Amoshi 4:9 - ICIGHAN BIBILO

⁹ M tsaha ne sha mhie u iyiav man yien; M vihi ishule yen man ikon i wain yen; ikon i tur yen man ikon i olev, ikomon ya; nahan kpaa, ne hide her a Mo ga, kape TER A kaa ne.

Amoshi 4:9 Iomraidhean Croise

1 Utor 8:37

Aluer ijen ia gba sha tar, shin aluer bouange una za va, shin alakema una gba akpor shin mningem, shin ikomon ia za va, shin igyer, aluer mbaihomov vev vea va kase ve ken agar a ken tar ve, shin a lu hanma kwagh u bo, shin hanma inja i uange ia lu kpaa,

2 Kroniku 6:28

Man aluer ijen ia gba sha tar, shin aluer bouange una za va, shin aluer alakema una gba akpor shin mningem, shin ikomon ia za va, shin igyer, shin aluer mbaihomov vev vea va kase ve ken agar a ken tar ve, shin a lu hanma kwagh u bo shin hanma inja i uange ia lu kpaa;

Yesaia 1:5

Ka nyi shi i lu ne pe i̱ seer gbidyen ne, er ne taver ishima u undun gbenda? Ityough cii gba angev, kua ishima cii kpaa ure.

Yesaia 50:11

Yô, ne mba ne keer usu cii, mba ne zeren akagh a usu iyol, zende nen ken nomborusu wen, man ken akagh a usu a ne tsar yô. Ka sha ikev Yam je kwagh ne una tser ne ye: nea yav inya a mnyoonom iyol.

Yesaia 9:12

ka Mbashiria sha vegher u sha ityoughkitaregh man Mbafiliti vegher u shin ityôtar la; ve gema ve aver zwa, ve mena Iserael. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yeremia 3:10

Nahan kpaa, anngô na u kwase Yuda, u a lu a jighjigh ga la, hide her a Mo, kpa ka sha ishima i môm ga, ka sha igyer tsô, kape TER A kaa ne.

Yeremia 5:3

TERE, ka mimi ashe Ou a keren gaa? U gbidye ve, kpa nyoon ve ga; U tim ve kera, kpa ve rumun mkôôm ga, ve taver ishiv vev je, hemba vande; ve venda u geman asema.

Hosea 11:5

Una hide ken tar u Igipiti; Ashiria una lu tor na, sha ci u ve venda u geman ishima yô.

Yoel 1:4

Kwagh u ikomon i tseren akaa la, i undu yô, ikomon i purugh sha ya; kwagh u ikomon i purugh sha i undu yô, agumaikomon ya; man kwagh u agumaikomon a undu yô, ikomon i oron akaa ya.

Yoel 1:7

I vihim kon u wain, i asegh mo kon u tur; i bugh u avuu, i haa kera cii; agbaa a u hingir pung.

Yoel 2:25

Shi Me hide ne a anyom a ikomon i purugh agumaikomon man ikomon i oron akaa kua ikomon i tseren akaa lu ya la, ka zegeikumutya Yam i M tindi her a ven ne.

Amoshi 4:6

M gema M na ne mwanger u anyiigh ken agar a tamen a en cii, man mban u kwaghyan ken ajiir a en a teman cii; nahan kpaa, ne hide her a Mo ga, kape TER A kaa ne.

Amoshi 4:8

Ka nahan man agar a tamen ahar shin atar lu zan ze ze ze hen gar môm sha u za man mngerem, kpa kuma a ga; nahan kpaa, ne hide her a Mo ga, kape TER A kaa ne.

Habaku 3:17

Shin er kon u tur ua kpar ga, man er ma atam aa lu sha ikon i wain ga, man atam a kon u olev aa lu ga; shin er ishule ia doo iyiagh ga, man iyôngo ia tim ken ityôr kera, man ibua kpaa ia kera lu ken atôr ga,

Hagai 2:17

M tsaha ne sha mhie u iyia man sha yien man sha awombo, ka ityom yen i aveegh cii; nahan kpaa ne hide her a Mo ga, kape TER A kaan ne.

Malaki 3:11

Shi Me yange ikomon sha ci wen, ia kera vihi iyiav mbi ken tar wen ga; ikon i wain i ken sule ia kera de u umen ne atam ga, kape TER u akum a Sha A kaa ne.

Duteronomi 28:22

TER Una tsaha u sha houghbar man angev mbu tseeyol man kwambe man iyol i hian man icegh ki zan man mhie u uyia man yien, vea zer a we zan zan ú tim.

Duteronomi 28:42

Ikomon ia ya ikon you cii kua iyiagh ki ken sule wou.