Amoshi 2:14 - ICIGHAN BIBILO

¹⁴ Or u wan kpaver kpaa, ayem á nunde nan, orageegh nana kera fatyô u eren kwagh sha agee a nan ga, orutaha kpaa nana kera fatyô u waren uma u nan ga;

Amoshi 2:14 Iomraidhean Croise

Yobu 11:20

Kpa mbaaferev yô, vea hungwa ashe ikôr, gbenda u waren kpaa ngu ga, ishimaverenkeghen ve mase shin u sulen tsô.

Upasalmi 33:16

Ma tor nan wer sha ikumutya i vesen ga, ortaveryol kpaa nan wer sha mvese u agee a nan ga.

Orpasenkwagh 9:11

M shi m gema, m nenge shin tar, ayem a gban ka or u fefa nan hembe ga, ityav kpaa ka or u taver nan hembe ga, kwaghyan kpaa ngu sha ci u mbafankwagh ga, inyaregh kpaa ki sha ci u mbakavenkwagh ga, icivir kpaa ngi sha ci u mbahemban fan kwagh ga; gadia shighe man aikôr mba ve sha gbenda ve cii.

Yeremia 25:35

Mbakuranilev vea zua a gbenda u nyôngoso ga, man mbahemen ikumuile kpaa vea zua a gbenda u waren ga.

Yeremia 39:4

Tsô er Sedekia tor u Yuda kua mbautyav cii nenge a ve yô, ve yevese, ve due ken gar tugh, sha gbenda u ken sule u tor, sha hunda u u lu hen haregh u ukpekpe uhar la; ve yem gbenda u u ver ishigh hen Araba la.

Yeremia 9:23

TER ngu kaan nahan er: Orfankwagh a̱ de te ihagh sha kwaghfan u nan ga, orageegh kpaa a̱ de te ihagh sha agee a nan ga, ornyar kpaa a̱ de te ihagh sha inyaregh ki nan ga;

Amoshi 5:9

Un u ka A va a mtim sha orageegh fese, mtim kpaa a va sha iyouutya i taver.