Amoshi 5:21 - ICIGHAN BIBILO

²¹ M kôr uiniongo enev ihom, M laha ve, uicighanmbamkohol vev kpaa ve doom ishima ga.

Amoshi 5:21 Iomraidhean Croise

Genese 8:21

TER ungwa ihuma i dedoo; nahan TER kaa ken ishima Na er: Me kera wa tar ifan sha ci u or ga, gadia mhen u ishima i or ka u bo, hii sha iyev mbu nan je; man shi Me kera tsaha akaauma er M vande eren nahan ne ga.

Anzaakaa 15:8

Nagh ku aferaior ka TER kwagh u ndôhôrshima je, kpa msen u mbamimi yô, ka Un kwagh u ember je.

Anzaakaa 21:27

Nagh ku iferor ka kwagh u ndôhôrshima je, man hile aluer nana va a mi sha mhen u boo?

Anzaakaa 28:9

Or u nan gem togh ku nan kera sha u nana ungwa tindi ga yô, msen u nan je kpaa, ka kwagh u ndôhôrshima.

Yesaia 66:3

Or u nan woo bua yô, nan ngu er or u nan woo or nahan; or u nan ne nagh ku sôngon sha tuleiyôngo yô, nan ngu er or u nan sombo aniwa mon yô; u nan ve a nagh ku sha samuyia yô, nan ngu er or u nan ve a nagh ku awambe a igogh nahan; man or u nan ve a kwaghhumandoon sha ci u nagh ku umbur yô, nan ngu er or u wuese akombo nahan. Er ve tsough igbenda i sha asema a ve, uma ve kpaa a ember sha akaa a ve a hôngorough nahan,

Yeremia 14:12

Vea hôron kwaghyan kpaa, Me ungwan mliam vem ga; man vea naan nagh ku nanden kua ku sha samuyia kpaa, Me rumun ve ga; Me tim ve sha sanker, man sha ijen, kua sha bouange kpaa.

Yeremia 6:20

Ka sha ci u nyi i shi i vem a kwaghhumandoon hen Sheba, man kalamu u human doon ken tar u icaa? Iniav yenev mbi nanden ka kwagh u rumun ga, man iniav yenev mbi sôngon kpaa doom ga.

Esekiel 23:18

Zum u a due a idya na ken igbar man a bugh idyelegh na la, nahan a duem ishima, er anngô na u kwase lu duem ishima nahan.

Hosea 2:11

Me er msaanyol na kpaa una bee man uiniongo nav man iwer i he na man ayange a memen a na kua uiniongo nav mba i ver sha ashighe ashighe la cii.

Hosea 5:6

Vea za a akum a iyôngo a ve man a ibua ve sha u keren TER, kpa vea zua a Na ga; A kar hen a ve kera.

Hosea 8:13

Mba sôngon iniav nan Mo, ka ve inyam tsô, mba ye i, doo TER a mbi ga; hegen yô, Una umbur iferkwagh ve man Una tsaha ve sha asorabo a ve, vea hide ken Igipiti.

Levitiku 26:31

Me gema agar a en á hingir atse, Me vihi uicighanmbaajiiriv enev kera; Me ungwa ihuma i kwaghhumandoon wen la ga.

Amoshi 4:4

Va nen hen Betel, va per nen atindi; va nen hen Gilgal va seer peren nen atindi; va nen a iniav yenev mbi sôngon hanma sev, man môm-ken-upue enev hanma iyange i sha utar.

Amoshi 4:5

Na nen nagh ku ishughun sha kwagh u i we kwa sha mi yô, yôô nen iniav mbi nan sha ishima i dedoo, samber a mi, gadia ka kwagh u a doo ne je la, ne Mbaiserael! Kape Ter AÔNDO A kaa ne.

Amoshi 6:8

Ter AÔNDO bum uma Na; TER, Aôndo u akum a Sha, ngu kaan nahan er: Iyolgengese i Yakob ndôhôr Mo ishima, M kôr ayou a na a tor ihom; nahan Me tôô gar ne man akaa a a lu kimi cii, Me na kera.

Amoshi 8:10

Me gema uiniongo enev vea hingir ijungwen, atsam a en cii kpaa aa hingir kwelegh; Me na hanma or nana lu a ikondo uya man hanma ityough kia kpul; Me na ia hingir er ka mliam ma vaan wannomso u môm môm nahan, man mkur u i kpaa er ka sha iyange i vihin ishima tsung nahan.

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

Mbaefese 5:2

Man zenden nen ken dooshima, er Kristu kpaa se doo Un ishima man A na iyol Na sha ci wase nahan, lu nagh ku nanden man nagh ku sôngon nan Aôndo sha ci u ihuma i doon.

Mbafilipi 4:18

Akaa a ne tindi a mi la m zua a mi hen Epafroditu. I nam cii, neer mo a neer, m mgbough a mi je, ka ihuma i doon, ka nagh ku doon ku ku kom Aôndo yô.