Amoshi 5:22 - ICIGHAN BIBILO

²² Een, shin er ne nem iniav mbi nanden man iniav mbi sha samuyia, nahan kpaa Me ngohol mbi ga; iniav mbi bem mbi ne ne sha uzendenya enev mba wan ahôm la kpaa Me kera ver ishima sha mi ga.

Amoshi 5:22 Iomraidhean Croise

Upasalmi 116:17

Me na U nagh ku ishughun, me yila sha iti i TER.

Upasalmi 40:6

Nagh ku sôngon man nagh ku sha samuyia ka ma kwagh u doon We ishima ga; U bughum ato. Nagh ku nanden man ku isholibo yô, U kaa Wer, i̱ na ku kpee ga.

Upasalmi 50:23

Hanma or u nan ne nagh ku ishughun yô, nan ngu civir Mo; or u nan ser gbenda u nan yô, Me tese nan myom u Aôndo. Ngun ka sha ci u orhemen u mbawanatsam. Ka Pasalmi u Davidi a dugh, zum u profeti Natan va her a na er a vande eren kwaghbo a Batesheba kera la

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

Anzaakaa 21:27

Nagh ku iferor ka kwagh u ndôhôrshima je, man hile aluer nana va a mi sha mhen u boo?

Yesaia 1:11

Ka nyi i gbem a iniav yenev mbi sôngon kpishi laa? kape TER A pin la. Iniav mbi nanden mbi sha anomaiyôngo, man ahôm a uicighanmbaabuav duem ishima; awambe a abua man a agumaiyôngo kua a ukpev kpaa, kera doom ga.

Yesaia 66:3

Or u nan woo bua yô, nan ngu er or u nan woo or nahan; or u nan ne nagh ku sôngon sha tuleiyôngo yô, nan ngu er or u nan sombo aniwa mon yô; u nan ve a nagh ku sha samuyia yô, nan ngu er or u nan ve a nagh ku awambe a igogh nahan; man or u nan ve a kwaghhumandoon sha ci u nagh ku umbur yô, nan ngu er or u wuese akombo nahan. Er ve tsough igbenda i sha asema a ve, uma ve kpaa a ember sha akaa a ve a hôngorough nahan,

Yeremia 14:10

TER ngu ôron kwagh u ior mban kaan nahan er: Kape i doo ve u zenden wue wue je ne; mba her angahar inya ga; nahan TER kera rumun ve ga; hegen yô, Una umbur iferkwagh ve, man Una tsaha asorabo a ve.

Yeremia 6:20

Ka sha ci u nyi i shi i vem a kwaghhumandoon hen Sheba, man kalamu u human doon ken tar u icaa? Iniav yenev mbi nanden ka kwagh u rumun ga, man iniav yenev mbi sôngon kpaa doom ga.

Yeremia 7:21

TER u akum a Sha, Aôndo u Iserael ngu kaan nahan er: Gema iniav yenev mbi nanden, magh nen sha iniav yenev mbi sôngon, gba yan nen inyam kera tsô.

Levitiku 7:11

Tindi u nagh ku sôngon ku bem, ku or á na TER yô, ka un ne:

Amoshi 5:23

Karem a ayôôso a atsam a ou kera; gadia mkoho u umolo ou la kpaa, M soo u ungwan ga.

Malaki 1:9

Hegen yô, shi zamber nen Aôndo, A̱ zungwe se mhôônom; ka ne ne er akaa ne ye; nahan kpaa shi Una rumun mô wene? Kape TER u akum a Sha A kaa ne.

1 Samuel 15:22

Tsô Samuel kaa er: Iniav mbi nanden kua mbi sôngon, doo TER ishima er iko i wan sha imo i TER nahan kpa? Yô, nenge, iko i wan hemba nagh ku sôngon, man u veren ato kpaa hemba ahôm a anomaiyôngo.