Amoshi 5:8 - ICIGHAN BIBILO

⁸ Un u A gbe Ancôgholov man Anyamaiwa, u A gem angôghime hingir sev, u A gem tetan a we ime a hingir tugh; Un u ka A yila mngerem ma zegemnger, A haa ma sha tar la; TER, ka iti Na je la;

Amoshi 5:8 Iomraidhean Croise

Yobu 12:22

Ka A pase akaamyer a a lu ken ime, man a dugh mure u kuugh A va a mi ken igbar.

Yobu 37:13

shin ka sha ci u mtsaha, shin ka sha ci u tar Na, shin ka sha ci u erdoo, ka A na a a va.

Yobu 38:34

U fatyô u ngoron imo aren sha abeen, sha er mngerem ma ngeen ma cir u iyol kpa?

Yobu 9:9

A gbe Ber man Anyamaiwa man Ancôgholov, kua Ayou a ken Imbusutariyan la;

Upasalmi 104:20

Ka U er ime i wa i hingir tugh, shighe u inyamtoho cii ka i due.

Upasalmi 105:28

A na ime, za wa keregh, ve hendan a imo Na ga.

Yesaia 42:16

Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Yesaia 59:10

Se mba peven kpekpe yemen er mbaapirashe nahan; een, se mba peven er mba ve lu a ashe ga yô; iyange sha tembe kpaa se mba nôngon gbev er ka shighe u aôndoaimegh yô; se mba ken atô u mbataveryol er ka mbakpenev nahan.

Yeremia 16:21

Ka sha ci u nahan, nenge, Me na, vea fa, hen shighe ne je, vea fa uwegh Agh kua tahav Av; man shi vea fa er iti Yam i lu TER je yô.

Yeremia 33:2

TER u A eren kwagh ne, TER u ka A sôr kwagh A ver er á va er sha mi vough la, TER ka iti Na je la, ngu kaan nahan er:

Amoshi 4:13

Gadia nenge Wen u A er iwo man A gbe ahumbe, man A pasen or mhen u ken ishima i nan, Wen u A gem sev mbu hingir ime, u A zenden sha ajiir a taven a sha tar la, TER, Aôndo u akum a Sha, ka iti Na je la.

Amoshi 8:9

Tsô sha iyange la, kape Ter AÔNDO A kaa ne: Me er iyange ia mire iyange sha tembe, Me wa tar ime atetan.

Amoshi 9:6

u A maa ukpombaayoughouv Nav Sha, man A ver kwavaôndo Na suur shin tar; Un ka A yila mngerem ma zegemnger, A haa ma sha tar, TER, ka iti Na je la.

Mateu 4:16

Nongoior u u tem ken ime yô, ve nenge a iwanger i vesen, man mba ve tem ken tar kua mure u kuugh yô, iwanger due ta sha a ve.

Luka 1:79

sha u tan sha mba ve tem ken ime man ken mure u kuugh la kpaa, man shi sha u kôôm angahar ase zan a mi sha gbenda u bem kpaa.