2 Samuel 7:7 - ICIGHAN BIBILO

⁷ Sha ajiir a M lu zenden a Mbaiserael imôngo la cii, M shi ôr kwagh a ma kwe u Iserael u M ver u sha u u kura ior Av Iserael la, Mer: Ka nyi ne maam iyou i sha ikon i sedar ga, kpa?

2 Samuel 7:7 Iomraidhean Croise

2 Samuel 5:2

Sha ayange a tsuaa a Saulu lu tor sha a vese la, lu we je u hemen Iserael, u duen a ve shi u nyôron a ve kpaa ye; man TER kaa a we er: Ka we ú kura ior Av Iserael, shi ka we ú lu orhemen u Iserael kpaa ye.

1 Kroniku 11:2

Sha ayange a tsuaa a Saulu lu tor la je kpaa, lu we je u hemen Iserael, u duen a ve, shi u nyôron a ve kpaa ye; man TER, Aôndo wou, kaa a we er: Ka we ú kuran ior Av Iserael, shi ka we ú lu orhemen u ior Av Iserael kpaa ye.

1 Kroniku 17:6

Sha ajiir a M lu zenden a Iserael imôngo cii, M shi ôr kwagh a ma orjir u Iserael u M ver nan sha u nana̱ kura ior Av la, Mer: Ka nyi ne maam iyou i sha ikon i sedar ga, kpa?

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Yesaia 66:1

TER ngu kaan nahan er: Sha ka ikônough Yagh ki torough je, man tar ka ijiir Yam i pendan angahar sha mi; ka nyi iyou je nea maama? Man ka nyi ijiir je ia lum ijiir i memen heree?

Yeremia 23:4

Me shi Me ver mbakuranilev sha i, mba vea sôôso i yô; ia kera cia kwagh ga, shin kwagh á cier i iyol kpaa ga, hanmôgh kia kera ban ken i ga, kape TER A kaa ne.

Yeremia 3:15

Me na ne mbakuran mba sha ishima Yam, mba vea kura ne sha kwaghfan kua mkav yô.

Esekiel 34:15

Mo iyol Yam Me koso iyôngo Yam, man Me na ia yav inya, kape Ter AÔNDO A kaa ne.

Esekiel 34:2

Wan u or, ôr kwaghôron u profeti sha mbakuran mba Iserael, ôr kwaghôron u profeti, kaa a ve, ka mbakuran je la, wer: Ter AÔNDO ngu kaan nahan er: Kwagh á tser mbakuran mba Iserael mba ve koson ayol a ve la! Kera ka iyôngo man mbakuran ve koson i gaa?

Esekiel 34:23

Me ver orkuran môm sha a ve, nana koson ve, ka wanakiriki Wam Davidi je la, ka un una koson ve shi ka un kpaa una hingir orkuran ve ye.

Mika 5:4

Tsô Una tile, Una koso ikumuile Na ken agee a TER, sha icivir i iti i TER, Aôndo Na; vea tema bem bem, gadia hegen Una hemba zan zan á za ar sha akighir a tar je.

Mateu 2:6

We, Betelehem, tar u Yuda, mayange je u lu u gban ijime ken mbahemenev mba Yuda ga; gadia ka ken we je man Orhemen Una due, u Una kuran nongoior Wan Iserael ye.

Aerenakaa A Mbaapostoli 20:28

Kuran nen ayol a en man ikumuile i Icighan Jijingi a ver ne mbakuran sha mi cii kpaa, sha u né koso nongo u Kristu u Aôndo, u A yem sha awambe a sha iyol Na la.

Aerenakaa A Mbaapostoli 21:28

ve gba genger imo kaan er: Ne Mbaiserael, wase nen se! Ngun ka or u a tesen ior cii han han sha u ôron ve akaavihin sha nongoior ne, man shi sha atindiakaa kua sha ijiir ne kpaa ne zan zan je yô, a va nyôr a Mbagrika ken tempel a va hôngor a icighanjiir ne kpaa.

Duteronomi 23:14

gadia TER, Aôndo wou, zenden ken atô u afo ou, sha u yiman we, nan we mbaihomov ou sha ikev, nahan yô, afo ou a̱ lu wang, A̱ de nengen a kwagh u vihin her a we, A̱ undun we ga.

1 Peteru 5:1

Nahan yô, m ngu taver mbatamen mba ken ven asema, mo u m lu ortamen a ve imôngo man shi orshiada u atsan a Kristu kpaa. Mo kpaa m ngu a kwar sha iengem i á va pase i la.