Amoshi 5:18 - ICIGHAN BIBILO

¹⁸ Kwagh á tser ne, ne mba i sar ne pe iyange i TER ma i ve yô. Ka nyi i sar ne pe zuan a iyange i TERE? Ia lu ime, ia lu iwanger ga.

Amoshi 5:18 Iomraidhean Croise

Yesaia 13:6

Gbidye nen vaa, gadia iyange i TER mgbôghom ve, ngu van er ka mtim u a dugh sha Uhembanagee cii yô.

Yesaia 24:18

Or u nan yevese iov i mcie, nana gba shin ihungwa i hônon, man shi or u nan dugh shin atô u ihungwa i hônon la, nana gba ken to; gadia i bugh ahura a Sha, man amagh a taregh kpaa tenger.

Yesaia 5:19

mba ve kaan er: A̱ er ase fefa, A̱ torough a tom, Na, sé nenge; awashima u Icighan u Iserael la, a̱ nangem, a̱ va, sha u se̱ fa un yô!

Yesaia 5:30

Sha iyange la ahura á ta sha a ve er ihuran i zegemnger nahan; aluer or nana nenge shin tar yô, nana nenge a ime i ican, iwanger ia hingir ime sha ci u abeen.

Yesaia 58:2

Nahan kpaa mba keren Mo ayange ayange man sar ve u fan igbenda Yam, bee er ikurior i eren kwagh u perapera man i undun akaawan a Aôndo ve ga yô, ve gema ve pinem akaawan a perapera, u kporom hen Aôndo kpaa doo ve.

Yesaia 8:22

vea kenger shin inya, kpa nenge, ka ican man ime, ime i cier iyol; á zenda ve vea nyôr ken angôghime.

Yesaia 9:19

Sha iyugh i TER u akum a Sha yô, inya hia kera, ior kpaa ve hingir er kwagh u keer usu a mi yô; or zungwe anngô u nan ga.

Yeremia 13:16

Na nen TER, Aôndo wen, icivir, er A lu a er ime i wa ga ne, man er ne lu a ta angahar kera sha iwo i wan ime la ga ne, man er ne lu keren iwanger yô, A gema i i hingir mure u kuugh man shi angôghime.

Yeremia 17:15

Nenge, mba kaan a mo er, Kwaghôron u TER ngu hana? A̱ va ase!

Yeremia 30:7

Wuu! Gadia iyange shon gba ikôr je gande agen cii; ka shighe u ican i Yakob je la; kpa á yima un sha i.

Esekiel 12:22

Wan u or, ka nyi injakwagh ne er ken tar u Iserael, ne kaan ner: Ayange nga karen man hanma mpase kpaa kur sha mi ga?

Esekiel 12:27

Wan u or, nenge, mba ken ya u Iserael mba kaan er: Mpase u a nengen la, ka u sha ayange a ken hemen kpishi je, man ngu ôron kwaghôron u profeti sha ayange a ken hemen ca.

Yoel 1:15

Wuu, wuu! iyange la! Gadia iyange i TER mgbôghom ve, ia va er mtim u a dugh hen Uhembanagee nahan.

Yoel 2:10

Tar tenger sha ishigh vegh, Usha gbidye ikarikase iyol; iyange man uwer wa ime, asan kpaa hide a iwanger ve ijime.

Yoel 2:11

TER genger imo sha ishigh ki mbautyav Nav la, gadia ikumutya Na kehe gande; un u a eren sha imo Na la, ka u ageegh; gadia iyange i TER ka i vesen je, i cier iyol kpaa, ka an nana fatyô u hendan ishigh a ii?

Yoel 2:31

Iyange ia gema ia hingir ime, uwer kpaa ua hingir awambe man iyange i TER i vesen i cieryol ia va ye.

Obadia 1:15

Gadia iyange i TER mgbôghom sha akuraior cii; er u er nahan, kape we di kpaa á er a we je la; ieren you ia hire sha ityough you.

Malaki 4:1

Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

Duteronomi 32:24

Vea vôr ijen man vea saa ishe, sha angev mbu tseeyol, man angev mbu bov kpaa; Me tindi anyi a inyamikume sha ve, man megh ku akaa a a kper a kpela inya.

2 Peteru 3:10

Kpa iyange i Ter ia va er ormbaiv nahan. Usha vea kar kera sha ihuran ioo, asemaakaa aa hia kera man tar kua ityom i sha u cii kpaa ia hia kera.

2 Peteru 3:4

Vea kaa er ityendezwa i m-ande Na ngi hana? Gadia hii sha shighe u uter kpe kera la akaa cii nga her di er a lu sha mhii u igbetar la nahan.