2 Samuel 7:13 - ICIGHAN BIBILO

¹³ Ka un una maa iyou sha ci u iti Yam ye, Mo kpaa Me ver ikônough nagh ki torough kia lu gbem.

2 Samuel 7:13 Iomraidhean Croise

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

2 Samuel 22:51

Ngu nan tor Na myom u vesen; ngu tesen erdoo Na a u A shigh un mkurem la, a Davidi kua tsombor na gbem.

2 Samuel 7:16

Ya wou kua tartor wou vea tile dông sha ishigh you gbem; ikônough you ki torough kia lu her gbem sha won.

2 Samuel 7:27

Gadia We TER u akum a Sha, Aôndo u Iserael, U pase wanakiriki Wou Wer, Me maa u ya, ka nahan man wanakiriki Wou a sen U kwagh ne vangertiôr ye.

1 Utor 2:24

Hegen yô, er TER A lu u uma ne, u A verem, A pendem sha ikônough ki torough ki terem Davidi, man A nem ya sha ityendezwa Na la, mimi je, á wua Adoniya nyian ne.

1 Utor 2:4

sha u TER A̱ kure kwaghôron Na, u A ôr sha a mo la er: Aluer ônov ou vea ver ishima sha igbenda ve, sha u vea zenden sha ishigh Yagh sha mimi a asema ve cii kua uuma vev cii kpaa yô, ú ban a or u teman sha ikônough ki torough ki Iserael ga.

1 Utor 2:45

Kpa tor Solomon yô, una lu a iveren ikônough ki torough ki Davidi kpaa kia lu dông sha ishigh ki TER gbem.

1 Utor 5:5

Man nenge, m ver ishima u maan iyou sha ci u iti i TER, Aôndo wam, er TER lu ôr kwagh la a terem Davidi yô, A kaa er: Ka wan wou u Me ver un sha ikônough you ki torough sha ityough you la, ka un je una maa iyou sha ci u iti Yam ye.

1 Utor 6:12

Sha kwagh u iyou i u maan ne, aluer wea zaan sha akaawan a Am, wea ôron ijir sha atindi Am, man wea waan iko sha atindi Am cii, ú eren sha mi yô, Mo kpaa, Me kure kwaghôron Wam a we, u lu M ôr a teru Davidi la,

1 Utor 8:13

Yô, m maa U iyou i teman ker, ijiir i Ú teman ker gbem yô.

1 Utor 8:15

A kaa er: I̱ wuese TER, Aôndo u Iserael, u A ôr kwagh a terem Davidi sha zwa Na, man A kure un sha uwegh Nagh je, A kaa er:

1 Utor 8:19

nahan kpaa, ka we ú maa iyou la ga, wan wou u ú mar iyol you je, ka un una maa iyou la sha ci u iti Yam ye.

2 Utor 21:4

Shi a ta atse a nanden nagh sha mi imôngo ken iyou i TER, i TER lu kaa er: Ka ken Yerusalem Me ver iti Yam la.

2 Utor 21:7

Shi a ver eev mbu Ashera mbu gban a gba mbu a er la, ken iyou i TER ôr kwagh u i a Davidi kua wan na Solomon er: Ka ken iyou ne, kua ken Yerusalem u ken ikwe i Iserael cii M tsough un ne, Me ver iti Yam i̱ lu her gbem ye;

2 Utor 8:19

Nahan kpaa TER rumun u timin Yuda ga, sha ci u wanakiriki Na Davidi, gadia A tôndo zwa a na er Una na un imenger sha ci u ônov nav gbem.

1 Kroniku 28:10

Nenge, TER tsuwa u er u̱ maa iyou, i̱ lu icighanjiir; yô, lu taveraa, er ase nahan.

2 Kroniku 33:4

A ta atse a nanden nagh sha mi ken iyou i TER kpaa, i TER lu kaa er: Ka ken Yerusalem iti Yam ia lu gbem la.

2 Kroniku 6:16

Yô TERE, Aôndo u Iserael wa iko sha kwagh u lu U tôndo zwa a wanakiriki Wou terem Davidi la, er U kaa wer: Ú ban a or sha ishigh Yagh, u nana tema sha ikônough ki torough ki Iserael ga, aluer ônov ou vea ver ishima sha gbenda ve, vea zenden sha atindiakaa Am, er we u lu zenden sha ishigh Yagh nahan yô.

Yobu 36:7

A tôô ashe Na sha mbaperapera kera ga; kpa A ver ve, ve tema a utor imôngo sha ikônough ki torough gbem, i kende ve sha kpishi.

Upasalmi 72:17

Iti na i̱ lu gbem sha won, iti na i̱ samber er iyange i lu her ne, ior ve̱ ver ayol a ve doo doo ken a na, ve̱ wuese un er ka or u sar sar.

Upasalmi 89:21

uwegh Agh kua lu a na gbem, ikasewe Yam kpaa ia taver un.

Upasalmi 89:29

Me er tsombor na ua lu gbem, ikônough nagh ki torough kpaa, kia lu er ayange a Sha yô.

Upasalmi 89:4

Me ver tsombor wou u̱ lu her gbem sha won; Me maa ikônough you ki torough zan zan sha ikov ikov cii.

Yesaia 49:8

TER ngu kaan nahan er: Sha shighe u doon yô, M rumun We, man sha iyange i myom kpaa, M wase U; Me kura U kpaa, Me ver U Ú lu ikuryan i ior sha u moughon a tar sha, man sha u nan ve dyako u i vande vihin un kera la;

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 33:17

Gadia kape TER A kaa ne, er: Or nana ban Davidi u nana tema sha ikônough ki torough ki ya u Iserael mayange ga;

Esekiel 37:25

Vea tema ken tar u M na wanakiriki Wam Yakob la, henpe uter enev lu tema la; vea tema ken u, ve kua ônov vev man ônov mba ônov vev, gbem sha won; wanakiriki Wam Davidi kpaa una tema tor sha a ve gbem sha won.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Sekaria 6:12

man ôr kwagh a na kaa wer: TER u akum a Sha ngu kaan nahan er: Nenge, or u i yer iti na er Icerenkon la una due hen ijiir na, ka un una maa tempel u TER ye;

Sekaria 6:13

ka un je una maa tempel u TER ye; una ya icivir i tor, una tema tor sha ikônough nagh ki torough man una lu pristi sha ikônough nagh ki torough; mhen u bem una lu her atô u ve mba uhar.

Mateu 16:18

Man M ngu kaan we Mer: We u ngu Peteru; ka sha vande ne je Me maa nongo Wam ye, ihinda i Hade ia hemba u agee ga.

Mbaheberu 3:3

Gadia i nenge Un er A kom icivir i hembe i Mose yô, di er ormaanya ka nan lu a icivir, i hemba i ya nahan.

1 Peteru 2:5

Ne kpaa, i̱ maa ne er ka awen a lun uma nahan, ne̱ lu iyou i ken jijingi, ne̱ hingir icighannongo u upristi sha u né naan nagh ku ken jijingi, ku ku doon Aôndo sha ci u Yesu Kristu yô.