Amoshi 1:8 - ICIGHAN BIBILO

⁸ Me tim mba ve tem ken Ashedodi kua wen u a lu a tôgh ku torough ken Ashekelon kpaa; Me naregh uwegh Agh sha Ekeron, man asande a Mbafiliti a a shi her la aa tim kera, kape Ter AÔNDO A kaa la.

Amoshi 1:8 Iomraidhean Croise

2 Kroniku 26:6

A due a za nôngo ityav a Mbafiliti, a hembe gilgar u Gati man gilgar u Yabene kua gilgar u Ashedodi; a maa agar ken tar u Ashedodi, kua hen atô u Mbafiliti kpaa.

Upasalmi 81:14

Nahan yô, ma M hembe mbaihomov vev fefa je, ma M gem uwegh Agh ma ku hendan a mbaahendanev vev.

Yesaia 1:25

Me kende uwegh Agh sha a we, Me wanger atsaase a ou kera er sha mtse nahan, me dugh iyôgh you ki mimi ga la kera cii;

Yesaia 20:1

Inyom i Tartan za va hen Ashedodi la, shighe u Sargon tor u Ashiria tindi un la, man a nôngo ityav a Ashedodi a hemba un je,

Yeremia 47:1

Kwaghôron u TER ne va hen profeti Yeremia sha kwagh u Mbafiliti, er Farao lu a hembe Gasa ga la.

Esekiel 25:16

nahan yô, Ter AÔNDO ngu kaan nahan er: Nenge, Me naregh uwegh Agh sha Mbafiliti, Me wua Mbakereti, man Me tim asande a a shi hen kpe u zegemnger la.

Yoel 3:4

Ne mba nyi je, we Tiru man Shidon man ityar i i kase Filitia cii? Né orom iyeve? Aluer ne orom iyev yô, fese je Me gema iyev la Me hire a i sha ityough yenegh.

Amoshi 1:7

nahan Me haa usu sha gilgar u Gasa, ua hia ayouator a na;

Amoshi 3:9

Yôô nen sha ayouator a Ashedodi, man sha ayouator a ken tar u Igipiti, ner: Kohol nen sha iwo i Samaria, yô, nenge, uzegembaayôôsov mba ve lu ker, man mbamkighir mba ker atô na la.

Obadia 1:18

Ya u Yakob una hingir usu, ya u Yosev kpaa una lu nombor usu, ya u Isou yô, una lu ayia, vea yegh ker vea hia a; ma kwagh á shi ken ya u Isou ga, gadia ka TER A kaa nahan ye.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Sekaria 9:5

Asekelon una nenge a mi una cia; Gasa una gbidye akarkase iyol, Ekeron kpaa, gadia ishimaverenkeghen na saa dang, tor una saa ken Gasa kera; Asekelon una kera lu a ior mba teman ker ga.

Sekaria 9:6

Ikurior i nungwa nungwa ia tema ken Ashedodi, man Me tim ihagh i Mbafiliti kera.

1 Samuel 6:17

Imor i zenaria i Mbafiliti na TER nagh ku iboogh a mi yô, ka i ne; i môm sha ci u Ashedodi, i môm sha ci u Gasa, i môm sha ci u Ashekelon, i môm sha ci u Gati, i môm sha ci u Ekeron;