Amoshi 5:5 - ICIGHAN BIBILO

⁵ Kpa de kera keren nen Betel ga, de nyer nen ken Gilgal kpaa ga, shi de ze nen hen Bersheba kpaa ga; gadia á yem a Gilgal uikangen kpee je, man Betel kpaa una hingir gbilinkwagh.

Amoshi 5:5 Iomraidhean Croise

Genese 21:31

Kape i lu man i yer ijiir la iti er Bersheba la; gadia ka heregh man ve uhar cii ve bum ye.

Genese 21:33

Tsô Aberaham môôr kon u tsamia hen Bersheba, hen ijiir la, a yila sha iti i TER, Aôndo u tsôron.

Genese 26:23

Tsô a mough heregh a va ken Bersheba.

Genese 26:33

A ii i iti er Sheba; ka nahan man i yer iti i gar la er Bersheba zan zan nyian ye.

1 Utor 12:28

Nahan tor hen kwagh, a gema a er anibuav uhar sha zenaria; a kaa a ve er: Ne za ken Yerusalem kuma ve; nenge mbaaôndo ou, we Iserael, ka mba ve due a we ken tar u Igipiti je ne.

1 Utor 12:29

A ver u môm ken Betel, ugen a ver ken Dan.

2 Utor 23:8

A due a upristi cii ken agar a Yuda kera, a hôngor a ajiir a taven sha henpe upristi lu nanden kwaghhumandoon la, hii hen Geba zan zan za ar hen Bersheba je, a hembe ajiir a taven sha a ihindagar, a a lu hen ijiir i nyôron hen hunda u Yosua, orvesen u nengen sha gar la, a a lu vegher u ken uwegh ku imesegh ku hundagar la.

Yobu 8:22

Mba ve ker u ihom yô, kunya ua cir ve iyol; tenti u mbaaferev kpaa, una kera lu ga.

Upasalmi 33:10

TER bundu kwaghhenen u akuraior, ka A gema mbamhen mba iorov ve hingir gbilinkwagh.

Yesaia 29:20

Gadia ipilaor nana hingir gbilinor, ornahantar nana kera lu sha won ga, man mba ve veren ishima sha iferkwagh i eren cii á tim ve kera;

Yesaia 8:10

Hen nen kwagh ayol a en, kpa una lu a inja ga; ôr nen kwagh, kpa kwagh á er sha mi ga, gadia Aôndo ngu a vese.

Yeremia 48:13

Moabi una va ahenge sha ci u Kemoshi, er ya u Iserael lu va ahenge sha ci u Betel, u ve suur sha mi la nahan.

Hosea 10:8

Ajiir a taven sha a Aven, ka isholibo i Iserael je la, á tim a kera; usaa man usagher vea mende sha atse a ve a nanden nagh sha mi la; vea kaa a iwo er: Cir nen se, man a agungu kpaa er: Kighir nen se.

Hosea 12:11

Er Gileadi vande lun iferkwagh yô, ve hingir gbilinkwagh cii; ken Gilgal mba nan nagh ku sôngon sha anomabua; atse ve a nanden nagh sha mi la aa hingir er atihi a awen ken ihighasule nahan.

Hosea 4:15

Shin er we Iserael u eren idya, nahan kpaa Yuda a̱ de hingir u lun a ibo ga; de kera ve nen hen Gilgal ga, man shi de kera ze nen sha Bete-aven ga, man de kera bumun kaan wer: Er TER A lu uma ne, kpaa ga.

Hosea 9:15

Iferkwagh ve cii ngi ken Gilgal; ka keela M ker ve ihom ye; sha ci u iferkwagh i aeren a ve la Me zenda ve ken iyou Yam kera; vea kera doom ishima ga; mbatarev vev cii ka mbaahendanev je.

Amoshi 1:5

Me sombo ishindanhunda i Damaseku, Me tim mba ve tem ken pev u Aven, kua wen u a lu a tôgh ku torough ken Bete-eden la kpaa; á yem a ior i Shiria uikangen ken Kir, kape TER A kaa ne.

Amoshi 3:14

Gadia sha iyange i Me va tsaha Iserael sha afer a ve yô, Me shi Me tsaha atse a Betel a nan nagh sha mi la kpaa, á tôndo akor a atsegh aa gba inya.

Amoshi 4:4

Va nen hen Betel, va per nen atindi; va nen hen Gilgal va seer peren nen atindi; va nen a iniav yenev mbi sôngon hanma sev, man môm-ken-upue enev hanma iyange i sha utar.

Amoshi 7:10

Tsô, Amashia pristi u ken Betel, tindi hen Yerobiam tor u Iserael, kaa er: Amoshi ngu zuan zwa sha a we ken atô ya u Iserael; kera doo tar u ungwan akaaôron a na la ga.

Amoshi 7:13

kpa de kera shi er kwaghôron u profeti ken Betel ga, gadia ka icighanjiir u tor, man ka ya u tor kpaa.

Amoshi 7:17

nahan yô, TER ngu kaan nahan er: Kwase wou una hingir idyakwase ken gar, ônov ou mba nomso man mba kasev á wua ve sha sanker, sule wou kpaa á kar kwar a mi sha kor u karen kwagh a min; we iyol you kpaa ú kpe ken tar u hôngorough, Iserael kpaa á kura un ken tar na kera, á yem a na uikangen.

Amoshi 7:9

ajiir a taven sha a Isaka la, aa hingir atse, man uicighanmbaajiiriv mba Iserael la kpaa, vea yôhôl; Me mough Me ta num sha ya u Yerobiam sha sanker.

Amoshi 8:14

Mba ve bumun kwaghbo u Samaria, mba ve kaan er: Er Aôndo wen a lu uma yô, we Dan; man shi: Er gbenda u yemen Bersheba u lu uma yô; vea gba, mayange vea kera mough sha ga.

1 Mbakorinte 1:28

man akaa a a lu a icivir ga ken tar la man a i laha a la, man a a gbe kwagh ga la, Aôndo sange a sha u Una vihi akaa a a gbe kwagh la kera yô,

1 Mbakorinte 2:6

Nahan kpaa se mba ôron kwagh u mfe je hen mba ve vie dedoo yô, kpa ka mfe u tar ne ga shin u mbavesen mba tar ne mba vea tim kera ne kpaa ga.

Duteronomi 28:41

Ú mar ônov mba nomso kua mba kasev, kpa vea lu mba ou ga, gadia á kôr ve vea hingir mbakwarev.

Yosua 5:9

Tsô TER kaa a Yosua er: Nyian M pahar ityuhwanev mbi Igipiti sha a ven kera ve. Ka nahan man i yer ijiir la iti er, Gilgal zan zan nyian ye.

Mpase U Yohane 18:17

gadia sha ihwa i môm tseegh tsô i vihi imbaikpelainyar ne cii. Mbakôômutso cii man mbaperen zegemnger man mbaerentom sha utso man mbazenden shin zegemnger cii, ve tile ken ica.

1 Samuel 11:14

Tsô Samuel kaa a ior er: Va nen, sé za hen Gilgal, sé za kimbir nen tor u kôron ker.

1 Samuel 7:16

Sha hanma inyom a ningir hen Betel man Gilgal kua Misepa; a lu ôron Iserael ijir sha ajiir la cii.

1 Samuel 8:2

Iti i wan na u iunda er Yoel; iti i idyondon na la, er Abia; ve lu mbaajiriv hen Bersheba.