Amoshi 3:14 - ICIGHAN BIBILO

¹⁴ Gadia sha iyange i Me va tsaha Iserael sha afer a ve yô, Me shi Me tsaha atse a Betel a nan nagh sha mi la kpaa, á tôndo akor a atsegh aa gba inya.

Amoshi 3:14 Iomraidhean Croise

2 Utor 23:15

Man shi atse a nanden nagh sha mi a a lu ken Betel kua ijiir i taven sha i Yerobiam wan u Nebati u a na Iserael a er isholibo la, lu er la, atse shon man ijiir i taven sha la, a hembe a, a nande ijiir i taven sha la, a hembe i zan zan hingir vuwe, a nande Ashera la kpaa.

2 Kroniku 31:1

Tsô zum u i kure akaa ne cii yô, Mbaiserael mba ve lu her cii, ve due ve za ken agar a Yuda, ve za hembe mtôm ma awenem, ve gber Asherim kera, ve hembe ajiir a taven sha man atse a nanden nagh sha mi a ken Yuda cii man a ken Benyamin man ken Eferaim kua Manase kpaa, ve vihi a ci ca cii. Tsô ônov mba Iserael cii hide, hanma or nan yem hen gar u nan hen ya u nan.

Ekesodu 32:34

Ahegen yô, za za hemen ior, za a ve hen ijiir i M kaa u la; nenge, ortyom Wam una hemen we; nahan kpaa, sha iyange i Me va u va tsahan yô, Me tsaha ve sha isholibo ve.

Amoshi 2:8

ka ve yav sha akondo a ityungugh hen kpe u hanma atse a nanden nagh sha mi; ken iyou i aôndo ve, mba me wain u ior mba i ye ve zwajirigh la.

Amoshi 4:4

Va nen hen Betel, va per nen atindi; va nen hen Gilgal va seer peren nen atindi; va nen a iniav yenev mbi sôngon hanma sev, man môm-ken-upue enev hanma iyange i sha utar.

Amoshi 7:10

Tsô, Amashia pristi u ken Betel, tindi hen Yerobiam tor u Iserael, kaa er: Amoshi ngu zuan zwa sha a we ken atô ya u Iserael; kera doo tar u ungwan akaaôron a na la ga.

Amoshi 7:13

kpa de kera shi er kwaghôron u profeti ken Betel ga, gadia ka icighanjiir u tor, man ka ya u tor kpaa.

Amoshi 7:9

ajiir a taven sha a Isaka la, aa hingir atse, man uicighanmbaajiiriv mba Iserael la kpaa, vea yôhôl; Me mough Me ta num sha ya u Yerobiam sha sanker.

Amoshi 9:1

M nenge TER tile hen kpe atse a nanden nagh sha mi; man A kaa er: Gbidye uindyuruku mba mtô zan zan amagh a̱ tenger; hembe ve avur avur sha ityouv mbi ior mbala cii; mba ve shi her yô, Me wua ve sha sanker, mô ve môm nana nyôngoso ga, mô ve môm kpaa nana war ga.