Amoshi 5:10 - ICIGHAN BIBILO

¹⁰ Ve kôr un u a yange kwaghbo hen hundagar la ihom man or u nan er kwagh u mimi yô, ve laha nan.

Amoshi 5:10 Iomraidhean Croise

1 Utor 18:17

Tsô Ahaba za nenge a Eliya yô, Ahaba kaa a na er: Ka we, or u u nzughul a Iserael yum ne ga?

1 Utor 21:20

Tsô Ahaba kaa a Eliya er: U zua a mo ve orihom wama? A rumun er: M zua a we; gadia u tee iyol you sha u eren ifer sha ishigh ki TER.

1 Utor 22:8

Tor u Iserael kaa a Yehoshafati er: Or shi môm u sé pine nan imo i TER, ka Mikaia wan u Imla; kpa m kôr un ihom, gadia er ma kwaghôron u profeti u dedoo sha a mo ga, saa kwaghbo tseegh. Kpa Yehoshafati kaa er: Tor a̱ de kaan nahan ga.

2 Kroniku 25:16

Tsô, ngur ôron kwagh a na yô, tor kaa a na er: Se ver u or u henen kwagh a toro? Kighir je; i̱ wua u keng, ka nyi? Tsô profeti la kighir je, kaa er: M fa Aôndo vande veren ishima sha u timin we, sha ci u u er kwagh ne, man shi sha ci u u kera ver ato sha kwaghôron wam kpaa ga yô.

2 Kroniku 36:16

kpa ve gema ve se mbatyomov mba Aôndo, ve laha kwaghôron Na, ve nenge sha uprofeti Nav kpenenene, zan zan iyugh i TER mough sha ior Nav je gbenda u vea war kera lu ga.

Anzaakaa 15:12

Orpuunakaa, doo nan u i̱ yange nan ga, nan rumun u zan hen mbafankwagh kpaa ga.

Yesaia 29:21

ve mba ve ne or ibo sha ishember kwagh i kwaghôron, man ve hôn to sha u kôron u a tem hen hundagar sha u ôron ijir sha mimi la, man ve mgbegha orperapera kera sha gbilinkwagh.

Yesaia 59:15

Een, mimi ngu ga; or u nan kem iyol sha ifer yô, mba ngohol nan akaa sha apera. Tsô TER nenge, vihi Un er kwagh u jighilii a lu ga yô,

Yeremia 38:7

Kpa zum u Ebedi-meleki Oretiopia, ortom u ken ya u tor, ungwa er ve gbihi Yeremia ken ihungwa yô—hen shighe la tor tema ken Hundagar u Benyamin—

Hosea 4:4

Nahan yô, ma or nana̱ de zehe a or ga, shi nana̱ de yangen or kpaa ga; gadia ka we pristi m lu nan we ibo ye.

Levitiku 13:10

pristi a̱ nenge, aluer una nenge imor i pupuu sha kwavyolough man ia gema ice ia hingir pupuu yô, man sha imor la a lu azoghol azoghol yô,

Amoshi 5:15

Kôr nen kwaghbo ihom man kwaghdedoo a̱ doo ne ishima; rumun nen ijirôron i mimi hen hundagar; shin alaghga TER, Aôndo u akum a Sha, Una zungwe asande a Yosev a a shi her la mhôônom.

YOHANE 15:19

Aluer nea lu ior i tar ne yô, ma ne lu kwagh u tar jim, ma ne doo tar ishima; kpa er ne lu ior i tar ne ga, Mo M gem M tsough ne shin tar ne kera yô, ka nahan man tar u ker ne ihom ye.

YOHANE 3:20

Gadia hanma or u nan eren kwaghbo yô, ka iwanger je nan vende ye, man shi nan ve hen iwanger kpaa ga, sha u i̱ de vende aeren a nan ga yô.

YOHANE 7:7

Tar fatyô u kôron ne ihom ga; kpa Mo yô, u kôrom ihom sha ci u M pasen kwagh u u Mer, aerenakaa a u ka a bo yô.

Mbagalatia 4:16

Nahan m gema m hingir orihom wen er m lu ôron ne kwagh u mimi yôô?

Mpase U Yohane 11:10

mba ve tem sha tar cii vea ember sha ci u kwagh u a er ve la, á saan ve iyol, vea tindi uiwua hen ayol a ve, sha ci u uprofeti mba uhar mban ve er mba shin tar ican yum yô.