Amoshi 5:6 - ICIGHAN BIBILO

⁶ Ker nen TER, nahan né lu uma; gayô, Una yegh er usu nahan ken ya u Yosev, u ua hia je or u pirin u sha ci u Betel nana lu ga;

Amoshi 5:6 Iomraidhean Croise

2 Samuel 19:20

Gadia mo wanakiriki wou, m fa er m er kwaghbo yô; nahan nenge, ken ya u Yosev cii, ka mo m vande van nyian sha u me va kegh terem tor gbenda ye.

1 Utor 11:28

Un Yerobiam la lu nomsoor mimi. Solomon nengen er wanye la lu ortom u mimi yô, a ver un er a̱ nengen sha mbatomov mba ken ya u Yosev cii.

2 Kroniku 34:25

gadia ve undum, ve gema ve nande mbaaôndo mbagenev kwaghhumandoon, sha u vea bamem sha tom u ave ve la cii yô; ka nahan man á haa iyugh Yam sha ijiir ne, á pir i kpaa ga ye.

Upasalmi 27:8

Ishima yam ngi ôron kwagh Wou er: Ker nen ishigh Yagh. Ka ishigh You je me ker ye, TERE.

Upasalmi 69:33

Gadia TER ongo imo i mbaibanave, man lahan mbakwarev Nav kpaa ga.

Ekesodu 22:6

Aluer usu ua gba, ua hia usaa man aile a uyia, shin alakema u shisha; shin ikôngough kia hia yô; u nan nande usu la nana̱ kimbi kpee je.

Yesaia 1:31

Or u ageegh kpaa nana hingir er vuwe ada nahan, tom u nan kpaa ua lu er amaramausu nahan, ve uhar cii vea hia imôngo, ma or u pirin nana lu ga.

Yesaia 55:3

Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

Yesaia 55:6

Ker nen TER er ian i zuan a Na i lu her yô, yila nen Un er A lu ikua ikua ne.

Yeremia 38:20

Kpa Yeremia kaa er: Vea na u sha ikev ve ga. Shi ungwa imo i TER, sha kwagh u m kaa u la, ka nahan man á kpe u iyol man uma wou kpaa una war ye.

Yeremia 4:4

Tsôngo nen ayol a en sha ci u TER, kar nen a apusu a asema a en kera, ne ior mba Yuda kua mba ve tem ken Yerusalem, sha er iyugh Yam i̱ de yeghen er usu nahan, i̱ hia zan zan ma or u pirin nana lu ga ze, sha ci u ifer i aeren a en la.

Yeremia 7:20

Sha ci u nahan yô, Ter AÔNDO ngu kaan nahan er: Nenge, á haa iyugh Yam kua ishima i vihin Yam sha ijiir ne, sha or man sha zendenya man sha ikon i ken akôngo, kua sha iyiav mbi hen inya; ia hia a kera, á pir i ga.

Esekiel 21:3

kaa a tar u Iserael wer: TER ngu kaan nahan er: Nenge, M ngu ihom a we, Me tsuwe sanker Wam ken var na, man Me wua mbaperapera kua mbaaferev cii ken a we kera.

Esekiel 33:11

Kaa a ve wer: Er M lu u uma ne, Ter AÔNDO ngu kaan nahan er: Ku u iferor doom ga; sarem pe iferor nana̱ gema, nana̱ undu gbenda u nan, nana̱ lu uma; gema nen, gema nen, undu nen igbenda yen i bo la; gadia ka sha ci u nyi né gba kpen nahana, we ya u Iseraele?

Esekiel 37:19

Yô, kaa a ve wer: Ter AÔNDO ngu kaan nahan er: Nenge, Me tôô aga u Yosev u a lu sha ikev i Eferaim la, man ikwe i Iserael mba ve lu ken nongo na la, Me zua ve sha aga u Yuda la, Me gema ve vea hingir aga môm, vea hingir môm sha ikev Yam.

Amoshi 3:14

Gadia sha iyange i Me va tsaha Iserael sha afer a ve yô, Me shi Me tsaha atse a Betel a nan nagh sha mi la kpaa, á tôndo akor a atsegh aa gba inya.

Amoshi 5:14

Ker nen kwagh u dedoo, i̱ de lu u bo ga, sha u ne lu uma yô; ka nahan man TER, Aôndo u akum a Sha, Una lu a ven, er ne kaan la ye.

Amoshi 5:4

Gadia TER ngu kaan a ya u Iserael nahan er: Kerem nen, nahan né lu uma.

Amoshi 6:6

mba ve me wain shin ikuca man ve shigh ayol a ve mkurem ma hemban doon, kpa ishima kera vihi ve sha ci u mvihi u i vihi Yosev kera la ga!

Sefania 2:3

Ker nen TER, ne mbaasemaleghlegh mba sha tar cii, ne mba ne we atindi a Na iko; ker nen perapera, ker nen ishima i legh legh, tsô alaghga á yer ne sha iyange i iyugh i TER la.

Sekaria 10:6

Me taver ya u Yuda, Me yima ya u Yosev kpaa. Me hide a ve, gadia mhôônom kôrom a ve, vea hingir je á bee er lu M ta ve kera ga nahan; gadia Mo M ngu TER, Aôndo ve, Me ungwa ve kpaa.

Duteronomi 32:22

Gadia i keer usu sha iyugh Yam, ngu yeghen je u ar shin atô u Sheol je; ngu hian tar a iyiagh ki u ngu hian amagh a iwoogh.

Duteronomi 4:24

Gadia TER, Aôndo wou, ka usu u hian, ka Aôndo u gban iwuhe je.

Yosua 18:5

Ve̱ kar u avegher ataankarahar; Yuda una tema ken tar na, vegher u ken imbusutariyan, ya u Yosev kpaa una tema ken tar na, vegher u ken imbusutarimese.