Amoshi 2:7 - ICIGHAN BIBILO

⁷ ve mba i gbe ve ishima u nengen a ihundu i inyaagh sha ityough ki mbaibanave man mba goom a gbenda u mbaasemaleghlegh; wan man ter u nan ka ve zua hen wankwase môm, sha u hôngor a icighanti Wam;

Amoshi 2:7 Iomraidhean Croise

2 Samuel 12:14

Nahan kpaa er u ne mbaihomov mba TER ityôkwagh i nan ityuhwanev kpishi sha kwagh ne yô, wan u u mar la, una kpe kpee.

1 Utor 21:4

Tsô Ahaba nyôr ken iyou na, hingir zunguluu, ishima vihi un sha kwaghôron u Naboti Oryesereel ôr a na la, er a kaa er: Me na u dyako u uter av ga. Nahan a za yav sha gambe na, a gema ishigh kera, a venda kwaghyan.

Anzaakaa 28:21

U tan ken or sha dooshima yô, doo ga; gadia sha u zuan a ankwaghyan je kpaa, or ka nan per tindi.

Yesaia 10:1

Kwagh á tser mba ve we atindi a ifer, kua mbangeren mba ve nger akaavihin,

Yesaia 10:2

sha u mgbeghan mbaibanave sha ijirôron kera, man sha u ngohol ian i mbaatsanev mba ken ior Av la kera, sha u kasev mba côgholov ve̱ hingir ishar ve, man sha u ve̱ gema ve̱ sar ancôgholov kpaa!

Yesaia 3:14

TER Una nyôr ijir a mbatamen mba ior Nav kua atiator a ve: Ka ne je, ne ye sule u wain; kwagh u i ngohol atsanaior sha apera la, ngu ken uya enev.

Yesaia 3:15

Inja na nan man ne cagh ior Av, ne er atsanaior icana? Kape Ter, TER u akum a Sha A kaa ne.

Esekiel 22:11

Orgen er idya a kwase u or u wan ndor a nan; man orgen hôngor iyol a kwase u wan u nan; man orgen ken a we kpaa nan vihi anngô u nan u kwase, wan u ter u nan.

Esekiel 36:20

Man zum u ve nyôr ken akuraior, henpe ve za la, ve hôngor a icighanti Wam; gadia ior ter ve er: Mban ka ior mba TER je, nahan kpaa ve due ken tar Na kera.

Hosea 4:14

Me kera tsaha ônov enev mba kasev sha ijimba ve ga, man kasev mba ônov enev sha idya ve kpaa ga; gadia nomso ayol a ve kpaa mba zan hen udyambakasev ken iuv, man mba ne nagh a udyambakasev mba ken ayou a akombo la imôngo; ior mba ve lu a mkav ga yô, á tim ve kera.

Levitiku 18:15

De bughun idyelegh u kwase u wan wou ga, gadia ka kwase u wan wou je, de bughun idyelegh na ga.

Levitiku 18:21

De ne mô wan wou sha u i̱ kar a nan ken usu sha ci u Moleki ga, de hôngor a iti i Aôndo wou ga; ka Mo TER.

Levitiku 18:8

De bughun idyelegh u kwase u teru ga, ka idyelegh u teru je la.

Levitiku 20:3

Me kera saan ishigh a or la ga, Me kar a nan ken nongo u nan kera, sha ci u nan ne Moleki wan u nan, nan hôngor a icighanjiir Wam shi nan hee icighanti Wam kpaa yô.

Amoshi 4:1

Ungwa nen kwaghôron ne, ne ungômbaibuav mba Bashan mba ne lu sha uwo u Samaria ne, ne mba ne kighir atsanaior, ne heren mbaibanave, ne mba ne kaan a noov enev ner: Va nen a mi, se̱ ma la.

Amoshi 5:11

Er ne ndyaren icanor man ne sav alakema na, ne maa ayou a sha awen a kuan, kpa tsan yen ker ga; ne kaha ishule i ikon i wain i dedoo, kpa man yen zar u i ga.

Amoshi 5:12

Gadia M fa mngee u atindi a peren a en, man ivesen i asorabo a en; ne mba ne eren mbamimi ican, ne mba ne ngohol inyaregh ki yamen ishô man ne mgbegha mbaibanave hen hundagar kera.

Amoshi 8:4

Ungwa nen kwagh ne, ne mba ne ndyaren mbaibanave shin angahar, man ne tim mbaatsanev ken tar kera,

Mika 2:2

Ve tôm ishule man ve ngohol i sha apera, kua ayou kpaa, ve ngohol a kpaa; ka ve nzughul a or kua ya u nan, man a or kua dyako u nan kpaa.

Mika 2:9

Ne mba zende kasev mba ior Av ken uya vev mba doon ve la kera; ne mba ngohol icivir Yam hen ônov vev mba kiriki kera gbem sha won.

Sefania 3:3

Mbatarev mba ker atô na ka ubegha mba tan kume; mbaajiriv nav ka ugbaseela mba aikighe mba ve shin ma kwagh her sha ci u pepe ga yô.

Mbaromanu 2:24

Gadia ka vough er i vande ngeren nahan er: Ka ne je ne ne i lu tuhwan iti i Aôndo hen atôatyev ye.

1 Mbakorinte 5:1

Gwa ngu zan ne je er idya ngi her atô wen, man ka imbaidya i ken atôatyev je kpaa i lu ga yô, orgen ngu a kwase u ter u nan je.