Amoshi 2:8 - ICIGHAN BIBILO

⁸ ka ve yav sha akondo a ityungugh hen kpe u hanma atse a nanden nagh sha mi; ken iyou i aôndo ve, mba me wain u ior mba i ye ve zwajirigh la.

Amoshi 2:8 Iomraidhean Croise

Ekesodu 22:25

Aluer wea pwar inyaregh wea na icanor u ken ior Av, u nan lu a we imôngo yô, de eren a nan er or u cirin or injô nahan ga, shi de kera we nan mngerem kpaa ga.

Yesaia 57:7

U tar gambe wou sha uwo u taven u kenden sha; ka shaala je, u undu u za ne nagh ku sôngon ye.

Esekiel 18:12

una kighir mbaatsanev man mbaibanave sha apera, una ngohol kwagh sha agee man una hide a ityungu ga, man una kende ashe na sha akombo, una er akaa a ndôhôrshima,

Esekiel 18:7

man nan kighir orgen sha apera ga, kpa nan hidi a ityungu hen or u yan nan injô, man nan ngohol ma or kwagh sha agee ga, kpa nan ne mba ijen i ker ve kwaghyan, man nan cirin mbalun idyelegh akondo iyol,

Esekiel 23:41

u tema sha gambe u icivirigh, a tebul u i ser sha hemen na, u penda kwaghhumandoon Wam man mkurem Am sha mi.

Hosea 4:8

Ka sha asorabo a ior Av ve koson ayol a ve ye, man afer a ve la, ka kwagh u doon ve mimi.

Hosea 7:14

Ve yilam sha ishima i môm ga, kpa mba ngoron sha ugambe vev; ve tôndo avav iyol ayol a ve sha ci u samuyia man wain u he; mba hendan a Mo.

Amoshi 3:14

Gadia sha iyange i Me va tsaha Iserael sha afer a ve yô, Me shi Me tsaha atse a Betel a nan nagh sha mi la kpaa, á tôndo akor a atsegh aa gba inya.

Amoshi 4:1

Ungwa nen kwaghôron ne, ne ungômbaibuav mba Bashan mba ne lu sha uwo u Samaria ne, ne mba ne kighir atsanaior, ne heren mbaibanave, ne mba ne kaan a noov enev ner: Va nen a mi, se̱ ma la.

Amoshi 6:4

Mba ve yaven sha ugambe mba sha anyianor, man ve naregh ayol a ve sha ugambe; mba ve ye agumabua a ken ikumuile man agumabua a ken ityôr;

Amoshi 6:6

mba ve me wain shin ikuca man ve shigh ayol a ve mkurem ma hemban doon, kpa ishima kera vihi ve sha ci u mvihi u i vihi Yosev kera la ga!

1 Mbakorinte 10:21

Ne fatyô u man iyongo i Ter kua i ujijingi mba bov la imôngo ga. Ne fatyô u yan sha tebul u Ter kua sha tebul u ujijingi mba bov la kpaa ga.

1 Mbakorinte 10:7

De luun nen mbacivirakombo er mbagenev ken ve ve eren nahan ga. Kape i nger la er: Nongoior la tema inya sha u vea ya kwagh vea ma kwagh shi ve kighir ve mough sha sha u vinen amar.

1 Mbakorinte 8:10

Gadia aluer orgen nana nenge a we, we u u lu a kwaghfan la, u ngu yan kwagh ken kwa akombo, imo i nan i taver ga i ken ishima la yô, ia kera kende nan ishima u yan inyamakombo gaa?

Mbaajiriv 9:27

Ve yem ken sule ve za zôr atam a wain, ve kam, ve er iniongo, ve nyôr ken iyou i aôndo ve, ve ya, ve ma, ve gba tuhwan Abimeleki.