2 Samuel 7:8 - ICIGHAN BIBILO

⁸ Yô, za kaa wanakiriki Wam Davidi nahan wer, TER u akum a Sha ngu kaa nahan er: M tôô u hen ijiir i ilev yan toho, ken ijime i uile Mer, hingir or u hemen ior Av, Iserael;

2 Samuel 7:8 Iomraidhean Croise

2 Samuel 12:7

Tsô Natan gema kaa a Davidi er: Ka we je, u lu or shon ye! TER, Aôndo u Iserael, ngu kaan nahan er: Mo M shighe u mkurem u hingir tor u Iserael, Mo M yima u sha ikev i Saulu kpaa;

2 Samuel 14:13

Nahan kwase la kaa er: Ka nyi u hen kwagh ne sha ior mba Aôndoo? Gadia sha kwaghôron ne nahan, tor hingir er ka or u lun a ibo yô, sha er tor a hide a or na u i zende nan la ga yô.

2 Samuel 23:1

Ka akaaôron a Davidi a masetyô ne: Davidi wan u Yese ngu ôron, or u i kende un sha la, ngu ôron, ka or u Aôndo u Yakob, u i shigh un mkurem, or u doon ishima ken atsam a Iserael je la.

2 Samuel 24:17

Tsô Davidi ôr kwagh a TER zum u a nenge a ortyom u a woo ior la yô, a kaa er: Nenge, m er kwaghbo, m er kwagh u vihin; kpa iyôngo ngin yô, ka nyi i ere? Yô, shi de, uwegh Ough ku̱ lu num a mo kua ya u terem tsô.

2 Samuel 5:2

Sha ayange a tsuaa a Saulu lu tor sha a vese la, lu we je u hemen Iserael, u duen a ve shi u nyôron a ve kpaa ye; man TER kaa a we er: Ka we ú kura ior Av Iserael, shi ka we ú lu orhemen u Iserael kpaa ye.

2 Samuel 6:21

Davidi gema kaa a Mikal er: Ka sha ishigh ki TER je, u A tsoughom, m hemba doon Un a teru man ya na cii la, A verem orhemen u ior mba TER, ka Iserael je la; me ember sha ishigh ki TER.

1 Utor 3:6

Tsô Solomon kaa er: U tese wanakiriki wou terem Davidi erdoo u vesen, er a lu zenden sha ishigh You sha mimi man sha perapera man sha ishima i wang a We imôngo yô, man U ver un erdoo u vesen ne, er U na un wan Wer a̱ tema sha ikônough nagh ki torough er i lu nyian nahan ne.

1 Utor 8:16

Hii sha iyange i M due a ior Av Iserael ken tar u Igipiti la je, M tsuwa ma gar ken ikwe i Iserael Mer, Me maa iyou sha u iti Yam i̱ lu ker ga; kpa M tsuwa Davidi Mer, a̱ tema tor sha ior Av Iserael.

1 Kroniku 17:7

Yô, za kaa wanakiriki Wam Davidi nahan wer, TER, u akum a Sha ngu kaan nahan er: M tôô u hen ijiir i ilev yan toho henpe u lu kuran iyongo la, Mer, hingir orhemen u ior Av Iserael.

1 Kroniku 21:17

Nahan Davidi kaa a Aôndo er: Ka mo m ne zwa mer, i̱ ôr iyenge i ior gaa? Een, ka mo m er kwaghbo, m er kwagh u vihin tsung ye; kpa iyôngo ingin ne yô, ka nyi i ere? Yô, TERE, Aôndo wam, shi de uwegh Ough ku̱ lu num a mo kua ya u terem kpaa, bouange a̱ de lu sha ior av ga.

Amoshi 7:15

TER tôôm pe m lu zan a ikumuile ityô la, man TER kaa a mo er: Za za ôr kwaghôron u profeti sha ior Av Iserael.

Aerenakaa A Mbaapostoli 7:46

u a zua a mrumun u sha mhôôn sha ishigh ki Aôndo, a zamber er ma un er Aôndo, u Yakob ijiir i teman.

1 Samuel 10:1

Tsô Samuel tôô gbermkure haa un sha ityou, suse un zwa, kaa er: TER kera shighe u mkurem er u̱ hingir tor sha dyako Na gaa?

1 Samuel 2:8

Ka A dugh icanor shin vuulevu kera, A mough a nan sha. A kende a oribanave shin tihi u ihôgh sha, er ve̱ tema a uityombaiorov imôngo, ve̱ ya dyako sha ikônough ki torough ki engem; gadia ityôv mbi tarev ka mbi TER je, A ver tar sha mbi.

1 Samuel 9:16

Kper er hegen nahan, Me tindi u a or u ken tar u Benyamin, shighe un mkurem sha u a̱ lu orhemen u ior Av Iserael yô, ka wen una yima ior Av sha ikev i Mbafiliti ye; gadia M nenge ior Av, mliam vem kôndo ar her a Mo je.