2 Samuel 7:12 - ICIGHAN BIBILO

¹² Zum u ayange ou á bee, ú yav a uter ou imôngo yô, Me ver wan wou ken ijime you u una due ken iyol you je yô, Me taver tor na.

2 Samuel 7:12 Iomraidhean Croise

Genese 15:4

Tsô mkaanem ma TER va hen a na, kaa er: Or ne una lu or u yan dyako wou ga, saa u ú mar iyol you je, una ya dyako wou ye.

2 Samuel 22:51

Ngu nan tor Na myom u vesen; ngu tesen erdoo Na a u A shigh un mkurem la, a Davidi kua tsombor na gbem.

1 Utor 1:21

Á lu nahan ga yô, zum u terem tor una yav a uter nav imôngo yô, mo vea wan wam Solomon á gema se sé hingir mbalun a ibo.

1 Utor 1:48

Shi tor kaa nahan er: I̱ wuese TER, Aôndo u Iserael, u A ne or u teman sha ikônough yagh ki torough nyian ne, m nenge sha ashe am je.

1 Utor 2:1

Tsô ayange nga sôôn a Davidi una kpe yô, a ôr kwagh a wan na Solomon, a kaa er:

1 Utor 2:10

Tsô Davidi yav a uter nav imôngo, i ii un ken gar u Davidi.

1 Utor 2:4

sha u TER A̱ kure kwaghôron Na, u A ôr sha a mo la er: Aluer ônov ou vea ver ishima sha igbenda ve, sha u vea zenden sha ishigh Yagh sha mimi a asema ve cii kua uuma vev cii kpaa yô, ú ban a or u teman sha ikônough ki torough ki Iserael ga.

1 Utor 5:5

Man nenge, m ver ishima u maan iyou sha ci u iti i TER, Aôndo wam, er TER lu ôr kwagh la a terem Davidi yô, A kaa er: Ka wan wou u Me ver un sha ikônough you ki torough sha ityough you la, ka un je una maa iyou sha ci u iti Yam ye.

1 Utor 8:15

A kaa er: I̱ wuese TER, Aôndo u Iserael, u A ôr kwagh a terem Davidi sha zwa Na, man A kure un sha uwegh Nagh je, A kaa er:

1 Utor 8:19

nahan kpaa, ka we ú maa iyou la ga, wan wou u ú mar iyol you je, ka un una maa iyou la sha ci u iti Yam ye.

1 Utor 8:20

TER kpaa A er vough sha kwaghôron Na u A ôr la, gadia mo m va tile sha ityough ki terem Davidi, man m tema sha ikônough ki torough ki Iserael, er TER lu tôndo zwa yô, man m maa iyou la sha ci u iti i TER, Aôndo u Iserael.

1 Utor 9:5

Mo kpaa Me taver ikônough you ki torough sha Iserael gbem sha won, sha ityendezwa i M tôndo a teru Davidi Mer, ú ban a or u nana tema sha ikônough ki torough ki Iserael ga la.

2 Utor 8:19

Nahan kpaa TER rumun u timin Yuda ga, sha ci u wanakiriki Na Davidi, gadia A tôndo zwa a na er Una na un imenger sha ci u ônov nav gbem.

1 Kroniku 17:11

Tsô zum u ayange ou aa kuma a ú za kohol uter ou yô, Me ver vor wou, á lu ma wan wou je, Me taver tor u nan.

2 Kroniku 1:9

Hegen yô, TERE, Aôndo, ityendezwa You a terem Davidi i kure sha mi vough; gadia U verem tor sha ior ngee er vuulevu u hen inya nahan.

2 Kroniku 13:5

Doo u ma ne fe er TER, Aôndo u Iserael, A ne Davidi tor u Iserael gbem, un a ônov nav sha ikuryan i bar gaa?

2 Kroniku 21:7

Nahan kpaa, TER rumun u timin ya u Davidi ga, sha ci u ityendezwa i A tôndo a Davidi la, gadia A tôndo zwa a na er Una na un imenger, un kua ônov nav gbem.

2 Kroniku 23:3

Tsô ikpelaior cii ya ikur a tor ken iyou i Aôndo. A kaa a ve, er: Nenge, wan u tor una ya tor, er TER lu kaa sha kwagh u ônov mba Davidi la.

2 Kroniku 6:15

We u U kur kwagh u U tôndo zwa a wanakiriki Wou terem Davidi la; mimi je, U or kwagh sha zwa Wou, shi U kure un sha uwegh Ough, er i lu nyian nahan.

2 Kroniku 6:9

Nahan kpaa ka we ú maa iyou la ga; kpa ka wan wou u u mar iyol you je, ka un una maa iyou la sha ci u iti Yam ye.

Upasalmi 89:29

Me er tsombor na ua lu gbem, ikônough nagh ki torough kpaa, kia lu er ayange a Sha yô.

Yesaia 11:10

Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 33:17

Gadia kape TER A kaa ne, er: Or nana ban Davidi u nana tema sha ikônough ki torough ki ya u Iserael mayange ga;

Daniel 12:2

Ior kpishi ken mba ve lu yaven shin vuulevu u taregh vea nder, mbagenev sha u zan ken uma u tsôron, man mbagenev di sha u zan ken kunya man iheen i been mayange ga.

Mateu 1:1

Takerada u tsombor u Yesu Kristu Wan u Davidi, wan u Aberaham la.

Luka 1:32

Un, Una lu Zegeor, á yilan Un er Wan u Uhembansha; Ter Aôndo kpaa Una na Un ikônough ki torough ki Ter Na Davidi.

Luka 24:27

Hii sha Mose kua uprofeti cii, A gba pasen ve akaa a sha iyol Na ken Icighanruamabera cii.

Aerenakaa A Mbaapostoli 13:36

Gadia Davidi kpaa er a wase kov na tom sha awashima u Aôndo yô, a kpe, i ver un a uter nav imôngo, a nenge a mhee kpaa.

Aerenakaa A Mbaapostoli 2:30

A lu profeti je shi a fa er Aôndo bum a na sha ibumzwa er ka or u ken tsombor na je, Una ver nan sha ikônough nagh ki torough ye,

1 Mbakorinte 15:51

Nenge, ka kwaghmyer je m lu ôron ne ye. Ka se cii sé kpe ga, kpa á va gema se cii.

Duteronomi 31:16

Tsô TER kaa a Mose er: Nenge, yaven you a uter ou imôngo; ior mban vea mough vea er idya sha u dondon mbaaôndo mba hev mba hen tar u ve lu zan sha u vea za tema ken u la, vea gbihim kera vea vihi ikuryan Yam i M ye a ve ne.

1 Mbatesalonika 4:14

Aluer se na jighjigh ser, Yesu kpe, shi hide nder yô, kape mba ve kpe ken Yesu la kpaa, Aôndo Una va a ve a Na imôngo.