2 Samuel 5:23 - ICIGHAN BIBILO

²³ Zum u Davidi pine TER yô, A kaa er: De kende ga, wa nev ken ijime ve, tsô ú za ta num sha a ve hen atine a balsem.

2 Samuel 5:23 Iomraidhean Croise

2 Samuel 2:1

Tsô er kwagh ne kar kera yô, Davidi pine TER er: M̱ kôndo m̱ za sha gar u Yuda shinii? TER kaa a na er: Kôndo; nahan Davidi pine er: Ka han m̱ kôndo? A kaa er: Ka sha Heberon.

2 Samuel 5:19

Tsô Davidi pine TER, kaa er: M̱ kôndo m̱ za nôngo ityav a Mbafiliti? Ú na ve sha ikev yam shinii? TER kaa a Davidi er: Kôndo; gadia Me na Mbafiliti sha ikev you kpee je.

1 Kroniku 14:14

Nahan Davidi shi pine Aôndo, Aôndo kaa a na er: De kera zende ve ityô ga, wa nev, tsô ú za ta num sha a ve hen atine a balsem.

Yosua 8:2

er a Ai kua tor na er u er a Yeriko kua tor na nahan; kpa ishar na kua ilev nav kura nen sha ci u ayol a en; ver mbautyav mbagenev ve̱ yer ken ijime i gar la.

Yosua 8:7

tsô né mough henpe ne yer la, né ngohol gar la, gadia TER, Aôndo wen, Una na un sha ikev yen.

1 Samuel 22:15

Ka nyian m hii u sônon Aôndo sha ci na yee? Mayange ka nahan ga; tor a̱ de kera ne wanye na ma ibo ga, shin ya u terem cii kpaa ga; gadia akaa ne cii wanye wou fa ma kwagh sha mi ga, kpeghee tsô kpaa ga.

1 Samuel 23:2

Nahan Davidi pine imo i TER, a kaa er: M̱ za, m̱ za wua Mbafiliti mban shinii? TER kaa a Davidi er: Za, za hemba Mbafiliti, yima Keila.