Amoshi 2:4 - ICIGHAN BIBILO

⁴ TER ngu kaan nahan er: Sha ci u atindi a peren atar a Yuda, een, sha ci u anyiin je yô, Me kera hide a mtsaha na ijime ga, gadia ve venda atindiakaa a TER, ve wa akaawan a Na iko ga, mbaaie vev na ve mtsum, mba uter vev lu zenden sha mi la;

Amoshi 2:4 Iomraidhean Croise

2 Utor 17:19

Yuda je kpaa wa atindi a TER, Aôndo ve, iko ga, ve lu zenden sha aeren a Iserael ver a la.

2 Kroniku 25:14

Tsô er Amashia za hemba Mbaedom hide yô, a va a mbaaôndo mba Mbaseir, a va ver ve er ve̱ hingir mbaaôndo nav, a gure a civir ve, a nande kwaghhumandoon sha ci ve kpaa.

2 Kroniku 30:7

De kera luun nen er uter enev, shin er anmgbianev enev nahan ga, mba ve er TER, Aôndo u uter vev kwaghbo man A gema ve ve hingir kwagh u tan mke iyol er ne nengen nahan.

Nehemia 1:7

Se er U kwagh u vihin kpishi, atindi man akaawan kua ajiraôron, a U we wanakiriki Wou Mose la, se wa a iko ga.

Nehemia 9:26

Nahan kpaa ve hemba ato, ve hendan a We, ve gbihi atindi a Ou ken ijime, ve wua uprofeti Ou mba ve pase ve ibo ve, sha u hiden a ve her a We la, ve er akaa a ndôhôrshima kpishi.

Yesaia 28:15

Gadia ne kaa ner: Se ya ikur a ku, se zua zwa a Sheol, zum u bocan u van sha agee una va karen la, una va hen vese ga; gadia se gema aie hingir se ijiir i yeren, man se yer ayol ase ken icugh je.

Yesaia 44:20

Ka mtwem nan ye ye; icugh i ken ishima, i tsume a nan sha gbenda je, nan kera fatyô u yiman uma u nan ga; u pinen er: Ka aie a lum ken uwegh ku yanegh ye gaa, kpa nan pine ga.

Yeremia 16:11

Yô, ú kaa ve wer: Ka sha ci u uter enev ve tem kera yô, kape TER A kaa ne, man ve dondon mbaaôndo mbagenev, ve eren ve tom, ve gur ve civir ve, Mo yô, ve gemam ve ta kera, atindiakaa Am kpaa ve wa iko ga;

Yeremia 16:12

kpa ne yô, ne er ifer hemba uter enev; gadia nenge, hanmô wen nan zenden sha mcighir u ishima i nan i bo, je yô, ne kera ver ato her a Mo ga;

Yeremia 17:27

Kpa aluer nea ungwam ga, nea rumun u tseghan iyange i memen ga, man u den ikav mbi tôôn nyôron a mi hen ihinda i Yerusalem sha iyange i memen ga, nahan Me keer usu hen ihinda na, ua hia ayou a utor a Yerusalem, á kera pir u kpaa ga.

Yeremia 6:19

Ungwa, we tar, nenge, M ngu van a kwaghbo sha ior mban, ka atam a mbamhen vev je la; gadia ve ver ato sha akaaôron a Am ga, tindi wam kpaa, ve venda un.

Yeremia 8:2

man vea gbulugh a sha ishigh ki iyange man ki uweregh kua ki akum a Sha cii, a a doo ve ishima man ve eren a tom, shi ve dondo sha a man ve keren a, man ve gur a inya kpaa la; á kohol akuhe la ga, man shi á ii a kpaa ga, aa hingir ihôghonov mbi sôron sule a min hen inya sha tar la.

Yeremia 8:9

Mbafankwagh va ahenge, kunda ve iyol, i kôr ve; nenge, ve venda kwaghôron u TER; nahan ka hanma inja i kwaghfan je ve lu a mini?

Yeremia 9:14

kpa ve zende sha asema ve a cighir, ve dondo Ubaal, er uter vev lu tesen ve yô.

Esekiel 13:22

Sha ci u ne vihi ishima i mbaperapera sha aie, mba M vihi ve asema ga, man ne taver ave a iferor, sha er nana̱ de kera hiden ijime sha gbenda u nan u bo, nana̱ war ga.

Esekiel 20:13

Kpa ya u Iserael hendan a Mo ken desereti, ve zende sha akaawan a Am ga man ve venda akaaôron a Am a jirigh a or nana̱ er sha mi man nana lu uma yô; ve vihi ayange a memen a Am tsung je, nahan M kaa Mer, Me haa ishima Yam i vihin sha a ve ken desereti, sha u timin ve.

Esekiel 20:16

sha ci u ve venda akaaôron a Am a jirigh, man ve zende sha akaawan a Am ga, man ve hôngor a ayange a memen a Am, gadia asema a ve lu zan sha akombo a ve la.

Esekiel 20:18

Shi M kaa a ônov vev ken desereti Mer: De kera zenden nen ken akaawan a uter enev ga, man shi de kera waan nen akaaôron a jirigh a ve iko ga, man shi de kera hôngor nen ayol a en sha akombo a ve kpaa ga.

Esekiel 20:24

sha ci u ve er sha akaaôron a Am a jirigh ga, kpa ve venda akaawan a Am, man ve hôngor a ayange a memen a Am man ashe ve lu sha akombo a uter vev.

Esekiel 20:30

Nahan yô, kaa a ya u Iserael wer: Ter AÔNDO ngu kaan nahan er: Né hôngor ayol a en sha aeren a uter eneve? Né er idya né dondo akaa a ve a ndôhôrshima laa?

Esekiel 22:28

Uprofeti nav shighe ivue sha ci ve, mba nengen mpase u icughugh man mtsengeôron u aiegh, mba kaan er: Kape Ter AÔNDO A kaa ne, man TER kpaa kaa ga.

Esekiel 22:8

U laha akaatseghan a Am, man u hôngor a ayange a memen Am.

Hosea 12:2

TER ngu a ayôôso a Yuda kpaa, Una tsaha Yakob sha ci u igbenda na, man Una na un injar sha aeren a na.

Hosea 12:3

Ken uya a kôr anngô na sha ikishinguhar, man er a kuma or yô, a nôngo wav a Aôndo;

Hosea 6:11

We Yuda kpaa, i ver u iyange i sundan. Zum u Me due a ior Av ken kwar yô.

Amoshi 1:3

TER ngu kaan nahan er: Sha ci u atindi a peren atar a Damaseku, een, sha ci u anyiin je yô, Me kera hide a mtsaha na ijime ga, gadia ve shoghol Gileadi sha ikyekye i iyôô i shoghol iyiav;

Amoshi 3:2

Ka ne tseegh M fe ne ken akuraior a sha won cii ye, ka nahan man Me va tsaha ne sha aferakaa a en cii ye.

Mika 6:12

Gadia mbanyarev mba ve lu keregh la ve mgbough a ipila, man mba ve tem ker kpaa ve er mbaaie, nombor u ken zwa ve iv a icugh.

Habaku 2:18

Eev mbu gban a gba, mbu or nan gbe mbu la, mbu a inja sha nyi? man shi eev mbu haan, mbu mbu lu ortesen u aiegh la, or u nan gbe mbu la nan gem nan suur sha kwagh u nan gbe la, or ka nan gba ieev mbi gbiliniv mbi fan ityô u lamen ga!

Mbaromanu 1:25

Ve daa mimi u Aôndo ve ver aie. Ve civir kwagh u i gbe un a gba, ve er un tom kpaa, kera lu Un u A gbe akaa la ga, man ka Un u i lu wuese Un gbem sha won ye.

1 Mbatesalonika 4:8

Nahan yô, or u nan vende kwagh ne yô, kera ka or nan vende ga, kpa ka Aôndo je u A ne ne Icighan Jijingi Na yô.

1 Peteru 1:18

Gadia ne fa i paa ne sha mlu wen u gbilinigh u ne ngohol hen uter la; lu sha akaa a saan ishe, er azurfa shin zenaria nahan, ga,

Mbaajiriv 10:6

Mbaiserael shi er kwaghbo sha ishigh ki TER, ve civir Ubaal man Mbaashetaroti man mbaaôndo mba Shiria man mbaaôndo mba Shidon man mbaaôndo mba Moabi man mbaaôndo mba Mbaamon kua mbaaôndo mba Mbafiliti; ve undu TER, ve de u civir Un.