Amoshi 7:9 - ICIGHAN BIBILO

⁹ ajiir a taven sha a Isaka la, aa hingir atse, man uicighanmbaajiiriv mba Iserael la kpaa, vea yôhôl; Me mough Me ta num sha ya u Yerobiam sha sanker.

Amoshi 7:9 Iomraidhean Croise

Genese 46:1

Tsô Iserael mough a akaa a na cii, gba yemen, a va nyôr ken Bersheba, a na Aôndo u ter na Isaka nagh.

2 Utor 14:24

A er ifer sha ishigh ki TER; a undu asorabo a Yerobiam wan u Nebati, a a ne Iserael a er a la ga.

Yesaia 63:18

Ka ayange kpuaa tsô, uicighanmbaiorov Ou ve lu a mi ye; mbaihomov asev shoghol angahar sha icighanjiir Wou.

Yeremia 51:51

Se va ahenge, gadia se ungwa tarnahan; kunya cir se ishigh cii, gadia ior mba ken nongo ugen va nyôr ken ajiir a tseghan a iyou i TER.

Esekiel 6:3

kaa wer: Ne iwo i Iserael, ungwa nen kwaghôron u Ter AÔNDO; Ter AÔNDO ngu kaan a iwo man a agungu, man iwagh man apev nahan er: Nenge, ka Mo je, Me va a sanker sha a ven man Me tim ajiir a en a taven la kera.

Hosea 10:8

Ajiir a taven sha a Aven, ka isholibo i Iserael je la, á tim a kera; usaa man usagher vea mende sha atse a ve a nanden nagh sha mi la; vea kaa a iwo er: Cir nen se, man a agungu kpaa er: Kighir nen se.

Amoshi 3:14

Gadia sha iyange i Me va tsaha Iserael sha afer a ve yô, Me shi Me tsaha atse a Betel a nan nagh sha mi la kpaa, á tôndo akor a atsegh aa gba inya.

Amoshi 5:5

Kpa de kera keren nen Betel ga, de nyer nen ken Gilgal kpaa ga, shi de ze nen hen Bersheba kpaa ga; gadia á yem a Gilgal uikangen kpee je, man Betel kpaa una hingir gbilinkwagh.

Amoshi 7:11

Gadia Amoshi ngu kaan nahan er: Á wua Yerobiam sha sanker je, man Iserael kpaa á kura un ken tar na kera, á yem a na uikangen je.

Amoshi 7:13

kpa de kera shi er kwaghôron u profeti ken Betel ga, gadia ka icighanjiir u tor, man ka ya u tor kpaa.

Amoshi 8:14

Mba ve bumun kwaghbo u Samaria, mba ve kaan er: Er Aôndo wen a lu uma yô, we Dan; man shi: Er gbenda u yemen Bersheba u lu uma yô; vea gba, mayange vea kera mough sha ga.

Amoshi 9:1

M nenge TER tile hen kpe atse a nanden nagh sha mi; man A kaa er: Gbidye uindyuruku mba mtô zan zan amagh a̱ tenger; hembe ve avur avur sha ityouv mbi ior mbala cii; mba ve shi her yô, Me wua ve sha sanker, mô ve môm nana nyôngoso ga, mô ve môm kpaa nana war ga.

Mika 1:5

Ka sha ci u atindi a peren a Yakob man akaa ne cii a lu nahan ye, man sha ci u asorabo a ya u Iserael kpaa. Ka nyi i lu atindi a peren a Yakobo? Kera ka Samaria gaa? Man ajiir a taven sha a Yuda yee? Kera ka Yerusalem gaa?