2 Yohane 1:6 - ICIGHAN BIBILO

⁶ Dooshima yô, ka un ne: ka u se̱ zenden sha atindi a Na. Ka tindi shon ne: Er ne ungwa sha hiihii yô, ka u né zende sha mi.

2 Yohane 1:6 Iomraidhean Croise

YOHANE 14:15

Aluer Mea doo ne ishima yô, né kuran atindi Am.

YOHANE 14:21

Or u nan lu a atindi Am, man nan we a iko kpaa yô, ka nan je, M doo nan ishima ye. Or u M doo nan ishima kpaa, nana doo Terem ishima; Mo kpaa nana doom ishima, man Me pase iyol Yam her a nan kpaa.

YOHANE 14:23

Yesu gema kaa a na er: Aluer Mea doo or ishima yô, nana kuran kwaghôron Wam, Terem kpaa nana doo Un ishima; Sé va her a nan Sé va er ijiir i tsan her a nan kpaa.

YOHANE 15:10

Aluer ne wa atindi Am iko yô, né lu ken dooshima Wam; er Mo kpaa M we atindi a Terem iko, man M luun ken dooshima Na nahan.

YOHANE 15:14

Aluer ne eren kwagh u M we ne tindi sha mi yô, ne mba akar Am je.

Duteronomi 13:4

Dondo nen TER, Aôndo wen, cian nen Un, waan nen atindi Na iko, ungwa nen imo Na, civir nen Un, Var nen a Na.

1 Yohane 2:24

Ne yô, kwagh u ne ungwa sha hiihii je yô, a̱ lu ken a ven; aluer kwagh u ne ungwa sha hiihii la una lu ken a ven yô, ne kpaa né lu ken Wan man ken Ter kpaa.

1 Yohane 2:5

Kpa u nan we kwaghôron Na iko yô, mimi je ka ken a nan man dooshima u Aôndo a kom vough ye.

1 Yohane 2:7

Ne mbadoon mo ishima, ka ma tindi u he m ngeren ne ga, kpa ka tindi u tse u ne lu a mi sha hiihii je la kwaghôron u ne ungwa la, ka un a lu tindi u tse la ye.

1 Yohane 5:15

Aluer se fa, ngu ungwan hanma kwagh u se sen yô, shi se fa, se mba zuan a mbamsen mba se sen Un la cii.

1 Yohane 5:3

Gadia ka dooshima u Aôndo ne, ka u se̱ kuran atindi a Na, man atindi a Na yô, a yuhwa ga.

2 Yohane 1:5

Hegen yô, m ngu zamber a we, shagbakwase, m ngu ngeren we tindi u he ga, kpa ka u se lu a mi sha hiihii la; ka u se̱ doo ayol ase.