2 Samuel 8:4 - ICIGHAN BIBILO

⁴ Davidi ngohol un mbaanyinyav dubu man deri utaankaruhar, man mbazanangahar dubu ikundu; Davidi tôndo anyinya a kperan akeke cii igbela i akishiangahar, kpa a tsegha anyinya agen kuma sha akeke deri.

2 Samuel 8:4 Iomraidhean Croise

Genese 49:6

Uma wam a̱ de nyer nongo a mhen ve ga; icivir yam i̱ de zough a ve ken mkohol ve ga, gadia ka sha ishimanyoon ve la, ve wua ior, sha apera ve la, ve gber abua igbela i akishiangahar.

1 Utor 10:26

Solomon kohol akekeautya kua mbaanyinyav; a lu a akekeautya dubu man deri unyiin, man mbaanyinyav dubu pue kar uhar, a ver ve ken agar a akekeautya a lu ker yô, man hen tor ken Yerusalem kpaa.

1 Kroniku 18:4

Davidi ngohol un akekeautya dubu man mbaanyinyav dubu utaankaruhar man mbazanangahar dubu ikundu, Davidi tôndo anyinya a kpelan akeke cii igbela i shin akishiangahar, kpa a tsegha agen, kuma sha akeke deri.

Upasalmi 20:7

Mbagenev mba suur sha akekeautya, mbagenev yô, sha anyinya, kpa se yô, sea ter iti i TER, Aôndo wase.

Duteronomi 17:16

Nana̱ de seer a seer anyinya kpishi sha ci u nan ga, shi nana̱ de hidi a ior ken Igipiti sha u nana̱ seer anyinya ga; gadia TER vande kaan ne je er: Mayange de kera shi hidi nen sha gbenda la ga.

Yosua 11:6

Tsô TER kaa a Yosua er: De cie ve ga, gadia kper er hegen nahan Me na ve cii sha ikev i Iserael kpenegh, ú tôndo anyinya ve igbela i shin akishiangahar, ú nande akeke ve a kpelan sha usu.

Yosua 11:9

Yosua er a ve er TER kaa un nahan; a tôndo anyinya ve igbela i akishiangahar, a nande akeke ve sha usu.