Amoshi 4:2 - ICIGHAN BIBILO

² Ter AÔNDO bum mtsegh Na, er: Nenge, ayange a en nga van a vea va kura ne kera sha utsuwe, man mba vea shi yô, á kura ve kera sha utsuwe mba ishuuv.

Amoshi 4:2 Iomraidhean Croise

Upasalmi 89:35

M bum a bum mtsegh Wam je, Me er Davidi aie ga;

Upasalmi 89:36

Tsombor na ua lu gbem, ikônough nagh ki torough kpaa kia lu sha ishigh Yagh er ka iyange yô;

Yesaia 37:29

Er u hundu sha a Mo, man imanger you i u manger la, i va nyerem ker ato yô, nahan Me wa tsuwe Wam ken ihinga you, kua lijam Wam kpaa ken zwa wou, Me hide a we sha gbenda u u ve mi la.

Yeremia 16:16

Nenge, Me tindi, á yila mbakôronishu kpishi, kape TER A kaa ne, vea va kôr ve; ken masetyô Me tindi, á yila mbayarenikôr kpishi, vea num ve sha hanma uwo man sha hanma igungu man ken ikwe i avande kpaa.

Esekiel 29:4

Me wa u utsuwe ken azegher, Me na ishu i ken uifi ou ia var sha avuu a ou; Me dugh u shin uifi ou kera, a ishu i ken uifi ou cii, i i var sha avuu a ou la.

Esekiel 34:16

Me ker kwagh u a saa yô, man Me hide a kwagh u a tsum kera la, man Me kange kwagh ua kever yô, man Me taver kwagh u a gbe angev yô; kpa kwagh u gban ikôr man u taver la, Me tim un kera; Me koso ve sha gbenda vough.

Esekiel 38:4

Me gema u, ú hide ijime, Me wa u utsuwe ken azegher, Me due a we kera a ikumutya you cii, anyinya man mbaanyinyav, ve cii ve haa ikav mbi utyav iyol, ka zegeikumutya a iper man mbaakuva, ve cii mba a sanker sha ave;

Amoshi 6:8

Ter AÔNDO bum uma Na; TER, Aôndo u akum a Sha, ngu kaan nahan er: Iyolgengese i Yakob ndôhôr Mo ishima, M kôr ayou a na a tor ihom; nahan Me tôô gar ne man akaa a a lu kimi cii, Me na kera.

Amoshi 8:7

TER bum icivir i Yakob er: Mimi je, mayange ma ieren ve i môm ia hungul Mo ga.