2 Samuel 7:23 - ICIGHAN BIBILO

²³ Ka hanma ikurior igen sha won i lu er ior Ou Iserael nahana, i Aôndo A za yem i er i̱ hingir ior Nav jim, sha u iti Na i̱ za sha won, man sha u Una er uzegembaakaav sha ci ve kua akaa a cieryol sha ci u tar Wou, sha ishigh ki ior Ou, mba U yem ve sha ci Wou ken Igipiti sha ikev i atôatyev man mbaaôndo veve?

2 Samuel 7:23 Iomraidhean Croise

2 Samuel 7:24

Shi U ver ior Ou Iserael Wer, ve̱ lu ior Ou gbem sha won; We TER, U hingir Aôndo ve.

1 Kroniku 17:21

Ka hanma ikurior igen sha won i lu er ior Ou Iserael nahana, i Aôndo A za yem i er i̱ hingir ior Nav, sha u iti You i̱ za sha won, sha uzegembaakaav mba cier iyol, er U zenda akuraior sha ishigh ki ior Ou kera, mba U yem ve ken Igipiti la?

Nehemia 1:10

Yô, mban ka mbayev Ou man ior Ou mba U paa ve sha agee a Ou a hemban man uwegh Ough ku taver kpaa yô.

Upasalmi 106:22

ityom i cieryol ken tar u Ham, man akaacieryol hen Zegemnger u Nyian.

Upasalmi 111:9

A tindi ior Nav a mpaa; A ver ikuryan Na er i̱ lu gbem; iti Na ka i tseghan man i cier iyol kpaa.

Upasalmi 145:6

Ior vea ôr kwagh u aeren a Ou a ageegh a a cier iyol la, mo kpaa me pase mhembe Wou er U hembe cii yô.

Upasalmi 147:20

Akuraior agen cii, A er a i mô nahan ga, a fa ajiraôron a Na kpaa ga. Haleluya.

Upasalmi 40:5

TERE, Aôndo wam, U er akaa a Ou a kpilighyol ngee kua mbamhen Ou mba sha a vese la kpaa; kwagh u á kar un sha a We yô, kera ngu ga. Shin er i sarem u pasen ve, ôron kwagh ve nahan kpaa, ve ngee gande u ôron.

Upasalmi 44:3

Gadia lu sha sanker ve ayol a ve, ve ngohol tar la ga, man lu ikasewe ve, i war ve kpaa ga, kpa lu uwegh Ough ku yanegh a ikasewe You man iwanger i ishigh You, sha ci u doo U a ve yô.

Upasalmi 65:5

Ka sha akaacieryol man U rumun se sha perapera ye, We, Aôndo u myem wase, We u akighir a tar cii ve veren ishima sha a We ne, kua uzegembamngerev mba ve lu ca la kpaa;

Upasalmi 66:3

Kaa nen a Aôndo ner: Ityom You ka i cier iyol; ka sha mvese u agee Ou man mbaihomov Ou vea var U inya ye.

Ekesodu 12:12

Gadia hen tugh mbula, Me zende ken tar u Igipiti cii, Me wua hanma waniunda ken tar u Igipiti cii, u or kua u zendenya kpaa; mbaaôndo mba Igipiti cii kpaa, Me ôr ve ijir, Me tsaha ve; ka Mo TER.

Ekesodu 33:16

Gadia ka sha nyi je man á fa er i doo U a mo kua ior Ou mbana? Kera ka sha mze u Ú za a vese imôngo la gaa? Ka nahan man mo kua ior Ou se lu kposo a ior mba ve lu sha won cii ye.

Ekesodu 6:7

Me ngohol ne, né hingir Mo ikurior, Me lu Aôndo wen; man shi né fa er Mo TER M lu Aôndo wen u M dugh a ven ken tom u ican u Mbaigipiti yô.

Ekesodu 9:15

Gayô, hegen ma M naregh uwegh Agh ma M hee u kua ior ou cii bouange, ma M tim u sha won kera kpaa.

Ekesodu 9:16

Kwagh u M de u u lu her je yô, ka sha u Me tese u agee Am man á pase iti Yam sha won cii kpaa yô.

Yeremia 32:20

Wen u A er uivande man akaakpilighyol ken tar u Igipiti, ken Iserael kua ior mbagenev kpaa zan zan nyian, man U er iti You i za er i lu nyian nahan;

Yeremia 32:21

U due a ior Ou Iserael ken tar u Igipiti sha uivande man akaakpilighyol man sha uwegh ku ageegh man sha uwegh ku naregh, kua sha mciem ma tan iyol ma vesen;

Esekiel 20:9

Kpa M er kwagh sha ci u icivir i iti Yam, sha u i̱ de kera hôngor a i sha ashe a a akuraior, henpe ve tem la, ga; ka sha ashe a M pase iyol Yam her a ve, er M due a ve ken tar u Igipiti la.

Numeri 6:27

Kape ve̱ veren iti Yam sha Mbaiserael la; Mo Me veren ve doo doo.

Mbaefese 1:6

ka sha ci u iwuese i á wuese iengem i mrumun Na u sha mhôôn u A rumun se ken Udoonshima la.

Duteronomi 10:21

Ka un ú wuese Un ye, Un ka Aôndo wou, u A er u uzegembaakaav mba cieryol mban, mba u nenge a mi sha ashe ou ne.

Duteronomi 15:15

Umbur er ngise u lu kpan ken tar u Igipiti man TER, Aôndo wou, paa u yô; ka nahan man M kaan we kwagh ne nyian ye.

Duteronomi 33:29

Saan we iyol Iserael, ka an nan lu er we nahan? ikurior i TER A yem i perutya u iwasen you, man sanker u mhembe wou; mbaihomov ou vea var u inya, we, ú ndyar sha ajiir a ve a taven.

Duteronomi 9:26

Tsô m sôn TER, m kaa mer: TER Aôndo, de timin ior Ou, dyako Wou, u U paa un sha mhembe Wou, u U due a na ken tar u Igipiti sha uwegh ku ageegh la, ga.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Yosua 7:9

Gadia Mbakanaan man mba ve tem ken tar ne cii vea ungwa gwa yô, vea va kase se, vea ese iti yase sha won kera; tsô Ú er nan a Iti You i hembana?

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,