Amoshi 5:1 - ICIGHAN BIBILO

¹ Ungwa nen kwaghôron ne u M ter ne kwelegh sha min ne, we ya u Iserael.

Amoshi 5:1 Iomraidhean Croise

Yeremia 18:13

Nahan yô, TER ngu kaan nahan er: Pine nen ase ken akuraior, ner: Ka anti nan vande ungwan imbakwagh ne; iniunkwase i Iserael er kwagh u vihin je zua ga.

Yeremia 7:29

Tôndo ice you i sha ihyaghtyo, haa kera, gber kwelegh zungwe sha agungu a penem penem, gadia TER gbihi man A undu ikov i A yugh i la.

Yeremia 9:10

Me gber kwelegh sha ci u iwo, man sha ci u ajiir a ilev yan toho ken taaikôngo la, Me zungwe; gadia i nande a, a hia je ma or fatyô u karen her ga; man i kera ungwa mliam ma uile ga, inyon i purugh sha kua ishôso i ken toho cii nyôngoso, yem kera.

Yeremia 9:17

TER u akum a Sha ngu kaan nahan er: Ver nen ishima, yila nen kasev mba vaan ku, ve̱ va; tindi nen, i̱ za yila kasev mba hemban fan kwagh ve̱ va;

Yeremia 9:20

Nahan ne kasev ungwa nen kwaghôron u TER, ato en a̱ ngohol mkaanem ma sha zwa Na, tese nen ônkasev enev u gberen kwelegh, man hanmô nana̱ gema nana̱ tese di ugen icam i mzungu ne:

Yeremia 9:9

Nahan Me kera or ve iyev sha ci u akaa ne gaa, kape TER A pin ne, Me kera or imbaikurior ne iyev gaa?

Esekiel 19:1

Nahan yô, gber kwelegh sha ci u uityombaiorov mba Iserael;

Esekiel 19:14

Usu due ken agbaa a na hia atam a na, nahan i kera shi ma gbaa u taver u una va hingir tôgh ku torough ga. Ngun ka kwelegh je, hingir kwelegh kpaa.

Esekiel 26:17

Vea gber kwelegh vea vaa u, vea kaa a we er: Nenge er u timi, we u ior i zegemnger ve tema ken a we ne, zegegar u zan iti, u lun taveraa ken zegemnger, wen a mba ve tem kimi, mba ve na mcieryol ve gba sha mba ve tem her cii!

Esekiel 27:2

We wan u or, gber kwelegh sha Tiru;

Esekiel 28:12

Wan u or, dugh kwelegh, ter tor u Tiru, kaa a na wer: Ter AÔNDO ngu kaan nahan er: We, u lu kunya u veren ikav a mi u kuman vough, u mgbough a mfe, man u doo ashe gande.

Esekiel 32:16

Ngun ka kwelegh u vea gber je ne; ônkasev mba akuraior vea gber un; ka sha Igipiti man ikpelaior na cii vea gber un ye, kape Ter AÔNDO A kaa ne.

Esekiel 32:2

Wan u or, dugh kwelegh, ter Farao tor u Igipiti, kaa a na wer: Gumbegha u ken akuraior, u saa ve! U lu er darakon ken uzegembamngerev nahan; u duen ken uifi ou, u buusu mngerem sha angahar a ou, u hundu uifi vev.

Amoshi 3:1

Ungwa nen kwaghôron u TER A er sha a ven ne, ne Mbaiserael, sha tsombor u M dugh a u ken tar u Igipiti la cii, er:

Amoshi 4:1

Ungwa nen kwaghôron ne, ne ungômbaibuav mba Bashan mba ne lu sha uwo u Samaria ne, ne mba ne kighir atsanaior, ne heren mbaibanave, ne mba ne kaan a noov enev ner: Va nen a mi, se̱ ma la.

Amoshi 5:16

Nahan yô, TER, Aôndo u akum a Sha, Ter, ngu kaan nahan er: Mliam maa lu sha ityembe cii; sha igbenda cii á kaa er: Kpe ahii! Kpe ahii! Vea yila orsule sha u nana̱ va zungwe, man mbafankwelegh er ve̱ gber kwelegh.

Amoshi 8:14

Mba ve bumun kwaghbo u Samaria, mba ve kaan er: Er Aôndo wen a lu uma yô, we Dan; man shi: Er gbenda u yemen Bersheba u lu uma yô; vea gba, mayange vea kera mough sha ga.

Mika 2:4

Sha iyange la vea dugh ishor sha a ven, vea gber kwelegh, vea kaa er: Se saa ishe puru; A gema dyako u ior av A na ior mbagenev; nenge, er A pav un a mo yô! A kar mbaahendanev ishule yase.