Amoshi 4:5 - ICIGHAN BIBILO

⁵ Na nen nagh ku ishughun sha kwagh u i we kwa sha mi yô, yôô nen iniav mbi nan sha ishima i dedoo, samber a mi, gadia ka kwagh u a doo ne je la, ne Mbaiserael! Kape Ter AÔNDO A kaa ne.

Amoshi 4:5 Iomraidhean Croise

Upasalmi 81:12

Ka nahan man M gbihi ve sha ihembeato i sha asema ve la, Mer, ve̱ er sha mbamhen vev ayol a ve ye.

Yesaia 1:1

Mpase u Yesaia wan u Amoshi, u a nenge sha kwagh u Yuda kua Yerusalem, sha ayange a Ushia man Yotam man Ahashi kua Hisekia, utor mba Mbayuda.

Yesaia 1:11

Ka nyi i gbem a iniav yenev mbi sôngon kpishi laa? kape TER A pin la. Iniav mbi nanden mbi sha anomaiyôngo, man ahôm a uicighanmbaabuav duem ishima; awambe a abua man a agumaiyôngo kua a ukpev kpaa, kera doom ga.

Yeremia 7:10

tsô ne va tile sha ishigh Yagh, ken iyou ne, i i yer i sha iti Yam, ne kaa ner: I yima se ve! sha u se̱ eren akaa a ndôhôrshima ne cii, zee?

Yeremia 7:9

Ne gema ne ii, ne wua or, ne er idya, ne bum sha aie, ne nande Baal nagh, ne dondo mbaaôndo mbagenev mba ngise ne fa ve ga,

Hosea 9:1

Iserael de kera ember yagh yagh er akuraior nahan ga, gadia u er idya, u undu Aôndo wou, injar i sha idya doo u sha hanma vande u gbiren iyiav.

Hosea 9:10

M tser a Iserael er atam a kon u wain ken desereti nahan; M nenge a uter enev er atam a tsutswa a vian sha kon u tur sha m-um na u hiihii la yô; kpa ve va hen Baal-peor ve tsegha ayol a ve sha ci u kwagh u kunya la, nahan ve hingir kwagh ndôhôrshima vough er kwagh u a doo ve ishima la nahan.

Levitiku 23:17

Tôô nen ubredi mba cian a mi uhar, ken ajiir a ne tem cii, va nen a mi, mba i er ve sha mwem ma kengese ma ma kom uikaren uhar-ken-upue, i̱ kaa ve i̱ wa kwa sha mi, ve̱ lu iyiav mbi tsutswav mbi nan TER.

Amoshi 5:21

M kôr uiniongo enev ihom, M laha ve, uicighanmbamkohol vev kpaa ve doom ishima ga.

Amoshi 5:22

Een, shin er ne nem iniav mbi nanden man iniav mbi sha samuyia, nahan kpaa Me ngohol mbi ga; iniav mbi bem mbi ne ne sha uzendenya enev mba wan ahôm la kpaa Me kera ver ishima sha mi ga.

Mateu 15:9

Nahan ka gbilin tsô ve civir Mo, sha ci u ityesen i ve tesen la ka atindi a ior tsô.

Mateu 23:23

Kwagh á tser ne, ne mbangeren man Mbafarishi, ne mbaimangerev. Gadia ne mba tsough môm-ken-upue u kunguraku man yiye man ayegh, kpa ne kera wa akaa a a hembe lun a inja ken atindi la iko ga, er: ijirôron man mhôônom ma zungwen man jighjigh u nan, er i lu u né eren akaa ngan keng yô, shi ma ne de u eren angara kpaa ga.

Mateu 6:2

Nahan shighe u wea eren iwua yô, de tôngon korough sha hemen wou, er mbaatsereghev ve eren ken ushinagoge kua sha igbenda sha u vea zua a icivir hen ior la nahan ga. Mimi je, M kaan ne ne, ve ngohol injar ve kera ve.

Mbaromanu 1:28

Er i kera doo ve u rumun Aôndo ga yô, Aôndo gbihi ve ken mhen u a lu u injaagh ga yô, man u eren akaa a lun sha mi ga kpaa.