Amoshi 3:4 - ICIGHAN BIBILO

⁴ Begha te kume shin ikô zum u a ker inyam ga kpa? Gumbegha te kume ken bar na zum u ka una kôr kwagh ga kpa?

Amoshi 3:4 Iomraidhean Croise

Upasalmi 104:21

Agumabegha ka a taan kume, a yaren ikôr, a keren kwaghyan hen Aôndo.

Hosea 11:10

Vea zende a TER ityô; Una ta kume er begha nahan; gadia Una ta kume, tsô ônov mba nomso vea mough shin ityôtar vea va her a Na a akarkase iyol.

Hosea 5:14

Gadia Me hingir Eferaim er begha nahan man ya u Yuda kpaa er gumbegha nahan; Mo, een, Mo je, Me tuse, Me kar kera; Me yem a mi, ma oryiman nana lu ga.

Amoshi 1:2

A kaa er: TER ngu tan kume ken Shion, ngu taver imo Na ken Yerusalem je, ajiir a yan toho a uile zungwe, ityough ki Karmel kpaa ure.

Amoshi 3:3

Ior uhar vea gba zenden imôngo aluer vea vande zuan ga kpa?

Amoshi 3:5

Inyon i gbe ken kwaghhônon shin inya, zum u ka a hôn i ga kpa? Kwaghhônon una yôhôl aluer kwagh una gba ker ga kpa?

Amoshi 3:8

Begha ta kume, yô, ka an je nana de ciana? Ter AÔNDO ôr kwagh, yô ka an je nana de pasenaa?