Amoshi 1:6 - ICIGHAN BIBILO

⁶ TER ngu kaan nahan er: Sha ci u atindi a peren atar a Gasa, een, sha ci u anyiin je yô, Me kera hide a mtsaha na ijime ga, gadia ve yem a ikurior jimin cii uikangen, sha u za nan ve sha ikev i Edom;

Amoshi 1:6 Iomraidhean Croise

2 Kroniku 28:18

Mbafiliti kpaa va nôngo ityav a agar a shin pev man a ken tar u Imbusutariyan u Yuda la, ve ngohol Bete-shemeshi man Aiyalon man Gederoti man Soko kua agar a ve, man Timna a agar a na, man Gimso a agar a na; maa ve tema her je.

Yeremia 47:1

Kwaghôron u TER ne va hen profeti Yeremia sha kwagh u Mbafiliti, er Farao lu a hembe Gasa ga la.

Esekiel 35:5

Sha ci u u lu a ihom ken ishima gbem, man u gema Mbaiserael u na ve sha agee a sanker sha iyange i ican ve, sha shighe u mtsaha ve, u masetyô la;

Yoel 3:4

Ne mba nyi je, we Tiru man Shidon man ityar i i kase Filitia cii? Né orom iyeve? Aluer ne orom iyev yô, fese je Me gema iyev la Me hire a i sha ityough yenegh.

Yoel 3:6

man shi ne tee ônov mba Yuda man ônov mba Yerusalem, Mbagrika yam; ne yem a ve ca a tar ve;

Amoshi 1:11

TER ngu kaan nahan er: Sha ci u atindi a peren atar a Edom, een, sha ci u anyiin je yô, Me kera hide a mtsaha na ijime ga, gadia a cir anngô na ityô a sanker uwe, man shi a ta mhôônom ma zungwen kera cii, ishima na i nyoon pever ga, lu a iyugh gbem;

Amoshi 1:3

TER ngu kaan nahan er: Sha ci u atindi a peren atar a Damaseku, een, sha ci u anyiin je yô, Me kera hide a mtsaha na ijime ga, gadia ve shoghol Gileadi sha ikyekye i iyôô i shoghol iyiav;

Amoshi 1:7

nahan Me haa usu sha gilgar u Gasa, ua hia ayouator a na;

Amoshi 1:9

TER ngu kaan nahan er: Sha ci u atindi a peren atar a Tiru, een, sha ci u anyiin je yô, Me kera hide a mtsaha na ijime ga, gadia ve na ikurior jimin cii sha ikev i Edom man ve wa ikuryan i anmgbian a anmgbian la iko ga;

Obadia 1:11

Sha iyange i u tile her sha iyol i palegh, sha iyange i atôatyev va kura inyaregh nagh, man atôatyev nyôr sha ihinda na, ve er ishor sha Yerusalem la, we, u lu er u môm ken a ve nahan.

Sekaria 9:5

Asekelon una nenge a mi una cia; Gasa una gbidye akarkase iyol, Ekeron kpaa, gadia ishimaverenkeghen na saa dang, tor una saa ken Gasa kera; Asekelon una kera lu a ior mba teman ker ga.

Aerenakaa A Mbaapostoli 8:26

Tsô ortyom u Ter va ôr kwagh a Filibu, kaa er: Mough, yem vegher u shin imbusutariyan, sha gbenda u u dugh ken Yerusalem u zan hen Gasa, ka gbenda u ior ve karen sha u yum ga.

1 Samuel 6:17

Imor i zenaria i Mbafiliti na TER nagh ku iboogh a mi yô, ka i ne; i môm sha ci u Ashedodi, i môm sha ci u Gasa, i môm sha ci u Ashekelon, i môm sha ci u Gati, i môm sha ci u Ekeron;