Amoshi 6:3 - ICIGHAN BIBILO

³ Ne mba ne kper a iyange i bo ken hemen ca, man ne kporom a ikônough ki torough ki iperagh ikua ne!

Amoshi 6:3 Iomraidhean Croise

Upasalmi 94:20

Ikônough ki ijirigh ki ifer kia zua nongo a We he, un u a eren ifer a gem a suur sha tindi laa?

Orpasenkwagh 8:11

Ka er i kur ijirôron i sha tom u ifer fefa ga yô, man ishima i ônov mba iorov i taver sha u eren ifer nahan ye.

Yesaia 47:7

Man shi u kaa wer: Me tema kpamkwase gbem; kpa u ver ishima sha akaa ne ga, u kera umbur mkur u a kpaa ga.

Yesaia 56:12

Va nen (kape ve kaa la) me za va a wain, sé ma msôrom ma yuwan sé ide nen; kper kpaa á lu er nyian nahan, á lu iyange i vesen je, á gande.

Ukwelegh 4:5

Mba lu ve yaan akaadoon la, mba saan ishe sha gbenda; mba lu iyese ve sha murufu la, mba yaven sha atihi a uihôgh.

Esekiel 12:22

Wan u or, ka nyi injakwagh ne er ken tar u Iserael, ne kaan ner: Ayange nga karen man hanma mpase kpaa kur sha mi ga?

Esekiel 12:27

Wan u or, nenge, mba ken ya u Iserael mba kaan er: Mpase u a nengen la, ka u sha ayange a ken hemen kpishi je, man ngu ôron kwaghôron u profeti sha ayange a ken hemen ca.

Esekiel 23:42

Imo i ikpelaior lu a na saan saan; seer sha mbainjaav ga, i va a mbahundenmsôrom ken desereti; ve wa ve mbaagba sha ave man shi ve kange ve atsar a hweegh sha ityou.

Amoshi 3:10

Gadia ve kera fa u eren kwagh u mimi ga, kape TER A kaa ne, ve mba ve ombon ipila man iv ken ayou a ve a tor la.

Amoshi 3:9

Yôô nen sha ayouator a Ashedodi, man sha ayouator a ken tar u Igipiti, ner: Kohol nen sha iwo i Samaria, yô, nenge, uzegembaayôôsov mba ve lu ker, man mbamkighir mba ker atô na la.

Amoshi 5:12

Gadia M fa mngee u atindi a peren a en, man ivesen i asorabo a en; ne mba ne eren mbamimi ican, ne mba ne ngohol inyaregh ki yamen ishô man ne mgbegha mbaibanave hen hundagar kera.

Amoshi 5:18

Kwagh á tser ne, ne mba i sar ne pe iyange i TER ma i ve yô. Ka nyi i sar ne pe zuan a iyange i TERE? Ia lu ime, ia lu iwanger ga.

Amoshi 6:12

Anyinya nga nyôngoso sha avandaa? Or tsôghol zegemnger sha ibua? Kpa ne gema ijirôron i mimi i hingir megh man atam a perapera hingir kon u yuwan;

Amoshi 9:10

Á wua mbaasorabo mba ken ior Av cii sha sanker, ve mba ve kaan er: Kwagh u bo una tser se ga, una kohol se kpaa ga.

Mika 6:12

Gadia mbanyarev mba ve lu keregh la ve mgbough a ipila, man mba ve tem ker kpaa ve er mbaaie, nombor u ken zwa ve iv a icugh.

Mateu 24:48

Kpa aluer wanakiriki u bo la nana kaa ken ishima i nan er:

1 Mbatesalonika 5:3

Zum u vea kaan er: Bem, man mkpeyol yô, ka zum la je mtim una ande sha a ve ibuv er martoghol ka u kôr kwase uya nahan ye, mayange vea kera war ga.

2 Peteru 3:4

Vea kaa er ityendezwa i m-ande Na ngi hana? Gadia hii sha shighe u uter kpe kera la akaa cii nga her di er a lu sha mhii u igbetar la nahan.

Mpase U Yohane 18:17

gadia sha ihwa i môm tseegh tsô i vihi imbaikpelainyar ne cii. Mbakôômutso cii man mbaperen zegemnger man mbaerentom sha utso man mbazenden shin zegemnger cii, ve tile ken ica.