yam kpaa hingir imo i mbavaan ye.

Yesaia 3:24

Kwagh u hôôn una gema á va lu sha ityough ki kwagh u human doon la; kor ua lu sha ityough ki tsar u shin iwenge la; ityough ki kpurun kia tema sha ityough ki kuran la; ibashôhô una lu sha ityough ki ikondo i zan iniongo a mi la; iyolough ku usugh sha ityough ki mdooashe la.

Yeremia 2:19

Iferkwagh you ia tsaha u, man mhirjime wou una yange u; fa man nenge, er ka kwagh u bo man u yuwan er u undu TER, Aôndo wou, man er mcie u cian Mo la, a kera lu ker a we ga yô, kape Ter A kaa ne, TER u akum a Sha.

Yeremia 48:37

Hanma ityough i torough ki; hanma indyer i hondo i kera; ave cii i gber a avav, hanma or ta ikondo uya.

Yeremia 6:26

We, wankwase u ior av, ta ibashôhô uya, vingir sha mtwe; zungwe, er ka i zungwe wan u a lu môm nahan, gber kwelegh, gadia ortimin ngu va burun se a bur.

Ukwelegh 5:15

Iember i ken ishima yase bee; amar a ase kpaa hingir ijungwen.

Esekiel 7:18

Vea ta ikondo uya; mciem maa haa ve iyol; kunya ua lu sha ishiv vev cii, man ityouv vev mbia kpur cii.

Esekiel 7:2

We, wan u or, Ter AÔNDO ngu kaan sha kwagh u tar u Iserael er: Mkur! Mkur va sha azongo a tar a anyiin ne.

Hosea 2:11

Me er msaanyol na kpaa una bee man uiniongo nav man iwer i he na man ayange a memen a na kua uiniongo nav mba i ver sha ashighe ashighe la cii.

Hosea 2:13

Me tsaha un sha ci u ayange a iniongo a Ubaal a un lu nanden ve nagh ku human doon la, man lu eren hwe sha inyarev mbi ken ato man sha asa a engem, dondon sha mbadoon un ishima la, Mo yô, M gema M hungul un, kape TER a kaa ne.

Yoel 1:8

Zungwe nen er iniunkwase i i te ikondo uya, sha ci u nom na u sha iniun na la.

Levitiku 13:40

Aluer ice i or la ia tsor nan sha ihaghtyo yô, nan kpur ityough; nan ngu wang.

Amoshi 5:21

M kôr uiniongo enev ihom, M laha ve, uicighanmbamkohol vev kpaa ve doom ishima ga.

Amoshi 5:23

Karem a ayôôso a atsam a ou kera; gadia mkoho u umolo ou la kpaa, M soo u ungwan ga.

Amoshi 8:3

Atsam a wan a ken tempel aa hingir mliam sha iyange la, kape Ter AÔNDO A kaa ne; akom aa ngee; hanma ijiir kpaa i de haan a ga! huan ving!

Nahum 1:10

Gadia shin er ve lu er adagher a usaa nahan, man ve heen ayol er ka sha kwaghman ve la kpaa, á nande ve kera er ayia a ombor nahan.

Sekaria 12:10

Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

Duteronomi 16:14

Ember sha iniongo you, we man wan wou u nomso man wan wou u kwase man kpan wou u nomso man kpan wou u kwase man Orlevi man shiror man ancôghol kua kwasecôghol mba ve nyer u a nyôr yô.