Amoshi 4:10 - ICIGHAN BIBILO

¹⁰ M haa ne bouange, sha inja i Igipiti la; M wua ikaior yen sha sanker, M kar a anyinya a en kera; M na ihuma i ken afo a en i nyôr ken ahenga a en je; nahan kpaa, ne hide her a Mo ga, kape TER A kaa ne.

Amoshi 4:10 Iomraidhean Croise

2 Utor 10:32

Sha ayange la, TER hii u panden Iserael tar; Hasael hemba ve ken tar u Iserael cii,

2 Utor 13:3

Nahan ishima vihi TER a Iserael tsung, A na ve sha ikev i Hasael tor u Shiria, man sha ikev i Benhada wan u Hasael, ve lu sha ikev ve gbem.

2 Utor 13:7

A undu Yehoahashi a ior je ga, saa mbaanyinyav akunduahargber tseegh man akekeautya pue kua mbazanangahar dubu pue; gadia tor u Shiria tim ve, gema ve, ve hingir er vuulevu u ndyaren angahar mi yô.

2 Utor 8:12

Tsô Hasael kaa er: Ka nyi terem a vaa? A gema a kaa er: ka sha ci u m fa kwagh u bo u ú va er Mbaiserael yô; ú nande ayouautya a ve sha usu, ú wua mbayevikaior vev sha sanker, ú ta mbayev vev mba kiriki inya ú her ve; kasev vev mba lun iyav kpaa, ú pav ve iyav.

Ekesodu 10:27

Kpa TER cighir Farao ishima, nahan a rumun er ve̱ yem ga.

Ekesodu 10:3

Tsô Mose man Aron ve za hen Farao, ve kaa a na er: TER, Aôndo u Mbaheberu, kaa nahan er: Ka hanma shighe je man ú de u vendan u shirigh a iyol you inya sha ishigh Yagha? De ior Av, ve̱ yem ve̱ za civir Mo.

Ekesodu 14:4

Me cighir Farao ishima, una tôv ve angahar; nahan Me gema Me zua a zua a icivir sha kwagh u Farao kua ikumutya na cii; Mbaigipiti vea fa er Mo M lu TER yô. Tsô ve er nahan.

Ekesodu 15:26

A kaa er: Aluer ú waan imo i TER, Aôndo wou, iko a ishima i môm man ú eren kwagh u a lu vough sha ishigh Nagh kpaa, shi ú waan iko sha atindi a Na, man ú ver ishima sha akaawan a Na cii yô, angev mbu M ne Mbaigipiti la, môm tsô kpaa, Me na u ga; gadia ka Mo TER u been we angev.

Ekesodu 8:19

Tsô mbaahiriv mbala kaa a Farao er: Kwagh ne ka ihôwe u Aôndo je; kpa ishima i Farao cighir, a wa ve iko ga; er TER kaa yô.

Ekesodu 9:12

Kpa TER cighir Farao ishima, a wa ve iko ga; er TER kaa Mose yô.

Ekesodu 9:17

U ngu di kenden iyol you sha her, yangen ior Av wer ve̱ de yemen ga tsô hô?

Yesaia 34:3

Ior vev mba i woo ve la, á haa ve kera, ihuma i akom a ve ia kpurum, man iwo ia sough sha awambe a ve.

Yesaia 50:11

Yô, ne mba ne keer usu cii, mba ne zeren akagh a usu iyol, zende nen ken nomborusu wen, man ken akagh a usu a ne tsar yô. Ka sha ikev Yam je kwagh ne una tser ne ye: nea yav inya a mnyoonom iyol.

Yesaia 9:12

ka Mbashiria sha vegher u sha ityoughkitaregh man Mbafiliti vegher u shin ityôtar la; ve gema ve aver zwa, ve mena Iserael. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yesaia 9:13

Nahan kpaa ior gema her a Na, u A tsaha ve la, ga; shi ve ker TER u akum a Sha kpaa ga.

Yesaia 9:17

Ka nahan man Ter Una kera ember ikaior ve ga, man shi Una zungwe ancôgholov vev kua kasev vev mba côgholov mhôônom kpaa ga ye, gadia hanmô ve ka dangor man u eren ifer tsô, hanma zwa kpaa ngu ôron iferkwagh. Nahan kpaa iyugh Na ngi a kar kera ga, kpa uwegh Nagh ku naregh ku di her tsô.

Yeremia 11:22

Nahan yô, TER u akum a Sha ngu kaan nahan er: Nenge, Me tsaha ve; ikaior ia kpe ku u sha sanker; ônov vev mba nomso kua mba kasev vea kpe ijen;

Yeremia 15:3

Me tsaha ve sha mbamtsaha anza anyiin, kape TER A kaa ne: sanker sha ci u wuan kera, man iwa sha ci u tusen a mi, inyon i sha kua inyam ikume sha tar sha ci u yan man u anden kera.

Yeremia 16:4

Angev mbu bov mbua wua ve, á vaa ve ga, man á ii ve kpaa ga; vea hingir er atihi a ihôghonov mbi sôron sule a min hen inya nahan; ka sha sanker kua sha ijen á tim ve kera ye; akom a ve aa hingir kwaghyan u inyon i sha man inyamikume i shin tar.

Yeremia 18:21

nahan yô, gema ônov vev na ijen, man shi na ve sha tahav mbu sanker; kasev vev ve̱ hingir aveve man shi ve̱ hingir kasev mba côgholov kpaa; noov vev ku u̱ wua ve, man ikaior vev sanker a̱ wua ve ken utya.

Yeremia 48:15

I tim Moabi kera, ve kôndo ve nyôr ken agar a na, man ikaior na i hemban cii la, sen sha u i̱ za wua ve, kape Tor A kaa ne, u i yer iti Na er TER u akum a Sha la.

Yeremia 49:26

Nahan yô, ikaior na ia gba sha igbenda na, man mbautyav cii á er ve, vea huan ving sha iyange la, kape TER u akum a Sha A kaa ne.

Yeremia 5:3

TERE, ka mimi ashe Ou a keren gaa? U gbidye ve, kpa nyoon ve ga; U tim ve kera, kpa ve rumun mkôôm ga, ve taver ishiv vev je, hemba vande; ve venda u geman asema.

Yeremia 6:11

Nahan yô, M mgbough a iyugh i TER; M wa ishima je M vôr. Haa i sha mbayev mba sha gbenda u ken gar, kua sha mkohol u mbayevikaior cii; gadia nom vea kwase u nan kpaa á kôr ve, orvesen a or u ayange a nan a iv la kpaa.

Yeremia 9:22

Ôr kwagh kaa wer: TER ngu kaan nahan er: Akom a ior aa gba er ihôghonov mbi sôron sule a min shin inya nahan, man er atihi a uyia ken ijime i orsundan nahan, man or á kera kura a kpaa ga.

Hosea 11:5

Una hide ken tar u Igipiti; Ashiria una lu tor na, sha ci u ve venda u geman ishima yô.

Yoel 2:20

Me kar a mba ken imbusutarimese hen a ven kera, Me zenda ve, vea yem ken tar u ombor u lun gbilin, mba ken hemen vea yem shin zegemnger u sha ityoughkitaregh la, man mba ken ijime di vea yem shin zegemnger u shin ityôtar la, ihuma ve i bo ia mough; myughul ve u dang kpaa una mough, sha ci u ve er akaa a vesen.

Levitiku 26:16

Mo Me er a ven, Me ta ne mciem iyol, houghbar una kôr u kua angev mbu tseeyol; mbua hungwa u ashe ikôr, mbua na asema a en aa ure; né lôôn ivor yen, kpa á lu gbilin tsô, gadia ka mbaihomov enev vea va ya i ye.

Levitiku 26:25

Me va a sanker sha a ven, una va or iyev i ikuryan, zum u ne za haa ken agar a en la, Me tindi bouange hen ven, né gema né hingir sha ikev i mbaihomov.

Amoshi 4:6

M gema M na ne mwanger u anyiigh ken agar a tamen a en cii, man mban u kwaghyan ken ajiir a en a teman cii; nahan kpaa, ne hide her a Mo ga, kape TER A kaa ne.

Amoshi 8:3

Atsam a wan a ken tempel aa hingir mliam sha iyange la, kape Ter AÔNDO A kaa ne; akom aa ngee; hanma ijiir kpaa i de haan a ga! huan ving!

Hagai 2:17

M tsaha ne sha mhie u iyia man sha yien man sha awombo, ka ityom yen i aveegh cii; nahan kpaa ne hide her a Mo ga, kape TER A kaan ne.

Duteronomi 28:21

TER Una er bouange una zer a we, zan zan Una tim u ken tar u ú za nyôr ker sha u yan dyako u u la.

Duteronomi 28:22

TER Una tsaha u sha houghbar man angev mbu tseeyol man kwambe man iyol i hian man icegh ki zan man mhie u uyia man yien, vea zer a we zan zan ú tim.

Duteronomi 28:60

Man shi Una haa u angev mbu Igipiti la cii, mbu mbu cier we iyol la; mbua zer a we.

Duteronomi 7:15

TER Una kura angev hen we kera cii; man shi Una na ma angev mbu bov mbu Igipiti mbu u fe mbu la er mbu̱ kôr u ga, Una gema mbu Una haa mba ve ker u ihom la cii.