Amoshi 7:3 - ICIGHAN BIBILO

³ TER gema ishima sha kwagh la. Á kera lu nahan ga, kape TER A kaa la.

Amoshi 7:3 Iomraidhean Croise

Genese 6:7

TER shi kaa er: Or u M gbe nan ne, Me tim nan sha tar kera, or kua uzendenya man akaa a a kper a kpela inya man inyon i sha; gadia M vaa afanyô er M er ve yô.

1 Kroniku 21:15

Shi Aôndo tindi ortyom hen Yerusalem kpaa er a̱ za tim un; er a sôôn u timin un yô, TER nenge, nahan mhôônom kôr Un sha kwagh u bo la, A gema A kaa a ortyom u timin la er: Kuma ve; hide a uwegh ough ijime. Ortyom u TER la gema tile hen vande u gbiren alakema u Ornan, Oryebushi la.

Upasalmi 106:45

a umbur ikuryan Na sha ci ve kpaa, mhôônom kôr Un, sha ci u A ngee a erdoo yô.

Upasalmi 78:38

Kpa Un yô, er mhôônom kôr Un yô, A de ve ifer ve, A tim ve ga; een, acin imôngo je A de ishima Na i vihin, A kera kpoghol iyugh Na cii ga.

Upasalmi 90:13

TERE, hide, shi nan je? mhôônom ma kôr U a mbayev Ou.

Ekesodu 32:14

Tsô TER gema ishima de kwaghbo u A kaa er Una er ior Nav la.

Yeremia 26:19

Nahan Hisekia tor u Yuda kua ior i Yuda cii, ve wua un kpa? A cia TER gaa, man a zamber a TER, TER kpaa vaa afanyô de kwagh u bo u lu ôr sha a ve la gaa? Se yô, se mba kpelan kwaghbo u vesen haan sha uuma asev je.

Yeremia 42:10

Aluer nea tema gil gil ken tar ne yô, nahan Me maa ne, Me yôhôl ne ga, Me môôr ne, Me wuhe ne ga; gadia M vaa afanyô sha kwaghvihin u M er ne la.

Hosea 11:8

Me er nan man Me de u kera Eferaim, Me er nan man Me gbihi u Iserael? Me er nan man Me de u, u hingir er Adema nahana? Me er nan man Me gema u u hingir er Seboim nahana? Ishima gemam kimi, mhôônom kôrom tsung.

Yoel 2:13

ande nen asema a en, i̱ de kera lu akondo ga; gema nen hen TER, Aôndo wen, gadia ngu a mrumun u sha mhôôn, a mgbough a mhôônom ma zungwen, we ishima man ngu a erdoo tsung, ka A vaa afanyô sha kwagh u bo u A we ishima u eren la.

Yoel 2:14

Ka an nan fe er alaghga Una gema awashima Na, man Una undu iveren ken ijime Na— ka nagh ku sha samuyia man ku man, ku nan TER, Aôndo wen je la.

Amoshi 5:15

Kôr nen kwaghbo ihom man kwaghdedoo a̱ doo ne ishima; rumun nen ijirôron i mimi hen hundagar; shin alaghga TER, Aôndo u akum a Sha, Una zungwe asande a Yosev a a shi her la mhôônom.

Amoshi 7:6

TER gema ishima sha kwagh la. Ngun kpaa una kera lu nahan ga, kape Ter AÔNDO A kaa la.

Yona 3:10

Aôndo nenge aeren a ve er ve gema ishima ve undu gbenda ve u bo la, nahan Aôndo de kwagh u bo u A wa ishima u eren ve la; A kera er un ga.

Duteronomi 32:36

Gadia TER Una ôr ior Nav ijir sha mimi, mhôônom maa kôr Un a mbayev Nav, zum u Una nenge agee ve aa bee yô, man ma or kera shi ga, u ken uikangen shin u nan tem enger enger kpaa ga.

Yakobu 5:16

Pase nen akaabo a en ayol a en, shi er nen msen sha ci u ayol a en sha u angev mbu̱ bee ne yô. Msen u eren tsung u orperapera ngu a agee kpishi je.