Amoshi 7:14 - ICIGHAN BIBILO

¹⁴ Tsô Amoshi gema kaa a Amashia er: Mo yô, m lu profeti ga, shin wan u profeti kpaa ga; kpa m lu orkuranilev man orsôron ikon i tur;

Amoshi 7:14 Iomraidhean Croise

1 Utor 19:19

Tsô a mough heregh, a za kohol Elisha wan u Shafati; lu kahan sule a ibua ihiar ihiar kwa pue kar uhar sha ishigh nagh; wen iyol na lu a ihiar kpaa, i masetyô la; tsô Eliya kar za kohol un, gema ikondo na haa un iyol.

1 Utor 20:35

Tsô orgen ken uprofeti kaa a ijende na sha imo i TER, er: Shi gbidyem. Ngula venda u gbidyen un.

2 Utor 2:15

Zum u uprofeti mba ve lu ken Yeriko, vegher u sha ishigh nagh la, za nenge a na, ve kaa er: Jijingi u Eliya tema sha Elisha ve. Tsô ve va, ve va kohol un, ve gure inya sha ishigh nagh.

2 Utor 2:3

Yô, uprofeti mba ve lu ken Betel la, ve due ve za kegh Elisha gbenda, ve kaa a na er: U fa er TER Una tôô teru sha ishigh you kera nyian kpa? A kaa er: Een, m fa! Huan nen ving tsô.

2 Utor 2:5

Nahan uprofeti mba ve lu ken Yeriko la, ve kporom, hen Elisha, ve kaa a na er: U fa er TER Una tôô teru sha ishigh you kera nyian kpa? A gema a kaa er: Een, m fa! Huan nen ving tsô.

2 Utor 2:7

Tsô uprofeti ior akunduahargber ve za, ve za tile ken ica, ve ver ishigh sha a ve; ve uhar ve tile hen kpe u Yordan.

2 Utor 4:38

Tsô Elisha shi va ken Gilgal; yô, ijen gba ken tar la; uprofeti tema un sha ishi; nahan a kaa a wanakiriki na er: Ver zegeitye la, jiidi kwaghyan sha ci u uprofeti.

2 Utor 6:1

Tsô uprofeti kaa a Elisha er: Nenge, ijiir i se tem sha ishigh you ne, i yina se.

2 Kroniku 16:7

Sha shighe la ornengenakaa Hanani, va hen Asa tor u Yuda, va kaa a na er: Er u suur sha tor u Shiria, u kera suur sha TER, Aôndo wou, ga yô, nahan ikumutya i tor u Shiria war sha ikev you je ve.

2 Kroniku 19:2

Ornengenakaa Yehu wan u Hanani, due va kegh un gbenda, a kaa a tor Yehoshafati er: Doo u ú wasen mbaafereve, man mba kôron TER ihom kpaa ve̱ doo u ishimaa? Sha ci u kwagh ne yô, iyugh i TER ngi van sha a we.

2 Kroniku 20:34

Aerenakaa a Yehoshafati agen, a hiihii man a masetyô cii, nenge, i nger a ken ruamabera u Yehu wan u Hanani, u i we ken ruamabera u utor mba Iserael la.

Yobu 30:4

Ve zôr uihômon mba ahuuv; man amise a toho ka kwaghyan ve.

Amoshi 1:1

Akaaôron a Amoshi, u a lu u môm ken mbakuraniyôngo mba ken Tekoa la, kwagh u a nenge sha ayange a Ushia tor u Yuda man sha ayange a Yerobiam wan u Yoashi, tor u Iserael, anyom kar ahar man tar mase tenger ye.

Amoshi 3:8

Begha ta kume, yô, ka an je nana de ciana? Ter AÔNDO ôr kwagh, yô ka an je nana de pasenaa?

Sekaria 13:5

kpa nana kaa er: Mo m ngu profeti ga, m ngu orkahansule, gadia or yamem er m lu iyev la je.

1 Mbakorinte 1:27

Kpa akaa a a lu a ibume ken tar yô, Aôndo sange a sha u heen mbafankwagh man akaa a a lu a agee ga ken tar yô, Aôndo sange a sha u heen akaa a a lu a agee la,

1 Samuel 10:11

Tsô ior mba ve vande fan un kera yô, er ve nenge a lu ôron kwaghôron u profeti a uprofeti imôngo yô, ve gba pinen ayol a ve er: Ka nyi i er wan u Kishi nee? Saulu di kpaa nyôr nongo a uprofetii?