Amoshi 4:13 - ICIGHAN BIBILO

¹³ Gadia nenge Wen u A er iwo man A gbe ahumbe, man A pasen or mhen u ken ishima i nan, Wen u A gem sev mbu hingir ime, u A zenden sha ajiir a taven a sha tar la, TER, Aôndo u akum a Sha, ka iti Na je la.

Amoshi 4:13 Iomraidhean Croise

Yobu 9:7

A te iyange icin, i kera dugh ga la, A cir asan;

Upasalmi 135:7

Ka A er tulugh a kôndo sha, sha akighir a tar je; man ka A er inyiar sha ci u ura; shi A due a ahumbe ken iuna Na kpaa.

Upasalmi 139:2

Mtem wam man mmough wam kpaa We U fa, U fa mhen wam ken ica je.

Upasalmi 147:18

Ka A tindi mkaanem Nam ma va sough ve, A er ahumbe Na, a va pever, man mngerem ma kuwa ye.

Upasalmi 65:6

We u iwo i til dông i lu sha agee a Ou; We u U cir agee iyol;

Ekesodu 10:22

Mose naregh uwegh nagh Sha, nahan angôghime wa ken tar u Igipiti cii, ayange atar;

Ekesodu 14:20

Ki lu hen atô u ikumior i Mbaigipiti a ikumior i Mbaiserael; yô, ibeenegh lu kua ime, nahan kpaa, ki gema ki wanger tugh; hen tugh mbula cii, igen mgbôghom a igen ga.

Yesaia 40:12

Ka an nan kar gidamnger sha ikevwe i nan, shi nan kar Usha sha ishiva, nan kohol vuulevu u tar shin ikagh ki karen kwagh a mi, man nan kar iyohov mbu iwoov sha ikaren, man agungu kpaa sha iyôgh ki karen kwagh a mini?

Yesaia 45:7

M ver iwanger, man shi M gba ime; M va a kwaghdoon man kwaghvihin kpaa, ka Mo TER M er akaa ne cii ye.

Yesaia 47:4

Oryiman wase, ka TER u akum a Sha, ka iti Na je la, Icighan u Iserael.

Yesaia 48:2

Gadia mba yer ayol a ve er, ior i icighangar, ve suur sha Aôndo u Iserael, TER u akum a Sha, ka iti Na je la.

Yesaia 5:30

Sha iyange la ahura á ta sha a ve er ihuran i zegemnger nahan; aluer or nana nenge shin tar yô, nana nenge a ime i ican, iwanger ia hingir ime sha ci u abeen.

Yeremia 10:13

ka Una ôr kwagh yô, mngerem ma hura sha Usha; ka A er turugh a due ken akighiratar a kôndo sha; A er inyiar sha ci u ura, man A due a ahumbe ken ayou a Na a koson akaa ker.

Yeremia 10:16

Kpa kwar u Yakob ngu er mbi nahan ga; gadia Un ka Ormaan u akaa cii; Iserael ka nongo u u lu dyako Na je yô; TER u akum a Sha ka iti Na je la.

Yeremia 13:16

Na nen TER, Aôndo wen, icivir, er A lu a er ime i wa ga ne, man er ne lu a ta angahar kera sha iwo i wan ime la ga ne, man er ne lu keren iwanger yô, A gema i i hingir mure u kuugh man shi angôghime.

Yeremia 46:18

Er M lu u uma ne, kape Tor A kaa ne, u i yer iti Na er, TER u akum a Sha la, or ngu van, nana lu er Tabor ken iwo yô, man er Karmel u hen kpezegemnger nahan.

Yeremia 51:16

ka Una ôr kwagh yô, mngerem hura sha Usha, ka A er tulugh a due ken akighir a tar a kôndo sha; A er inyiar sha ci u ura, man A due a ahumbe ken ayou a Na a koson akaa ker.

Yeremia 51:19

Kpa kwar u Yakob ngu er mbi nahan ga, gadia un ka or maan akaa cii, man Iserael kpaa ka nongo u u lu dyako Na je yô; TER u akum a Sha ka iti Na je la.

Daniel 2:28

kpa Aôndo ngu Sha u A pasen akaamyer, man A pase tor Nebukadinesar kwagh u una va er sha ayange a masetyô la kpaa. Ka mnyam ou, man mbampase mba sha mnenge mba u nenge er u lu sha gambe wou ne:

Daniel 2:30

Mo yô, i pasem kwaghmyer ne, ka sha ci u ma kwaghfan u a lu ken a mo hemba u hanma orgen ga, kpa ka sha u i̱ pase tor inja i ma, man sha u u̱ fa mhen u ken ishima you la.

Hosea 12:6

Nahan we yô, hire hen Aôndo wou, lu a dooshima man perapera, ver ishima kegh Aôndo wou gbem.

Yoel 2:2

ka iyange i ime i wan mgbigh mgbigh, iyange i abeen man angôghime, er mlu u pepe dindee nahan; ikurior i vesen man i ageegh haa sha iwo imba i i lu a vande nengen a mi ga, man á kera nenge a mi ken hemen kpaa ga, zan zan sha ikov ikov cii.

Amoshi 3:13

Ungwa nen man er nen shiada pase nen ya u Yakob, kape Ter AÔNDO A kaa ne, Aôndo u akum a Sha ne.

Amoshi 5:27

Nahan yô, Me yem a ven uikangen kar Damaseku yem ken hemen, kape TER A kaa ne, Wen u iti Na i lu Aôndo u akum a Sha la.

Amoshi 5:8

Un u A gbe Ancôgholov man Anyamaiwa, u A gem angôghime hingir sev, u A gem tetan a we ime a hingir tugh; Un u ka A yila mngerem ma zegemnger, A haa ma sha tar la; TER, ka iti Na je la;

Amoshi 6:8

Ter AÔNDO bum uma Na; TER, Aôndo u akum a Sha, ngu kaan nahan er: Iyolgengese i Yakob ndôhôr Mo ishima, M kôr ayou a na a tor ihom; nahan Me tôô gar ne man akaa a a lu kimi cii, Me na kera.

Amoshi 8:9

Tsô sha iyange la, kape Ter AÔNDO A kaa ne: Me er iyange ia mire iyange sha tembe, Me wa tar ime atetan.

Amoshi 9:6

u A maa ukpombaayoughouv Nav Sha, man A ver kwavaôndo Na suur shin tar; Un ka A yila mngerem ma zegemnger, A haa ma sha tar, TER, ka iti Na je la.

Mika 1:3

Gadia, nenge, TER ngu duen hen ijiir Na, Una hungwa, Una ndyar sha ajiir a taven sha a tar la.

Habaku 3:19

AÔNDO, Ter, ka agee am, A gema angahar a am hingir er a ashim yô, a erem m zende sha ajir a am a taven sha. Ka sha ci u orhemen u mbawanatsam; mba koho mbaadiguve sha mi.

Sekaria 12:1

Ka mkaanem ma TER ôr sha Iserael. TER ngu ôron kwagh, Un u A samber Usha, u A tim imagh ki taregh, man A er jijingi u or ken a nan yô, er:

Mateu 9:4

Man er Yesu fa mbamhen vev yô, A kaa er: Ka nyi ne henen kwagh u bo ken asema a ene?

YOHANE 2:25

man shi sha ci u kwagh gbe Un a ma or u nana pase mlu u orgen ga yô, gadia Un iyol Na A fa kwagh u a lu ken or yô.

YOHANE 3:8

Ahumbe ka a karen sha ishima i a, u ungwa ihuran i a je, kpa u fa ape a dugh man henpe a ze kpaa ga. Kape hanma or u i mar nan ken Jijingi nan lu la.

Duteronomi 32:13

A er un a unde sha ajiir a taven sha a tar, a ya iyiagh ki ken sule; A er un a suse iyough ken vande man mkurem kpaa ken vande u taver.

Duteronomi 33:29

Saan we iyol Iserael, ka an nan lu er we nahan? ikurior i TER A yem i perutya u iwasen you, man sanker u mhembe wou; mbaihomov ou vea var u inya, we, ú ndyar sha ajiir a ve a taven.