Amoshi 5:12 - ICIGHAN BIBILO

¹² Gadia M fa mngee u atindi a peren a en, man ivesen i asorabo a en; ne mba ne eren mbamimi ican, ne mba ne ngohol inyaregh ki yamen ishô man ne mgbegha mbaibanave hen hundagar kera.

Amoshi 5:12 Iomraidhean Croise

Yobu 20:19

Gadia nan er mbaatsanev ican, nan ta ve kera, ya u nan ngohol sha agee la kpaa, nana maa un ga.

Yobu 31:21

aluer mea naregh uwegh sha u nzughul a ancôghol, sha ci u m nenge a iwasen yam sha hundagar yô,

Upasalmi 127:5

Saan or u gbande u nan a iv a ve la, iyol! kunya ua kôr ve ga, zum u vea ôron kwagh a mbaihomov vev sha hundagar yô. Ka icam i zan iniongo

Ekesodu 23:3

man shi de ôron icanor ijir wer, ka icanor ga.

Ekesodu 23:6

De hundun ijir i icanor wou zum u á va yer ijir na la ga.

Anzaakaa 17:8

Iwua ngi er isha i tiaver ishe nahan ken ashe a or u nan lu a i la, hanpe ka nana gema cii, i kpe nan iyol.

Anzaakaa 22:22

De ngohol icanor kwagh ga, gadia ngu icanor je, man shi de kighir mbaatsanev hen hundagar ga,

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 10:2

sha u mgbeghan mbaibanave sha ijirôron kera, man sha u ngohol ian i mbaatsanev mba ken ior Av la kera, sha u kasev mba côgholov ve̱ hingir ishar ve, man sha u ve̱ gema ve̱ sar ancôgholov kpaa!

Yesaia 29:21

ve mba ve ne or ibo sha ishember kwagh i kwaghôron, man ve hôn to sha u kôron u a tem hen hundagar sha u ôron ijir sha mimi la, man ve mgbegha orperapera kera sha gbilinkwagh.

Yesaia 33:15

Ka u nan zenden sha perapera la, man nan er kwagh sha mimi, shi nan lahan mtsera u sha apera, nan nduur ave a nan, nan vende u ngohol inyaregh ki yamen ishô la, nan kondon ato a nan sha u nan ungwa kwagh u iwooor ga, man nan kusu ashe a nan sha u nana nenge iferkwagh kpaa ga yô;

Yesaia 47:9

kpa akaa ahar ne aa tser u fese, sha iyange i môm: msaa u ônov man u teman icôghol; aa tser u jimin, shin er ahir a ou a ngee, man akaasôron a ou la a taver nahan kpaa.

Yesaia 5:23

mba ve ne mbalun a ibo ishô sha ci u inyar, kpa orperapera yô, ve ngohol mimi u nan kera!

Yesaia 66:18

Gadia M fa aeren a ve kua mbamhen vev; shighe ngu van u Me kohol akuraior cii kua ijô cii, vea va, vea va nenge icivir Yam.

Yeremia 29:23

sha ci u ve er kwagh u ibume ken Iserael, man ve er idya a kasev mba ior mba wan ndor a ve man ve ôr kwagh ken iti Yam sha aie je, kwagh u M ne ve zwa sha mi ga yô; ka Mo M fe, shi M eren shiada kpaa ye, kape TER A̱ kaa ne.

Ukwelegh 3:34

U ndyaren mbauikangenev mba shin tar cii shin angahar,

Esekiel 13:22

Sha ci u ne vihi ishima i mbaperapera sha aie, mba M vihi ve asema ga, man ne taver ave a iferor, sha er nana̱ de kera hiden ijime sha gbenda u nan u bo, nana̱ war ga.

Hosea 5:3

Mo M fa Eferaim, man Iserael kpaa ngum myer ga; gadia hegen yô, we Eferaim, u er idya, Iserael kpaa hôngor.

Amoshi 2:16

man un u a taver ishima ken mbaageev la kpaa, una yevese idyelegh sha iyange la, kape TER A kaa la.

Amoshi 2:3

Me gber orjir ken atô na kera, Me wua mbatarev nav a na imôngo cii, kape TER A kaa la.

Amoshi 5:10

Ve kôr un u a yange kwaghbo hen hundagar la ihom man or u nan er kwagh u mimi yô, ve laha nan.

Amoshi 5:7

ne mba ne gem ijirôron i hingir kon u yuwan, man ne te perapera inya!

Amoshi 8:4

Ungwa nen kwagh ne, ne mba ne ndyaren mbaibanave shin angahar, man ne tim mbaatsanev ken tar kera,

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Mika 7:3

Ave ve wa iyol u eren kwagh u ifer a ishima i môm; ortaregh ka a sôn, man orjirigh kpaa ka a wa iyol sha u zuan a inyaregh ki ken myer; zegeor ka a due a isharen i dang i ken ishima na la; kape ve cingi kwagh ayol a ve la.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Aerenakaa A Mbaapostoli 7:52

Ka hanmô ken uprofeti je man uter enev tôv nan a ican ga? Ve wua mba ve lu tsengan ôron mve u Ormimi, man hegen ne kpaa ne hingir mbanengen Un mker shi ne wua Un kpaa;

Duteronomi 16:18

Ver mbaajiriv man mbavesen ken agar a ou cii, a TER, Aôndo wou, Una na u, sha ikwe you yô; ve̱ ôron ior ijir sha mimi.

Duteronomi 31:21

Tsô zum u akaavihin kpishi man atsan aa tser ve yô, icam ne ia pase kwagh sha ishigh vegh er ka shiada yô; gadia ia hungul ken zwa u tsombor ve ga, gadia M fa mhen ve u ve lu a mi nyian ne, je er M lu a za a ve ken tar u M bum a ve la ga yô.

Yakobu 5:4

Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha.

Yakobu 5:6

Ne gba kuren kwagh u orperapera dang tsô ne wua un je, kera ngu hendan a ven ga.

Rutu 4:1

Tsô Boashi mough za hen hundagar, za tema her; yô, orpaan u Boashi ter kwagh na la, gba va karen; a gema a kaa er: We, via la, va va tema heen yôô. Tsô a va, a va tema inya.

1 Samuel 8:3

Ônov nav yô, zaan sha gbenda na vough ga, kpa ve tsume sha inyaregh ki keren, ve ngohol inyaregh ki yamen ishô, ve vihin ijir.