Amoshi 1:3 - ICIGHAN BIBILO

³ TER ngu kaan nahan er: Sha ci u atindi a peren atar a Damaseku, een, sha ci u anyiin je yô, Me kera hide a mtsaha na ijime ga, gadia ve shoghol Gileadi sha ikyekye i iyôô i shoghol iyiav;

Amoshi 1:3 Iomraidhean Croise

1 Utor 19:17

Nahan or u nana war sanker u Hasael yô, Yehu a̱ wua nan; man or u nana war sanker u Yehu yô, Elisha a̱ wua nan.

2 Utor 13:3

Nahan ishima vihi TER a Iserael tsung, A na ve sha ikev i Hasael tor u Shiria, man sha ikev i Benhada wan u Hasael, ve lu sha ikev ve gbem.

2 Utor 13:7

A undu Yehoahashi a ior je ga, saa mbaanyinyav akunduahargber tseegh man akekeautya pue kua mbazanangahar dubu pue; gadia tor u Shiria tim ve, gema ve, ve hingir er vuulevu u ndyaren angahar mi yô.

2 Utor 16:9

Tsô tor u Ashiria ungwa imo na; nahan tor u Ashiria kôndo za nôngo ityav a Damaseku, a hemba un je, a kura ior a yem a ve uikangen ken Kir, a wua Reshin.

2 Utor 8:12

Tsô Hasael kaa er: Ka nyi terem a vaa? A gema a kaa er: ka sha ci u m fa kwagh u bo u ú va er Mbaiserael yô; ú nande ayouautya a ve sha usu, ú wua mbayevikaior vev sha sanker, ú ta mbayev vev mba kiriki inya ú her ve; kasev vev mba lun iyav kpaa, ú pav ve iyav.

Yobu 19:3

Ka acin pue je, ne lu van mo ahenge ne; ne er a mo dang, kunya kpaa u kôr ne ga.

Yobu 5:19

Una yima u ken atsan ataratar kpaa; een, ken ataankarahar je kpaa, ifer ia bende a we ga.

Anzaakaa 6:16

Akaa nga ataratar a TER A vende yô, een, ataankarahar je kpaa, a ishima i ndôhôr Un a a yô:

Orpasenkwagh 11:2

Kar kwar sha ior utaankaruhar, een, zan zan anigheni je kpaa, gadia u fa kwaghbo u una va er shin tar ga.

Yesaia 28:27

Gadia mba shoghol nee sha ikyekye i kpelan inya ga, man shi mba menger ikaver u ikyekye i shoghol iyiav sha ishwa ga, kpa mba gbidi nee sha aga man ishwa kpaa sha ankon.

Yesaia 41:15

Nenge, geman Yam we, ú hingir ikyekye i he i gbidyen alakema, i horon, i lun a anyi kpishi; ú gbidye iwo, ú hembe i avur avur, ú gema agungu, aa hingir er imough yô.

Yesaia 7:16

Gadia er wanakiriki la una lu a fa u vendan kwagh u bo man u tsuwan kwagh u dedoo ga je tsô, tar u we u cie utor mba u, uhar mban, á undu u gbilin.

Yesaia 7:8

Gadia ityough ki Shiria yô, ka Damaseku je, man ityough ki Damaseku yô, ka Reshin je. (Er anyom akunduatar kar ataan aa lu a kuma ga je tsô, á sombo Eferaim avur avur, sha er a̱ de kera luun ikurior ga yô.)

Yesaia 8:4

Gadia er wanakiriki la una lu a fa u yilan er, terem man ngôm ga je tsô, á kura inyaregh ki Damaseku man ishar i á ya ken Samaria la, á za a mi sha ishigh ki tor u Ashiria.

Amoshi 1:11

TER ngu kaan nahan er: Sha ci u atindi a peren atar a Edom, een, sha ci u anyiin je yô, Me kera hide a mtsaha na ijime ga, gadia a cir anngô na ityô a sanker uwe, man shi a ta mhôônom ma zungwen kera cii, ishima na i nyoon pever ga, lu a iyugh gbem;

Amoshi 1:13

TER ngu kaan nahan er: Sha ci u atindi a peren atar a Mbaamon, een, sha ci u anyiin je yô, Me kera hide a mtsaha ve ijime ga, gadia ve pav kasev mba Gileadi mba ve lu iyav la iyav sha u vea seer tar ve u̱ kehe;

Amoshi 1:6

TER ngu kaan nahan er: Sha ci u atindi a peren atar a Gasa, een, sha ci u anyiin je yô, Me kera hide a mtsaha na ijime ga, gadia ve yem a ikurior jimin cii uikangen, sha u za nan ve sha ikev i Edom;

Amoshi 1:9

TER ngu kaan nahan er: Sha ci u atindi a peren atar a Tiru, een, sha ci u anyiin je yô, Me kera hide a mtsaha na ijime ga, gadia ve na ikurior jimin cii sha ikev i Edom man ve wa ikuryan i anmgbian a anmgbian la iko ga;

Amoshi 2:1

TER ngu kaan nahan er: Sha ci u atindi a peren atar a Moabi, een, sha ci u anyiin je yô, Me kera hide a mtsaha na ijime ga; gadia a nande akuhe a tor u Edom, gema hingir alie,

Amoshi 2:4

TER ngu kaan nahan er: Sha ci u atindi a peren atar a Yuda, een, sha ci u anyiin je yô, Me kera hide a mtsaha na ijime ga, gadia ve venda atindiakaa a TER, ve wa akaawan a Na iko ga, mbaaie vev na ve mtsum, mba uter vev lu zenden sha mi la;

Amoshi 2:6

TER ngu kaan nahan er: Sha ci u atindi a peren atar a Iserael, een, sha ci u anyiin je yô, Me kera hide a mtsaha na ijime ga; gadia ve tee orperapera, ve yam azurfa, man oribanave kpaa sha kweakôvough môm;

Sekaria 9:1

Mkaanem ma TER ôr sha tar u Haderaki, Damaseku una lu ijiir i memen i ma; gadia ashe a TER nga sha ior kua sha ikwe i Iserael cii;

Sekaria 9:2

man sha Hamati kpaa u a lu sha ikighirtar na la; sha Tiru man Shidon kpaa, shin er ve lu a kwaghfan kpishi nahan kpaa.