Amoshi 7:7 - ICIGHAN BIBILO

⁷ A tesem nahan: yô, nenge Ter tile hen kpekpe u i maa un sha kor u sôron kwagh a min sha u a̱ lu jighilaa man lu a kor u sôron kwagh a mi sha uwegh Nagh kpaa.

Amoshi 7:7 Iomraidhean Croise

Genese 28:13

Man TER tile sha ityough nagh kaa er: Mo M ngu TER, Aôndo u teru Aberaham, Aôndo u Isaka kpaa; tar u u yav her ne, Me na u u kua tsombor wou kpaa.

2 Samuel 8:2

A hemba Mbamoabi kpaa, a er ve, ve yav inya, a kar ve sha ikaren; a kar uikaren uhar sha ci u wuan man ikaren môm sha ci u den ve uma. Nahan Mbamoabi hingir sha ikev i Davidi, ve taan un kpandegh.

2 Utor 21:13

Man shi Me kar Yerusalem sha ikaren i Samaria man ikaren i ya u Ahaba; Me ese Yerusalem er or ka nan ese tasa nahan, nan ese, nan cir un zwa inya.

Yesaia 28:17

Me gema ijirôron ia hingir kor u karen kwagh a mi man perapera una hingir kor u sôron kwagh a mi sha u a̱ lu jighilaa yô; awombo aa kar a ijiir i aiegh i yeren ker la kera, ijiir i waren ker kpaa, mngerem maa kuwa a i kera.

Yesaia 34:11

Kpa akumedu man adendem vea ngohol u, ivungu man gugôô kpaa vea tema ken u; Una ta kor u karen kwagh a mi u nzughul man kor u sôron kwagh a min sha u a̱ lu jighilaa yô, u gbilinigh sha u.

Ukwelegh 2:8

TER wa ishima u hemben kpekpe u wankwase u Shion; A samber kor u karen kwagh, A hide a uwegh Nagh ijime sha u timin ga; A er akpagar man kpekpe ve zungwe; ve yôhôl imôngo.

Esekiel 40:3

Er A za a mo keela yô, nenge, or lu her, u mluashe u nan lu er ka togula nahan, lu a kor u ada sha uwe kua iyiagh ki karen kwagh a mi; a tile sha hunda.

Amoshi 7:6

TER gema ishima sha kwagh la. Ngun kpaa una kera lu nahan ga, kape Ter AÔNDO A kaa la.

Amoshi 7:8

TER shi kaa a mo er: Amoshi, ka nyi u nenge a mini? M kaa mer: Ka kor u sôron kwagh a mi. Nahan Ter kaa er: Nenge, veren Yam kor u sôron kwagh a mi ken atô u ior Av, Iserael; kera den Yam ve je ga;

Sekaria 4:10

Gadia ka an nan laha iyange i akaa a kiriki laa? Gadia a ataankarahar ne, ka ashe a TER a a jingi a nengen tar cii la, aa ember, zum u aa nenge kor u sôron kwagh a min sha u a̱ lu jighilaa, sha uwegh ku Serubabel yô.

Mpase U Yohane 11:1

Nahan i nam iyiagh ki karen kwagh a mi, ki lu er ka gbough nahan. I kaa a mo er: Mough sha, kar tempel u Aôndo man atse a nanden nagh sha mi, man mba ve lu civir Aôndo kimi la kpaa.

Mpase U Yohane 21:15

Un u a lu ôron kwagh a mo la lu a iyiagh ki karen kwagh a mi ki sha zenaria, sha u una kar gar man ihinda na man ugilmbaagarev nav kpaa.